1 कुरिन्थियों 14:6 - बिलासपुरी नौआं नियम

⁶ इस खातर साथी विश्वासियो, जे हऊँ तुहांले आईने होरीं भाषां च गल्लां करूँ, तां इसते हऊँ तुहांरा क्या भला करगा? पर जे हऊँ प्रकाशन, ज्ञान, भविष्यवाणी, शिक्षा रियां गल्लां तुहांजो बोलूं, तां तुहांरे खातर इसरा फायदा।

1 कुरिन्थियों 14:6 ပူးပေါင်းရင်းမြစ်များ

मत्ती 11:25

तिस इ वगत यीशुये गलाया, “पिता, तू स्वर्गा कने धरतिया रा मालक आ, हऊँ तेरा धन्यवाद कराँ भई तैं इन्हां गल्लां जो ज्ञानियां कने समझदार लोकां ते छुपाई ने रखीरा, कने आम लोकां पर प्रगट कित्या।

मत्ती 16:17

यीशुये तिस्सो जबाब दित्या, योना रे पुत्र, शमौन, परमेशर आशीष देओ तिज्जो, काँह्भई माहणुये नीं, पर स्वर्गा च रैहणे औल़े मेरे पिता, तूह पर जाहिर किति।

मत्ती 16:26

जे माहणु इस संसारा जो जित्ति लो कने अनन्त जीवन नीं पाओ, तां तिस्सो क्या फैदा? सच्चीजो, माहणु अनन्त जीवन पाणे रे खातर क्या देई सक्कां?

प्रेरितां 2:42

कने सै प्रेरितां ते शिक्षा पाणे, कने संगती रखणे, प्रभु भोज, कने प्राथना करने च लगीरे रै।

रोमियो 15:14

मेरे साथी विश्वासियो, मिन्जो खुद तुहांरे ऊपर भरोसा भई तुहें भलाईयां कने परमेशरा रे ज्ञाना च पूरे भरीरे, कने इक्की दूये जो सखाई सक्कां ये।

रोमियो 16:17

हुण मेरे साथी विश्वासियो, हऊँ तुहांते विनती कराँ, भई तुहें सै जे शिक्षा लेई, तिसरे उलट तुहां च सै जे पंघोल़ पां कने दुज्जेयां रे विश्वासा जो बगाड़ां ये, तिन्हांते खबरदार हुई जावा कने तिन्हांते दूर रौआ।

रोमियो 6:17

तुहें पैहले पापा रे दास थे, पर सै उपदेश जे तुहांजो सखाया गईरा था हुण तुहें अपणे पूरे दिला ने तिसरा पालन कित्या, इस खातर हऊँ परमेशरा रा धन्यवाद कराँ।

1 कुरिन्थियों 10:33

तियां जे हऊँ बी सब्बीं गल्लां च सब्बीं जो खुश रखां, कने अपणा नीं पर बौहतां रे फायदे खातर कोशिश कराँ ताकि सै छुटकारा पाई सक्को।

1 कुरिन्थियों 14:1

इक्की दुज्जे जो प्यार करने री कोशिश करा, कने आत्मिक वरदान्नां री बेसब्रिया ने इच्छा करदे रौआ, खास करीने भविष्यवाणिया रे बरदान्न।

1 कुरिन्थियों 14:7

इस तरिके ने जे निर्जीव चिज़ां बी, तिन्हांते जे अवाज़ निकलां इ, तियां जे मुरली या बीण, जे इन्हांरे स्वराँ च भेद नीं हो तां सै जे बजाया जां, सै किंया पछयाणा जाणा?

