1 कुरिन्थियों 11:17 - बिलासपुरी नौआं नियम

¹⁷ पर ये हुक्म देन्दे हुये हऊँ तुहांजो नीं सराँदा, इस खातर भई तुहांरे कट्ठे हुणे ते भलाई नीं, पर नुक्शान हुआं।

1 कुरिन्थियों 11:17 ပူးပေါင်းရင်းမြစ်များ

रोमियो 13:3

काँह्भई देक्खा राजा तिस माहणुये जो नीं डरान्दा, सै जे नेकी कमाँ, पर तिस माहणुये जो डराँ, सै जे बुरे काम्म कराँ। जे तुहें राजे ते नीं डरना चाहन्दे ओ, तां भले काम्म करदे रौआ, तुहांजो राजे रिया तरफा ते सराहना मिलणी;

1 कुरिन्थियों 11:2

हऊँ तुहांरी तारीफ कराँ, काँह्भई तुहें मिन्जो हर वगत याद करदे रैं; कने सै जे शिक्षायें मैं तुहांजो दित्ति रियां, तिन्हांरा सावधानिया ने पालन करया राँये।

1 कुरिन्थियों 11:20

ताहली जे तुहें अहांरे प्रभु यीशु मसीह रिया मौती जो याद करने खातर कट्ठे हुआं ये, तां ये प्रभु भोज खाणे रे खातर नीं,

1 कुरिन्थियों 11:22

क्या खाणे-पीणे रे खातर तुहांरे घर नींये? या परमेशरा री कलीसिया जो घटिया जाणाँ ये, कने तिन्हांले जे किछ निआं तिन्हांजो बेज्जत कराँ ये? हऊँ तुहांजो क्या बोलूं? क्या इसा गल्ला च तुहांरी तारीफ करूँ? नां, हऊँ तारीफ नीं करदा।

1 कुरिन्थियों 11:34

जे कोई भूखा हो तां अपणे घरा च खाई लो, ताकि तुहांरा कट्ठा हूणा सजा री वजह नीं बणो। बाकी गल्लां जो हऊँ आईने ठीक करगा।

1 कुरिन्थियों 14:23

तां जे कलीसिया इक्की जगह कट्ठी हो, कने सारे के सारे होरीं भाषां बोल्लो, कने सै जे भाषा नीं समझदे या किछ अविश्वासी लोक अन्दरा जो आई जो तां क्या तिन्हां तुहांजो पागल नीं बोलणा?

1 कुरिन्थियों 14:26

अरे साथी विश्वासियो क्या करना चहिन्दा? ताहली जे तुहें कट्ठे हुआं ये, तां हरेक रे दिला च भजन, उपदेश, होरीं भाषां, प्रकाशन या होरीं भाषा रा मतलब दसणा रैया। सब किछ कलीसिया री आत्मिक तरक्किया खातर हूणा चहिन्दा।

इब्रानियों 10:25

कने इक्की दूये सौगी कट्ठा हूणा नीं छड्डा, तियां जे किछ लोक कट्ठे नीं हुन्दे। पर इक्की दूये जो जादा ते जादा हिम्मत देन्दे रौआ; काँह्भई तुहें जाणाँ ये भई प्रभुये रे न्याय रा दिन जल़द औणे औल़ा।

1 पतरस 2:14

कने राजपाला रे बी अधीन रौआ, काँह्भई सै गल़त करने औल़यां जो सजा देणे कने भला काम्म करने औल़यां जो आदर देणे खातर राजे रे जरिये नियुक्त कित्या गईरा।