1 कुरिन्थियों 16:11 - बिलासपुरी नौआं नियम

¹¹ इस खातर कोई तिस्सो नीच नीं जाणो, पर तिस्सो यात्रा खातर जो किछ जरूरी आ सै सारा किछ देईने भेजी देआं, ताकि सै मेरले आईजो; काँह्भई हऊँ तिसरा इन्तजार करीराँ भई सै साथी विश्वासियां सौगी आओ।

1 कुरिन्थियों 16:11 ပူးပေါင်းရင်းမြစ်များ

लूका 10:16

“सै जे कोई तुहांरी सुणां, सै मेरी बी सुणां, कने सै जे कोई तुहांरा इन्कार कराँ, सै मेरा बी इन्कार कराँ; कने सै जे कोई मेरा इन्कार कराँ, सै मेरे भेजणे औल़े रा इन्कार कराँ।”

प्रेरितां 15:3

कलीसिया रे लोकें रोटी कने पैसा देईने तिन्हांरी यात्रा च जाणे जो मदद कित्ती; कने सै फीनीके कने सामरिया प्रदेशा चियें हुंदे हुये किस तरिके ने अन्यजातियां रे लोक खुशखबरी सुणीने यीशु मसीह पर विश्वास करी राँये ये खबर सुणान्दे रै, कने ये सुणीने सब विश्वासी बौहत खुश हुये।

प्रेरितां 15:33

सै किछ दिन रईने, विश्वासियां ते शान्तिया री आशीष पाईने अपणे भेजणे औल़यां ले विदा कित्ते।

1 कुरिन्थियों 16:10

जे तिमुथियुस आईजो, तां देख्यां भई सै तुहांरे येत्थी निडर रौ; काँह्भई सै मेरे साई प्रभुये रा काम्म कराँ।

1 कुरिन्थियों 16:6

पर हुई सक्कां भई हऊँ किछ वगत तुहांले इ रुकी जाऊँ कने सर्दियां रा ये मौसम तुहांरे येत्थी बिताऊँ, ताकि जिस तरफ मांह जाणा, तिस तरफ जाणे च तुहें मेरी मदद करी सक्को।

2 कुरिन्थियों 1:16

हऊँ सोच्चां था भई मकिदुनिया प्रदेश जान्दे हुये तुहांजो मिलूँ कने ताहली जे मकिदुनिया ते वापस हटूँ तां फेरी तुहांले आऊं; ताकि हऊँ तुहांते यहूदिया प्रदेशा रिया यात्रा खातर मदद पाऊँ।

1 थिस्सलुनीकियां 4:8

इस वजह ते सै जे इसा शिक्षा जो बेकार जाणाँ, सै माहणुये जो नीं पर परमेशरा जो बेकार जाणाँ, सै जे अपणा पवित्र आत्मा तुहांजो देआं।

1 तिमुथियुस 4:12

कोई तेरिया ज्वानिया जो बेकार नीं समझणे पाओ; पर वचन, कने चाल-चल़ण कने प्यार कने विश्वास, कने पवित्रता च विश्वासियां खातर आदर्श बणी जा।

तीतुस 2:15

इस खातर तीतुस हऊँ चाँह भई तू क्रेते टापुए रे विश्वासियां जो ये गल्लां सखा सै जे मैं तिज्जो दस्सी रियां। अपणयां लोकां तिन्हांजो करने रे खातर प्रोत्साहन दे, तित्थी तक जे जरुरी हो, तित्थी तिन्हां च सुधार कर। तिज्जो येढ़ा करने रा पूरा अधिकार आ। ध्यान रख भई सै जे किछ तू सिखां, कोई बी तिज्जो अनदेखा नीं करो।

3 यूहन्ना 1:6

सै प्यार जे तैं तिन्हां पर दस्या, तिन्हें येत्थी रिया कलीसिया रे विश्वासियां रे सामणे तिसरी गवाही दित्तिरी। तिज्जो तिन्हां लोकां री लगातार मदद करनी चाहिन्दी ताहली सै तिज्जो छड्डिने दुज्जिया जगह यात्रा करने री इच्छा कराँ ये, ये तिज्जो करना चाहिन्दा, काँह्भई येई परमेशरा जो खुश कराँ।