1 कुरिन्थियों 16:2 - बिलासपुरी नौआं नियम

² हफ्ते रे पैहले दिन तुहां चते हर इक अपणी-अपणी कमाईया रे मुतावक किछ अप्पूँ ले रखी छड्डा, ताकि मेरे औणे पर चन्दा नीं कठेरने पौ।

1 कुरिन्थियों 16:2 ပူးပေါင်းရင်းမြစ်များ

मरकुस 14:8

जो किछ सै करी सक्की, तिसे कित्या; तिसे मेरे दफनाये जाणे री त्यारी करने खातर पैहले तेई मेरे शरीरा पर खुशबुदार तेल मल़ीत्या।

लूका 16:10

ताहली जे तुहां छोट्टी ते छोट्टी गल्लां च विश्वास लायक रैहणा, तांई तुहें बड्डियां गल्लां च बी विश्वास लायक हुई सक्कां ये। जे तुहें छोट्टी गल्लां च धोखेवाजी करगे, तां तुहां बड्डिया जिम्मेवारिया च बी ईमानदार नीं हुई सकदे।

लूका 24:1

रबिवार रे दिन बड़े भ्यागा इ, सै जनानां तिन्हे जे खुशबुदार चिज़ां त्यार किति रियां थी, तिन्हाजो लेईने कब्रा पर आईयां।

यूहन्ना 20:19

तिस त्वारा रे संजके बगता, सै जे हफ्ते रा पैहला दिन था, चेले यहूदी अगुवेयां रे डरा रे मारे दरवाजा बन्द करीने बैठिरे थे। तां यीशु तित्थी आईने तिन्हांरे बिच खड़ा हुईग्या, कने तिन्हांजो गलाया, “तुहांजो शान्ति मिलो।”

यूहन्ना 20:26

अट्ठां दिनां बाद यीशुये रे चेले फेरी भीं घरा च कट्ठे हुये, कने थोमा तिन्हांने सौगी था। (दरवाजे पर ताला लगीरा था।) यीशु आया कने तिन्हां च खढ़ी गया, कने तिन्हांजो गलाया, “तुहांजो शान्ति मिलो।”

प्रेरितां 20:7

हफ्ते रे पैहले दिन तां जे अहें प्रभु भोज्जा च शामिल होणे खातर कट्ठे हुये, तां पौलुसे तिस जे दुज्जे दिन चली जाणा था, तिन्हांने गल्लां कित्तियां; कने अधिया राति तका गल्लां करदा रैया।

2 कुरिन्थियों 8:10

कने इसा गल्ला च ये मेरी सलाह इ; तुहांजो ये शोभा देआं, तुहें पिछले साल न सिर्फ दान देणे रिया इच्छा च सब्बीं ते अग्गे थे बल्कि दान देणे च बी सब्बीं ते अग्गे रै।

प्रकाशितवाक्य 1:10

हफ्ते रे पैहले दिन मिन्जो परमेशरा रे आत्मे अपणे वशा च करील्या; कने अपणे पिछे ते तुरहिया साई ऊच्चिया अवाज़ा च ये बोलदे हुये सुणया,