2 कुरिन्थियों 11:6

हुई सक्कां हऊँ बोलणे च निपुण नींआ, पर ज्ञाना च हऊँ घट नींआ। अहें इसजो तुहौ हर गल्ला च साफ रुपा च दस्सीरा।

2 कुरिन्थियों 12:1

हुण मिन्जो गर्व करने इ पौणा हलाँकि इसच मेरा कोई फायदा नींआ, पर मांह हुण दर्शणां कने प्रकाशनां रे बारे च गर्व करना सै जे प्रभुये मिन्जो दित्तिरे।

2 कुरिन्थियों 12:7

पर तिन्हां अदभुत दर्शणां रे बारे च मिन्जो बौहत गर्व नीं हूणा चाहिन्दा, तिन्हौं जे परमेशरे मिन्जो दस्सीरा। इस खातर मेरे शरीरा च इक कन्डा चुभाया गया था भई शैतान्ना रा इक दूत मिन्जो बौहत पीड़ा देओ, ताकि हऊँ घमण्ड नीं करूँ।

इफिसियां 1:17

हऊँ प्राथना कराँ भई अहांरे प्रभु यीशु मसीह रा परमेशर सै जे महिमा रा पिता, तुहांजो ज्ञान कने प्रकाशा रा आत्मा देओ तिसते जे तुहें परमेशरा जो अच्छे तरिके ने जाणी सक्को।

इफिसियां 3:4

कने जे तुहें तिस्सो पढ़गे तां जाणी सक्कां ये भई हऊँ मसीह रा सै भेत किति तक समझां।

फिलिप्पियां 3:15

ताकि तिन्हां लोकां जो, सै जे अहां चते आत्मिक तौर पर परिपक्व ये, इस तरिके ने सोचणा चाहिन्दा, पर जे तुहां चते कोई बी इसते अलग सोच्चां, तां परमेशर तिसजो समझणे च तुहांरी मदद करगा।

2 तिमुथियुस 2:14

विश्वासियां जो इन्हां गल्लां री याद दिलान्दा रै कने तिन्हांजो परमेशरा रिया हजूरिया च चेतावनी दे भई सै शब्दां जो लईने झगड़ा नीं करो इसते कोई फायदा नीं हुन्दा, पर इसजो सुणने औल़े नाश हुई जांये।

2 तिमुथियुस 3:10

किछ बी हो, तू मेरिया शिक्षा जो जाणाँ, मेरा जीणे रा ढंग, जीणे रा मकसद, मेरा विश्वास, मेरी सैहणे री ताकत, मेरा प्यार, मेरा धीरज

2 तिमुथियुस 3:16

सारा पवित्रशास्त्र परमेशरा री प्रेरणा ते रचया गईरा कने सै लोकां जो सच्चाईया री शिक्षा देणे, डांटणे, गल़तियां सुधारने च उपयोगी, कने धार्मिक जीवन जीणे खातर निर्देश देआं।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।

तीतुस 3:8

सै गल्लां जे मैं लिखी रियां सै सच्चियां इ, कने हऊँ चांह भई तू इन्हां गल्लां रे बारे च मजबूतिया ने बोल्लो, ताकि तिन्हें जे परमेशरा पर विश्वासा कित्या, सै भले कम्मां च लगी रैहणे खातर ध्यान देओ। ये गल्लां भली कने सब्बीं रे फायदे रियां इ।

इब्रानियों 13:9

लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।

2 पतरस 1:5

इस खातर सिर्फ तुहांजो मसीह पर इ विश्वास नीं करना चाहिन्दा, बल्कि हमेशा सै जे खरा, तुहांजो सैई करने खातर बी कड़ी मेहणत करनी चाहिन्दी, नांई तुहांजो सै जे सही आ सैई करना चाहिन्दा, बल्कि तुहांजो येढ़े लोक बी बणना चाहिन्दे तिस्सो पता हो भई बुद्धिया ने कियां बर्ताव करना चाहिन्दा।

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।

2 यूहन्ना 1:9

सै जे कोई सच्चिया शिक्षा ते भटकी जां कने मसीह रिया शिक्षा पर नीं चलदा तिसरा परमेशरा सौगी रिश्ता नींआ। सै जे कोई लगातार मसीह रिया शिक्षा पर चलां, तिसरा रिश्ता पिता कने पुत्रा सौगी आ।