1 कुरिन्थियों 13:12 - बिलासपुरी नौआं नियम

¹² हुण अहांजो शीशे च धुंधला जेआ दिखां, पर तिस बगत अहां आमणे-सामणे देखणा; इस बगत मेरा ज्ञान अधूरा, पर तिस बगत पूरी तरह पछयाणगा, तियां जे परमेशर मिन्जो पूरी तरह जाणाँ।

1 कुरिन्थियों 13:12 ပူးပေါင်းရင်းမြစ်များ

मत्ती 18:10

इस खातर देक्खा, तुहें मेरे इन्हां मासूम चेलयां चते किसी जो बी घटिया नीं समझयां; हऊँ तुहांजो दस्सां भई तिन्हारी हिफाज़त करने औल़े स्वर्गदूतां री पहुँच स्वर्गा च मेरे पिता ले सदा बणीरी रैईं।

मत्ती 5:8

परमेशर तिन्हां लोकां जो आशीष देआं, तिन्हारे जे मन साफ ये, काँह्भई तिन्हां परमेशरा रा दर्शण पाणा।

यूहन्ना 10:15

तियां जे पिता मिन्जो जाणाँ कने हऊँ पिता जो जाणाँ। कने हऊँ भेड्डां खातर अपणी जान देआं।

रोमियो 8:18

मिन्जो ये यकीन आ भई सै महिमा जे अहां पर परगट हुणे औल़ी तिसारे सामणे अहांरे ये दुख सै जे अहें हुण सही राँये किछ बी नींये।

1 कुरिन्थियों 13:11

ताहली जे हऊँ बालक था, तां हऊँ बालकां साई बोलां था, बालका साई सोच्चां था, बालकां साई बाद-विवाद कराँ था। पर ताहली जे सयाणा हुईग्या तां बालकां रियां गल्लां छड्डी तियां।

1 कुरिन्थियों 8:3

पर जे कोई परमेशरा ने प्यार रखां, तां परमेशर तिस माहणुये जो जाणाँ।

2 कुरिन्थियों 3:18

पर ताहली जे अहें सब अपणे खुल्हे चेहरे ने प्रभुये री महिमा रा ध्यान कराँ ये, तां परमेशर अहौं हौल़यां-हौल़यां अपणे स्वरूपा च बधदी हुई महिमा सौगी बदल़ां, ये महिमा प्रभु तेई मिलां इ, सै जे पवित्र आत्मा।

2 कुरिन्थियों 5:7

काँह्भई अहें सै जे विश्वास कराँ ये तिसरे मुतावक जीयें, हलाँकि सै जे अहें देखी सक्कां ये तिसरे मुतावक नीं।

फिलिप्पियां 3:12

हऊँ ये दावा नीं कराँ भई ये सब हऊँ पैहले तेई करी चुक्कीरा या हऊँ पूरा इ सिद्ध हुई चुक्कीरा। पर हऊँ मसीह साई बणने रे खातर बौहत कोशिश करीराँ, तिसरे खातर जे तिने मिन्जो चुणीरा।

याकूब 1:23

काँह्भई सै जे कोई वचना रा सुणने औल़ा ओ कने तिस पर चलने औल़ा नींआ, तां सै तिस माहणुये साई आ सै जे अपणे मुँआं जो शीशे च देक्खां।

1 यूहन्ना 3:2

मेरे प्यारे मित्रो, हुण अहें परमेशरा री सन्तान ये कने हल्तियां तक ये प्रगट रुपा च नीं आईरा भई भविष्य च अहें क्या हुणे! जो बी हो, अहें ये जाणाँ ये भई ताहली जे मसीहे प्रगट हूणा, तां अहां बी तिसरे बराबर हूणा, काँह्भई अहां तिसजो तियां इ देखणा, तेढ़ा जे सै हाया।

प्रकाशितवाक्य 22:4

तिन्हां तिसरा मुँह देखणा, कने तिसरा नौं तिन्हांरे मत्थे पर लिखिरा हूणा।