1 कुरिन्थियों 12:25 - बिलासपुरी नौआं नियम

²⁵ ताकि देहा च फूट नीं पौ, पर अंग इक्की दुज्जे री बराबर चिन्ता करो।

1 कुरिन्थियों 12:25 ပူးပေါင်းရင်းမြစ်များ

1 कुरिन्थियों 12:24

फेरी अहांरे शोभा देणे औल़े अंगाँ जो इसरी जरूरत नीं। पर परमेशरे देहा जो येढ़ा बणाई तरा भई तिस अंगा जो जे आदरा री घटी थी तिस्सो होर बी बौहत आदर मिलो।

1 कुरिन्थियों 12:26

इस खातर जे इक्की अंगा जो दुख मिलां, तां सब अंग तिसने सौगी दुख पांये; कने जे इक्की अंगा री बडयाई हुआं इ, तां सब अंग तिसने सौगी नन्द मनायें।

1 कुरिन्थियों 3:3

काँह्भई तुहें हुण बी अपणे पापी स्वभावा रे मुतावक जींआं ये। हऊँ ये जाणाँ काँह्भई तुहां चते बौहत सारे हिरखल़े कने इक दूये ने लड़ां-झगड़ां ये, तां क्या ये साबित नीं करदा भई तुहें अपणे पापी स्वभावा रे मुतावक जी राँये? कने क्या तुहें इस संसारे रे लोकां साई नीं जीआ राँये?

2 कुरिन्थियों 13:11

हुण आखिर च मेरे साथी विश्वासियो, हऊँ तुहांते बिदा लेआं। अपणा व्यवहार ठीक रखा; तियां इ करदे रौआ तियां जे मैं करने जो गलाया; इक्को जेआ सोच्चा; शान्तिया ने रौआ; कने परमेशर सै जे शान्ति कने प्यार देआं तुहांजो सौगी रैहणा।

2 कुरिन्थियों 7:12

इसी खातर ताहली जे मैं तुहांजो सै कड़क चिट्ठी लिखी थी तां तिस माहणुये रिया वजह ने नीं, तिने जे अन्याय कित्या था कने नांई तिसरिया वजह ने तिसरे प्रति जे अन्याय कित्या गया था। पर इस खातर लिखया था ताकि परमेशर तुहांजो दस्सो भई तुहें अहांरा कितना ख्याल रखां ये।

2 कुरिन्थियों 8:16

परमेशरा रा धन्यवाद ओ तिने जे तीतुस रे दिला च तुहांरी सहायता रे खातर तेढ़ा इ जोश भरीत्या, तेढ़ा जे मेरे दिला च तुहांरे खातर आ।