1 कुरिन्थियों 16:6 - बिलासपुरी नौआं नियम

⁶ पर हुई सक्कां भई हऊँ किछ वगत तुहांले इ रुकी जाऊँ कने सर्दियां रा ये मौसम तुहांरे येत्थी बिताऊँ, ताकि जिस तरफ मांह जाणा, तिस तरफ जाणे च तुहें मेरी मदद करी सक्को।

1 कुरिन्थियों 16:6 ပူးပေါင်းရင်းမြစ်များ

प्रेरितां 15:3

कलीसिया रे लोकें रोटी कने पैसा देईने तिन्हांरी यात्रा च जाणे जो मदद कित्ती; कने सै फीनीके कने सामरिया प्रदेशा चियें हुंदे हुये किस तरिके ने अन्यजातियां रे लोक खुशखबरी सुणीने यीशु मसीह पर विश्वास करी राँये ये खबर सुणान्दे रै, कने ये सुणीने सब विश्वासी बौहत खुश हुये।

प्रेरितां 17:15

पौलुसा जो ल्यौणे औल़े तिस्सो एथेंस नगरा तक लईगे; कने पौलुसा रे इस हुक्मा सौगी सै बिरिया नगरा च वापस हुईगे भई सीलास कने तिमुथियुसा जो छोड़े इ तिन्हांले भेजी दित्या जाओ।

प्रेरितां 20:38

सै जादा जे इसा गल्ला ते दुखी थे भई सै जे तिने बोल्ली री थी भई तुहां मिन्जो फेरी नीं देखणा। तां तिन्हें तिस्सो जहाजा तक पहुँचाया।

प्रेरितां 21:5

ताहली जे सै दिन पूरे हुईगे, तां अहें तित्थी ते चलीपे; कने जनानां कने बालकां समेत तिन्हें अहांजो नगरा ते बाहरा तका पहुँचाया; कने अहें कनारे पर गोडे टेक्कीने प्राथना किति,

प्रेरितां 27:12

शुभलंगरबारी नामक बन्दरगाह ठण्ड बिताणे खातर ठीक नीं था, इस खातर मतयां रा बचार हुआ भई येत्थीते जहाजा जो अग्गे ले जाईने किसी रितिया ने हुई सक्को तां फीनिक्स बन्दरगाह च पुज्जी ने ठण्ड कट्टिये। येत क्रेते टापुये रे कनारे रा इक बन्दरगाह हया तिसरा दवार जे दखण-पश्चम कने उत्तर-पश्चमा खौ खुलां।

प्रेरितां 28:11

तिन्नां महीनयां ते बाद अहें सिकन्दरिया नगरा जो जाणे औल़े इक्की जहाजा पर बैठीने चले सै जे तिस टापुये पर सारियां ठन्ठी रैईरा था, कने तिसरा नशाण दियुसकुरी था।

रोमियो 15:24

इस खातर ताहली जे हऊँ स्पेन देशा जो जांगा, तां मेरी ये आशा इ भई हऊँ तुहांजो जरूर मिलगा कने तुहां सौगी किछ दिन रुकणे रा नन्द लेणे ते बाद हऊँ चाँह भई तुहें सपेन जाणे च मेरी मदद करी सक्को।

1 कुरिन्थियों 16:11

इस खातर कोई तिस्सो नीच नीं जाणो, पर तिस्सो यात्रा खातर जो किछ जरूरी आ सै सारा किछ देईने भेजी देआं, ताकि सै मेरले आईजो; काँह्भई हऊँ तिसरा इन्तजार करीराँ भई सै साथी विश्वासियां सौगी आओ।

2 कुरिन्थियों 1:16

हऊँ सोच्चां था भई मकिदुनिया प्रदेश जान्दे हुये तुहांजो मिलूँ कने ताहली जे मकिदुनिया ते वापस हटूँ तां फेरी तुहांले आऊं; ताकि हऊँ तुहांते यहूदिया प्रदेशा रिया यात्रा खातर मदद पाऊँ।

तीतुस 3:12

ताहली जे हऊँ तेरले अरतिमास या तुखिकुस जो भेजूँ, तां मेरले निकुपुलिस नगरा जो औणे री पूरी कोशिश करयां, काँह्भई मैं तित्थी ठण्डा रा मौसम कटणे रा निश्चा कित्तिरा।