1 कुरिन्थियों 15:20 - बिलासपुरी नौआं नियम

²⁰ पर हकीकत च मसीह मूईरयां चते जिऊंदा हुईरा, कने सै जे मरी चुक्कीरे, तिन्हां च जिऊंदा हुणे औल़ा सै पैहला हुया।

1 कुरिन्थियों 15:20 ပူးပေါင်းရင်းမြစ်များ

प्रेरितां 2:24

पर तिस्सो इ परमेशरे मौता रे बन्धना ते छुड़ाईने ज्यूंदा कित्या; काँह्भई ये कदीं मनी हुई सकदा था भई सै तिसरे बशा च रैहंदा।

प्रेरितां 26:23

भई मसीह जो दुख सैहणे पौणा, कने तिस इ सब्बीं ते पैहले मूईरेयां चते जिऊंदा हुईने, अहां रयां लोकां च कने अन्यजातियां च परमेशरा रा सन्देश सै जे ज्योतिया साई आ तिसरा प्रचार करना।”

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

1 कुरिन्थियों 15:23

पर हरेक अपणिया-अपणिया बारिया ते: जिऊंदा हुणे औल़यां च पैहले मसीह; फेरी तिसरे औणे पर तिसरे लोक।

1 कुरिन्थियों 15:6

फेरी सै पांज्ज सौ ते जादा विश्वासियां जो इक साथ दिखाई दित्या, तिन्हां चते बौहत सारे लोक हुण तक ज्यूंदे हलाँकि किछ लोक मरी चुक्कीरे।

कुलुस्सियां 1:18

मसीह आ सै जे कलीसिया पर राज कराँ कने तिन्हांरा मार्गदर्शन कराँ, तियां जे माहणुये रा सिर तिसरे शरीरा पर राज कराँ, सैई शुरु आ कने मूईरयां चते भीं ते जिऊंदा हुणे औल़यां च पैहला ताकि सारियां गल्लां च सैई प्रधान बणो।

1 थिस्सलुनीकियां 4:16

काँह्भई प्रभु यीशुये अप्पूँ इ स्वर्गा ते उतरना; तिस बगत ललकार, कने प्रधान दूतां री अवाज़ सुणाई देणी, कने परमेशरा रिया तुरहियां बजणियां; कने सै जे मसीह च मरीरे, तिन्हां पैहले जिऊंदेयां हूणा।

1 पतरस 1:3

परमेशर कने अहांरे प्रभु यीशु मसीह रे पिता रा धन्यवाद हो, तिने जे यीशु मसीह रे मूईरेयां चते जिऊंदा हुणे रे जरिये अपणी बड़ी दया ते अहांजो नया जीवन दित्या। हुण अहें बडिया आस्सां ने जीयें,

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

प्रकाशितवाक्य 14:13

फेरी मैं स्वर्गा ते ये अवाज़ सुणी, “लिख: सै मृतक जे प्रभुये च मराँ ये, सै हुण आशीषित ये।” पवित्र आत्मा बोलां, “हाँ, काँह्भई तिन्हां अपणिया मेहणता ते आराम पाणा, कने तिन्हांरे भले काम्म तिन्हां सौगी ये।”