1 कुरिन्थियों 13:1 - बिलासपुरी नौआं नियम

¹ जे हऊँ माहणुआं कने स्वर्गदूतां री बोलियां बोलूं कने प्यार नीं रखूं, तां मेरी गल्ल ठनठनांदा पीतल, कने झनझनांदी हुई झांझरा साई हूणी।

1 कुरिन्थियों 13:1 ပူးပေါင်းရင်းမြစ်များ

मत्ती 25:45

फेरी मांह तिन्हांजो जबाब देणा, हऊँ तुहांजो सच्च बोलीराँ ताहली जे तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ नीं कित्या तां सै तुहें मेरे खातर बी नीं कित्या।

मरकुस 16:17

कने विश्वासियां जो चमत्कार करने री सामर्थ दित्ति जाणी भई तिन्हां मेरे नौआं ते बुरीआत्मा जो बाहर कडणा; तिन्हां सै भाषा बोलणी सै जे तिन्हें कदीं सिक्खी री नीं हूणी;

रोमियो 14:15

जे तेरे साथी विश्वासिये जो तेरे खाणे रिया वजह ने नराजगी हुआं इ, तां तू तिसने प्यार नीं करदा काँह्भई तेरा काम्म ये दस्सां। तिसरे खातर जे मसीह मरया, तू अपणे खाणे रिया वजह ने तिसरे विश्वासा जो नीं तोड़।

1 कुरिन्थियों 12:10

फेरी किसी जो सामर्था रे काम्म करने री ताकत, किसी जो भविष्यवाणी, किसी जो आत्मां री परख, किसी जो कई प्रकारा रियां भाषां बोलणे जो, कने किसी जो भाषां रा मतलब दसणा।

1 कुरिन्थियों 12:16

कने जे कान्न बोल्लो, “हऊँ आक्ख नीं, इस खातर देहा रा निआं,” तां क्या सै इस वजह ते देहा रा निआं?

1 कुरिन्थियों 12:8

काँह्भई इक्की जो आत्मा ते बुद्धिया रियां गल्लां मिलां इयां, कने किसी दुज्जे जो तिसा इ आत्मा रे मुतावक ज्ञाना रियां गल्लां।

1 कुरिन्थियों 13:8

प्यार कदीं टलदा निआं; भविष्यवाणियां हो, तां खत्म हुई जाणियां; भाषां मौन हुई जाणियां; ज्ञान हुंगा, तां मिटी जाणा।

1 कुरिन्थियों 14:2

काँह्भई सै जे होरीं-होरीं भाषा च गल्लां कराँ सै माहणुआं ने नीं पर परमेशरा ने गल्लां कराँ; इस खातर भई तिसरियां गल्लां कोई नीं समझदा, काँह्भई सै भेता रियां गल्लां आत्मा च हुईने बोलां।

1 कुरिन्थियों 14:4

सै जे होरीं भाषा च गल्लां कराँ, सै अपणी तरक्की कराँ; पर सै जे भविष्यवाणी कराँ, सै कलीसिया री तरक्की कराँ।

1 कुरिन्थियों 14:5

हऊँ चाँह भई तुहें सब होरीं भाषा च गल्लां करो पर इसते बी जादा येढ़ा चांह भई भविष्यवाणी करा। काँह्भई जे होर भाषा बोलणे औल़ा कलीसिया रिया तरक्किया खातर भाषा रा मतलब नीं दस्सो तां भविष्यवाणी करने औल़ा तिसते बधी नेआ।

1 कुरिन्थियों 8:1

हुण हऊँ मूर्तियां रे सामणे बल़ि कित्तिरे माँसा रे बारे च दसणा चांह सै जे तुहें मेरते पुच्छया था : अहें जाणाँ ये भई अहां सब्बीं जो इसरा ज्ञान आ कने ज्ञान माहणुये जो घमण्डी बणां, पर प्यार अहांजो मजबूत कराँ।

2 कुरिन्थियों 12:4

कने येढ़ियां गल्लां सुणियां सै जे गलाणे रियां नीं; कने तिन्हांजो दुज्यां लोकां ने गलाणा माहणुये रे खातर ठीक निआं।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

1 तिमुथियुस 1:5

तिज्जो ये हुक्म देणे रा मेरा मकसद येआ भई तू इक्की दूये जो साफ दिला ते कने शुद्ध अन्तरात्मा ने कने बिणा कपटा औल़े विश्वासा ते प्रेम करगा।

1 पतरस 4:8

कने सबनीं ते बड्डी गल्ल येई भई तुहें इक्की दुज्जे ने ईमानदारिया ने प्यार रखा, काँह्भई जे तुहें प्यार रखगे तां तुहां लोकां रिया किसी बी गल्तिया जो माफ करने खातर सदा त्यार रैहणा।

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

प्रकाशितवाक्य 14:2

कने स्वर्गा ते इक येढ़ि अवाज़ सुणी, सै जे पाणिये रे बौहत झरनयां कने गर्जणे साई अवाज़ थी, कने सै अवाज़ जे मैं सुणी सै येढ़ि थी, मन्नया वीणा बजाणे औल़े वीणा बजाया राँये।