1 कुरिन्थियों 13:5 - बिलासपुरी नौआं नियम

⁵ सै गाल़ी नीं देन्दा, प्यार स्वार्थी नींआ, गुस्सेबाज नींआ कने बुरा नीं मनदा।

1 कुरिन्थियों 13:5 ပူးပေါင်းရင်းမြစ်များ

मत्ती 5:22

पर हऊँ तुहांजो बोलां, भई सै माहणु जे अपणे भाईये पर गुस्सा कराँ, तिसरा परमेशरा न्याय करना, कने सै जे कोई अपणे भाईये जो निकम्मा समझीने तिसरी बेज्जति करगा तिस्सो बड्डिया सभा च परमेशरा बौहत भयानक सजा देणी; कने जे कोई अपणे भाईये जो ‘अरे मूर्ख!’ करीने बोल्लो सै नरका रिया अग्गी च सजा रा हकदार हूणा।

मत्ती 9:4

यीशुये तिन्हांरे मना रियां गल्लां जाणीने बोल्या, “तुहें लोक अपणे-अपणे मनां च बुरा बचार काँह करी रायें?

मरकुस 3:5

यीशुये तिन्हांरे अड़ियल स्वाभावा ते उदास हुईने बड़े गुस्से ने तिन्हांरी तरफ देख्या, कने तिस माहणुये जो गलाया, “अपणा हात्थ मेरी तरफ कर।” तियां जे तिने हात्थ अग्गे कित्या, सै ठीक हुईग्या।

लूका 7:39

येढ़ा देखीने सै फरीसी तिने जे यीशुये जो नियून्दा देईने सद्दीरा था, अपणे मना च सोचणे लगया, “इसते त येढ़ा साबित हुआं भई ये यीशु कोई भविष्यवक्ता निआं। काँह्भई जे सच्ची जो सै परमेशरा री तरफा ते भेजीरा हुन्दा, तां येढ़ा जाणी लेन्दा भई ये केढ़ी जनाना इ सै जे इसने छोइराँ इ कने सै कितणी बड्डी पापिन इ।”

1 कुरिन्थियों 10:24

हर किसी जो दुज्यां रिया भलाई रे खातर सोचणा चाहिन्दा बल्कि अपणे खातर नीं।

1 कुरिन्थियों 10:33

तियां जे हऊँ बी सब्बीं गल्लां च सब्बीं जो खुश रखां, कने अपणा नीं पर बौहतां रे फायदे खातर कोशिश कराँ ताकि सै छुटकारा पाई सक्को।

1 कुरिन्थियों 11:18

काँह्भई पैहले त हऊँ ये सुणां, भई तंजे तुहें कलीसिया च अराधना करने खातर कट्ठे हुआं ये, तां तुहां च फूट इ, कने हऊँ इस पर थोड़ा-थोड़ा विश्वास बी कराँ।

1 कुरिन्थियों 12:25

ताकि देहा च फूट नीं पौ, पर अंग इक्की दुज्जे री बराबर चिन्ता करो।

1 कुरिन्थियों 7:36

जे कोई ये समझां भई सै क्वारिया रे ब्याह च देर करने रिया वजह ने तिसाने अन्याय करया राँ, काँह्भई तिसारी उम्र ढल़या राईं, तां सै तियां इ करो सै जे तिसजो ठीक लगां, इसच पाप निआं, सै तिसारा ब्याह होणे देओ।

2 कुरिन्थियों 5:19

यनिके परमेशरे मसीह च हुईने अप्पूँ सौगी संसारा रा मेल-मलाप करील्या, कने तिन्हांरे पापां रा इल्जाम तिन्हां पर नीं लगाया कने तिने मेल-मलापा रा वचन अहांजो सौंपीत्या।

गलातियां 5:13

पर मेरे साथी विश्वासियो, परमेशरे तुहांजो अजाद रैहणे रे खातर चुणीरा, पर येढ़ा नीं हो भई ये अजादी पापी स्वभावा जो पूरा जरने रे खातर अवसर बणो, इसरे बदले प्यारा रिया वजह ने अप्पूँ चियें इक्की दुज्जे री सेवा करा।

फिलिप्पियां 2:21

काँह्भई यीशु मसीह क्या चाँह इस बारे च सोचणे रे वजाये हरेक माहणु सिर्फ येई सोच्चां भई सै खुद क्या चाँह।

फिलिप्पियां 4:8

इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

2 थिस्सलुनीकियां 3:7

तुहें खुद इ बौहत अच्छे तरीके ने जाणाँ यें भई तुहांजो तियां इ जीणा चाहिन्दा तियां जे अहें जीआं थे, काँह्भई ताहली जे अहें तुहांरे बिच थे तां अहें आलसी नीं थे पर काम्म करां थे,

2 तिमुथियुस 2:10

इस खातर परमेशरा रे चुणी रयां लोकां खातर हऊँ सब किछ सैयां ताकि सै बी मसीह यीशुये च मिलणे औल़े छुटकारे जो अनन्त महिमा सौगी पाई सक्को।

2 तिमुथियुस 4:16

ताहली जे मिन्जो पैहली बार अदालता च सफाई देणी पैई; तां किन्हिये बी मेरा साथ नीं दित्या, पर सारयां मिन्जो छडित्या था। हऊँ प्राथना कराँ भई परमेशर इस कम्मा रे खातर तिन्हांजो माफ करो।

याकूब 1:19

“मसीह च मेरे प्यारे साथी विश्वासियो, ये गल्ल तुहें जाणी लो, हर इक माहणु परमेशरा रे सच्चे बचना जो सुणने च दिलचस्पी दसणे औल़ा कने बोलणे च कने गुस्सा करने च धीमा हो।