1 कुरिन्थियों 14:5 - बिलासपुरी नौआं नियम

⁵ हऊँ चाँह भई तुहें सब होरीं भाषा च गल्लां करो पर इसते बी जादा येढ़ा चांह भई भविष्यवाणी करा। काँह्भई जे होर भाषा बोलणे औल़ा कलीसिया रिया तरक्किया खातर भाषा रा मतलब नीं दस्सो तां भविष्यवाणी करने औल़ा तिसते बधी नेआ।

1 कुरिन्थियों 14:5 ပူးပေါင်းရင်းမြစ်များ

मरकुस 16:17

कने विश्वासियां जो चमत्कार करने री सामर्थ दित्ति जाणी भई तिन्हां मेरे नौआं ते बुरीआत्मा जो बाहर कडणा; तिन्हां सै भाषा बोलणी सै जे तिन्हें कदीं सिक्खी री नीं हूणी;

रोमियो 14:19

इस खातर अहें तिन्हां गल्लां जो करने री सदा कोशिश करदे रौ तिन्हांते जे लोक मिली जुली ने रई सक्को कने इक दुज्जे रे विश्वासा जो मजबूत करने च मदद करी सक्को।

1 कुरिन्थियों 12:10

फेरी किसी जो सामर्था रे काम्म करने री ताकत, किसी जो भविष्यवाणी, किसी जो आत्मां री परख, किसी जो कई प्रकारा रियां भाषां बोलणे जो, कने किसी जो भाषां रा मतलब दसणा।

1 कुरिन्थियों 13:1

जे हऊँ माहणुआं कने स्वर्गदूतां री बोलियां बोलूं कने प्यार नीं रखूं, तां मेरी गल्ल ठनठनांदा पीतल, कने झनझनांदी हुई झांझरा साई हूणी।

1 कुरिन्थियों 13:4

प्यार धीरज आ, कने दयालु आ; प्यार डाह नीं करदा; प्यार अपणी बडयाई नीं करदा, कने घमण्ड नीं करदा,

1 कुरिन्थियों 14:1

इक्की दुज्जे जो प्यार करने री कोशिश करा, कने आत्मिक वरदान्नां री बेसब्रिया ने इच्छा करदे रौआ, खास करीने भविष्यवाणिया रे बरदान्न।

1 कुरिन्थियों 14:17

तू त अच्छे तरिके ने परमेशरा रा धन्यवाद करदा हूणा, पर दुज्जे री तरक्की नीं हुंदी।