1 कुरिन्थियों 14:34 - बिलासपुरी नौआं नियम

³⁴ जनाना कलीसिया रिया सभा च चुप रौ, काँह्भई तिन्हांजो गल्लां करने रा हुक्म निआं, पर अधीन रैहणे रा हुक्म आ, तियां जे व्यवस्था च लिखिरा बी आ।

1 कुरिन्थियों 14:34 ပူးပေါင်းရင်းမြစ်များ

1 कुरिन्थियों 11:13

तुहें खुद बचार करा: क्या जनाना जो बिणा सिर ढक्के परमेशरा ते प्राथना करना ठीक आ?

1 कुरिन्थियों 11:3

पर हऊँ चांह भई तुहें ये जाणी लो भई हरेक माहणुये रा सिर मसीह आ, कने जनानां रा सिर माहणु आ, कने मसीह रा सिर परमेशर आ।

1 कुरिन्थियों 11:5

पर सै जे जनाना बिणा सिर ढक्कीने प्राथना या भविष्यवाणी कराँ इ, सै अपणे सिरा रा यनि अपणे पतिये रा अपमान कराँ इ, काँह्भई ये गंजी हुणे रे बराबर इ।

1 कुरिन्थियों 14:21

पवित्र शास्त्रा च लिखिरा, “मांह होर भाषा बोलणे औल़यां रे जरिये, कने परदेशियां रे मुँआं ते इन्हां लोकां ने गल्लां करनियां, तां बी इन्हां मेरी नीं सुणनी,” ये प्रभु बोलां।

1 कुरिन्थियों 14:35

जे सै किछ सिखणा चाओ, तां घरा च अपणे पतिये ते पुछो, काँह्भई जनाना रा कलीसिया च गल्लां करना शर्मा री गल्ल इ।

इफिसियां 5:33

इस खातर किछ बी हो, तुहां चते हर इक्की जो बी अपणी पत्निया ते तियां इ प्यार करना चाहिन्दा जियां जे तुहें खुद अप्पूँजो कराँ ये, कने हरेक पत्निया जो बी अपणे-अपणे पतिये रा आदर करना चाहिन्दा।

कुलुस्सियां 3:18

पत्नियो, अपणे घरा औल़े रे प्रति इयां समर्पित हुई जावा, तियां जे प्रभुरे चेले जो शोभा देआं।

तीतुस 2:5

कने अपणे बर्तावा जो काबू करने औल़ियां, कने अपणे पतियां रे प्रति बफादार, परिवारा री देखभाल करने औल़ियां, दुज्यां रे प्रति दयालु कने अपणे-अपणे पतिये रे अधीन रैहणे औल़ियां हो, ताकि कोई परमेशरा रे वचना री निंध्या नीं करी सक्को।