1 कुरिन्थियों 11:22 - बिलासपुरी नौआं नियम

²² क्या खाणे-पीणे रे खातर तुहांरे घर नींये? या परमेशरा री कलीसिया जो घटिया जाणाँ ये, कने तिन्हांले जे किछ निआं तिन्हांजो बेज्जत कराँ ये? हऊँ तुहांजो क्या बोलूं? क्या इसा गल्ला च तुहांरी तारीफ करूँ? नां, हऊँ तारीफ नीं करदा।

1 कुरिन्थियों 11:22 ပူးပေါင်းရင်းမြစ်များ

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

1 कुरिन्थियों 10:32

तुहें नां तां यहूदियां, नां यूनानियां, नां परमेशरा री कलीसिया रे खातर परेशानिया री वजह बणो।

1 कुरिन्थियों 11:17

पर ये हुक्म देन्दे हुये हऊँ तुहांजो नीं सराँदा, इस खातर भई तुहांरे कट्ठे हुणे ते भलाई नीं, पर नुक्शान हुआं।

1 कुरिन्थियों 11:2

हऊँ तुहांरी तारीफ कराँ, काँह्भई तुहें मिन्जो हर वगत याद करदे रैं; कने सै जे शिक्षायें मैं तुहांजो दित्ति रियां, तिन्हांरा सावधानिया ने पालन करया राँये।

1 कुरिन्थियों 11:34

जे कोई भूखा हो तां अपणे घरा च खाई लो, ताकि तुहांरा कट्ठा हूणा सजा री वजह नीं बणो। बाकी गल्लां जो हऊँ आईने ठीक करगा।

1 कुरिन्थियों 15:9

काँह्भई हऊँ प्रेरितां च सब ते छोट्टा, कने प्रेरित कहलाणे लायक मनीं आ, काँह्भई मैं परमेशरा री कलीसिया जो सताईरा था।

1 तिमुथियुस 3:15

भई जे मेरे औणे च देरी हुईजो, तां तू जाणी लेंगा भई परमेशरा रे परिवारा च लोकां रा वर्ताव केढ़ा हूणा चाहिन्दा सै जे जिऊंदा परमेशरा री कलीसिया, खम्भा कने सच्चाईया री निऊँ इ।

1 तिमुथियुस 3:5

जे कोई अपणे घरा जोई ठीक ढंगा ने चलाणा नीं जाणदा, तां परमेशरा री कलीसिया री रखवाली कियां करगा?