1 कुरिन्थियों 12:13 - बिलासपुरी नौआं नियम

¹³ काँह्भई अहें सब्बीं क्या यहूदी, क्या यूनानी, क्या दास, क्या अजाद, इक्की आत्मा रे जरिये इक देह हुणे रे खातर बपतिस्मा लैया, कने अहें सब्बीं इक इ आत्मा पाईरा।

1 कुरिन्थियों 12:13 ပူးပေါင်းရင်းမြစ်များ

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

लूका 3:16

तां यूहन्ने येढ़ा बोलीने तिन्हारे सवाला रा जवाब दित्या, “हऊँ त तुहांजो पाणिये च बपतिस्मा देआं, पर सै औणे औल़ा सै जे मेरते बी सामर्थी आ; हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ। तिस तुहांजो पवित्र आत्मा कने अग्गी च बपतिस्मा देणा।

यूहन्ना 1:16

तिसरिया दया री परिपूर्णता ते अहें सब्बीं आशीषां पर आशीष पाई।

यूहन्ना 1:33

हऊँ त तिस्सो पछयाणदा बी नीं था, भई सै मसीह था, पर तिने जे मिन्जो पाणिये ते बपतिस्मा देणे जो भेज्जिरा, तिने इ माहने गलाया, ‘तिसरे ऊपर जे तू पवित्र आत्मा जो औंदे कने टिकदे देक्खो, सैई पवित्र आत्मा ते बपतिस्मा देणे औल़ा।’

यूहन्ना 3:5

यीशुये तिस्सो जबाब दित्या, “हऊँ तेरने सच्च बोलां, कोई बी परमेशरा रे राज्जा च दाखल नीं हुई सकदा तदुआं तक जे सै पाणिये ते कने आत्मा ते जन्म नीं लौ।

यूहन्ना 4:10

यीशुये जबाब दित्या, “तू नीं जाणदी भई परमेशर तिज्जो क्या देणा चांह, कने तू नीं जाणदी भई कुण तेरते पाणी मंगया रां। जे तू जाणदी, तां तू माहते इस्सो मंगदी कने हऊँ तिज्जो जीवन देणे औल़ा पाणी देन्दा।”

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 6:63

परमेशरा रा आत्मा त जीवन देणे औल़ा, शरीरा ते कोई फैदा निआं; सै गल्लां जे मैं तुहांजो गलाईयां सै पवित्र आत्मा ते औईयां, कने लोकां जो जीवन देईयां।

प्रेरितां 1:5

काँह्भई यूहन्ने त पाणिये च बपतिस्मा दित्तिरा, पर थोड़यां दिना ते बाद परमेशरा तुहां च वास करने खातर पवित्र आत्मा भेजणा।”

रोमियो 3:22

यनिके सारे विश्वासियां खातर यीशु मसीह पर विश्वास करने ते परमेशरा री धार्मिकता बिणा किसी भेदभावा रे परगट हुई;

रोमियो 3:29

क्या परमेशर सिर्फ यहूदियां राई परमेशर हाया? क्या सै अन्यजातियां रा परमेशर निआं? हाँ, परमेशर तिन्हांरा बी आ।

रोमियो 4:11

तिसरा खतना बाद बिच हुईरा था, कने तिसरा खतना ये दिखाणे रा इक निशाण था भई तिसरे विश्वासा रिया वजह ने परमेशरे तिस्सो धर्मिये रे रुपा च ग्रहण कित्या था जबकि तिसरा खतना नीं हुईरा था। इस खातर परमेशरा पर विश्वास करने औल़े कने तिसरे इ जरिये धर्मिये रे रुपा च ग्रहण कित्तिरे सारयां लोकां रा आत्मिक पिता अब्राहम आ, हलाँकि तिन्हांरा खतना नीं हुईरा।

1 कुरिन्थियों 10:2

कने सब्बीं जणयां बद्दल़ा च कने समुद्रा च मूसे रा बपतिस्मा लैया।

गलातियां 3:23

मसीह रे औणे ते पैहले, अहां यहूदियां जो बन्दी बणाया गया था कने व्यवस्था अहांरी रखवाल़ी करया राँ थी। परमेशरे मसीह जो अहां पर परगट करने तक व्यवस्थे अहौं बन्दियां साई बणाईने रखया

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

इफिसियां 3:6

कने भेत येआ भई मसीह यीशुये च खुशखबरिया रे जरिये यहूदियां साई अन्यजाति लोकां बी आशीष पाणी, कने अन्यजाति कने यहूदी इक शरीरा साई हुणे कने परमेशरा रे कित्तिरे वायदे रे साझी हुणे।

इफिसियां 4:5

इक इ प्रभु आ, इक इ विश्वास आ, कने इक इ बपतिस्मा,

इफिसियां 5:26

ताकि सै तिसाजो वचना रे जरिये पाणिये ने नैहलाईने शुद्ध करो कने पवित्र बणाओ,

इफिसियां 6:8

काँह्भई तुहें जाणाँ ये भई हरेक माहणु चाहे सै दास हो या अजाद, जो बी भलाई करगा, तिसरा ईनाम तिस्सो प्रभुये देणा।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

कुलुस्सियां 3:11

तिसच नांत यूनानी रैया, नां यहूदी, नां खतना, नां खतने ते बगैर, नां विदेशी कने नां असभ्य, नां दास कने इक अजाद माहणुये च कोई फर्क आ: सिर्फ मसीह सब किछ आ कने सारे विश्वासियां च तिसरा इ वास आ।

1 पतरस 3:21

ये पाणी बपतिस्मे रा प्रतीक आ सै जे हुण तुहांजो बचां। तिस पाणिये ते जे तुहें बपतिस्मा लेईरा सै पाणी शरीरा रा मैल नीं दूर करदा, पर ये इक निशाण आ भई तुहें साफ अन्तरात्मा ने परमेशरा ते माफी मंगीरी। यीशु मसीह रे मूईरयां चते जिऊंदा हुणे रिया वजह ने तुहांजो माफी मिली सक्कां इ,