1 कुरिन्थियों 11:2 - बिलासपुरी नौआं नियम

² हऊँ तुहांरी तारीफ कराँ, काँह्भई तुहें मिन्जो हर वगत याद करदे रैं; कने सै जे शिक्षायें मैं तुहांजो दित्ति रियां, तिन्हांरा सावधानिया ने पालन करया राँये।

1 कुरिन्थियों 11:2 ပူးပေါင်းရင်းမြစ်များ

लूका 1:6

जकर्याह कने इलिशिबा ये दोन्नों जणे परमेशरा री नज़राँ च धर्मी थे, सै बड़े ध्याना ने प्रभुये रे हुक्मा जो कने विधियां जो मन्नां थे।

1 कुरिन्थियों 11:17

पर ये हुक्म देन्दे हुये हऊँ तुहांजो नीं सराँदा, इस खातर भई तुहांरे कट्ठे हुणे ते भलाई नीं, पर नुक्शान हुआं।

1 कुरिन्थियों 11:22

क्या खाणे-पीणे रे खातर तुहांरे घर नींये? या परमेशरा री कलीसिया जो घटिया जाणाँ ये, कने तिन्हांले जे किछ निआं तिन्हांजो बेज्जत कराँ ये? हऊँ तुहांजो क्या बोलूं? क्या इसा गल्ला च तुहांरी तारीफ करूँ? नां, हऊँ तारीफ नीं करदा।

1 कुरिन्थियों 15:2

तिसरे जरिये तुहांरा छुटकारा बी हुआं, जे तिस खुशखबरिया जो सै जे मैं तुहांजो सुणाई थी याद रखां ये। नैत तुहांरा विश्वास करना बेकार आ।

1 कुरिन्थियों 4:17

इस खातर मैं तिमुथियुसा जो तुहांले भेज्जी राँ, सै जे मेरा प्यारा पुत्र कने प्रभुये च बफादार पुत्र आ। तिस तुहांजो मसीह च मेरा चरित्र याद दिलाणा, तियां जे हऊँ हर जगह हरेक कलीसिया च उपदेश देआं।

1 कुरिन्थियों 7:17

फेरी बी हर इक माहणु तिसा दशा च जे सद्दया गईरा तिसच बणीरा रौ कने तिस्सो प्रभुये ते जो बरदान मिलीरा तिसरे मुतावक जीवन जीओ। हऊँ सारी कलीसियां रे खातर ये नियम तैह कराँ।

1 थिस्सलुनीकियां 1:6

तुहें बड़यां दुखां च पवित्र आत्मा ते मिलणे औल़ियां खुशिया ने खुशखबरिया जो ग्रहण कित्या कने अहांरी कने प्रभुरी चाल चलने लगे।

1 थिस्सलुनीकियां 3:6

तिमुथियुस तुहां लते वापस आईने हुण इ अहांले पुज्जया कने तिने अहांजो तुहांरे विश्वास कने प्यारा री अच्छी खबर सुणाई। तिने अहांजो दस्या भई तुहांजो अहांरी बौहत याद औवांई, कने तुहें अहांने मिलणे जो बड़े बेचैन ये, तियां इ तियां जे अहें तुहांजो मिलणे जो।

2 थिस्सलुनीकियां 2:15

इस खातर अरे साथी विश्वासियो, मजबूत रौआ; कने सै शिक्षां जे तुहें वचना ते या चिट्ठियां रे जरिये अहांते सिखियां तिन्हां पर लगातार विश्वास करदे रौआ।

2 थिस्सलुनीकियां 3:6

अरे साथी विश्वासियो, अहें तुहांजो अपणे प्रभु यीशु मसीह रे अधिकारा ते हुक्म देआंये भई तुहें हरेक येढ़े विश्वासिये ते लग रौआ सै जे आलसी आ कने सै जे शिक्षा तिन्हें अहांते पाई तिसरे मुतावक नीं चलदे।