1 कुरिन्थियों 11:25 - बिलासपुरी नौआं नियम

²⁵ इसा इ रितिया ते तिने तिसते बाद कटोरा बी लया कने गलाया, “ये कटोरा मेरे खून्ना च नई वाचा ई: ताहली जे कदीं पीओ, तां मिन्जो याद करने खातर येढ़ा इ करया करा।”

1 कुरिन्थियों 11:25 ပူးပေါင်းရင်းမြစ်များ

लूका 22:20

खाणा खाणे ते बाद तिन्हे अंगूरां रे रस्सा रा इक होर कटोरा लेआ कने गलाया, “ये अंगूरां रा रस्स परमेशरा रिया तरफा ते, तिन्हारे नये वायदे रा प्रतीक आ, कने ये येढ़ा करार आ तिस पर हऊँ अपणा खून बगाई ने तुहांरे खातर मोहर लगाणे औल़ा।

1 कुरिन्थियों 10:16

सै कटोरा जे अहें प्रभु भोज्जा च इस्तेमाल कराँ ये कने तिस खातर जे अहें प्रभुये रा धन्यवाद कराँ ये: ताहली जे अहें तिस चते पीयें तां अहें मसीह रे खून्ना च सहभागी हुआं ये। कने रोटी सै जे अहें तोड़ां यें: ताहली जे अहें इसाजो खांये तां अहें मसीह रिया देहा च सहभागी हुआं ये।

1 कुरिन्थियों 11:24

कने धन्यवाद करीने सै तोड़ी कने तिने बोल्या, “ये मेरी देह इ, सै जे तुहां खातर इ : मिन्जो याद करने खातर येढ़ा करया करो।”

2 कुरिन्थियों 3:14

पर इस्राएली लोकां रे मन कठोर हुईगरे थे, कने आज्ज तक ताहली जे सै पुराणिया वाचा जो पढ़ां ये, तां तिन्हांरे मना पर सैई परदा पैईरा रैयां, पर सै परदा सिर्फ मसीह पर विश्वास करने रे जरिये इ हटाया जां।

2 कुरिन्थियों 3:6

तिने इ अहांजो नई वाचा रा सेवक हुणे रे काविल बी बणाया, ये कोई लिखिरी मूसा री व्यवस्था निआं बल्कि आत्मा री वाचा इ, काँह्भई ये व्यवस्था मौत ल्यौईं, पर परमेशरा रा आत्मा जीवन देआं।

इब्रानियों 13:20

कने शान्ति देणे औल़ा परमेशर सै जे भेड्डां रा महान रखवाला यनि मसीह यीशु, अहांरे प्रभुये जो अनन्त वाचा रे लहूये रे जरिये मूईरयां चते जिऊंदा कित्या,