1 कुरिन्थियों 15:6 - बिलासपुरी नौआं नियम

⁶ फेरी सै पांज्ज सौ ते जादा विश्वासियां जो इक साथ दिखाई दित्या, तिन्हां चते बौहत सारे लोक हुण तक ज्यूंदे हलाँकि किछ लोक मरी चुक्कीरे।

1 कुरिन्थियों 15:6 ပူးပေါင်းရင်းမြစ်များ

मत्ती 28:10

फेरी यीशुये तिन्हांने बोल्या, “मत डरा; मेरे चेलयां ने जाईने बोल्ला, भई गलील प्रदेशा जो चली जायों तित्थी मिन्जो देख्यां।”

मरकुस 16:7

पर तुहें जाओ, कने तिसरे चेलयां कने पतरसा जो बोल्ला भई तिस तुहांते पैहले गलील जिले जो जाणा। तेढ़ा जे तिने तुहांजो गलाया था, तुहां तित्थी तिस्सो देखणा।”

प्रेरितां 13:36

“काँह्भई दाऊद त परमेशरा री इच्छा रे मुतावक अपणे बगता च सेवा करीने मरीग्या, कने अपणे पूर्वजां च मिलीग्या, कने सड़ी बी गया।

प्रेरितां 7:60

फेरी गोडे टेक्कीने उचिया अवाज़ा च हाक पाई, “प्रभु, इस पापा खातर इन्हांजो माफ कर।” इसते बाद येढ़ा बोलीने सै मरीग्या।

1 कुरिन्थियों 15:18

फेरी सै विश्वासी जे मसीह च मरी चुक्कीरे, सै बी नाश हुये।

1 कुरिन्थियों 15:20

पर हकीकत च मसीह मूईरयां चते जिऊंदा हुईरा, कने सै जे मरी चुक्कीरे, तिन्हां च जिऊंदा हुणे औल़ा सै पैहला हुया।

1 थिस्सलुनीकियां 4:13

मेरे साथी विश्वासियो अहें चायें भई तुहें ये जाणी लो भई तिन्हां विश्वासियां सौगी क्या हुणा सै जे पैहले इ मरी चुक्कीरे, अंजाण रौआ; किति येढ़ा नीं हो भई तुहें अविश्वासी लोकां साई दुख मनाओ, कांहभई तिन्हाजो आशा नीं भई मरने ते बाद सै दोबारा जिन्दा हुइ जाणे।

1 थिस्सलुनीकियां 4:15

काँह्भई अहें प्रभु यीशुये रे वचना रे मुतावक तुहांजो येढ़ा बोलां ये भई अहें त जिऊंदा ये कने प्रभु यीशुये रे वापस औणे तक बची रयां रैहणा, तां पक्का सै तिन्हां विश्वासियां ते पैहले तिसने नीं मिलणे सै जे पहले मरी चुक्कीरे।

2 पतरस 3:4

कने तिन्हां बोलणा, “क्या मसीहे दोवारा औणे रा वायदा नीं कित्तिरा था? तां सै किति आ? अहें बोलां ये भई तिस दोवारा नीं औणा, काँह्भई अहांरे पूर्वजां री मौत हुई चुक्कीरी, फेरी बी सब किछ तियां इ चलीरा तियां जे सृष्टिया रे शुरु ते था।”