1 कुरिन्थियों 10:6 - बिलासपुरी नौआं नियम

⁶ ये सारियां गल्लां अहां खातर इक उदाहरण आ, भई तियां जे अहांरे पूर्वजें लालच कित्या था, तियां इ अहें बुरियां चीज़ा रा लालच नीं करिये;

1 कुरिन्थियों 10:6 ပူးပေါင်းရင်းမြစ်များ

रोमियो 5:14

पर आदम ते लेईने मूसा तक सारयां लोकें पाप कित्या कने सै सारे मरीगे, मौत तिन्हां लोकां जो बी तियां इ आई तिन्हेंजे आदमा साई पाप नीं कित्तिरे थे, आदम औणे औल़े मसीहे साई था।

1 कुरिन्थियों 10:11

पर ये सब गल्लां, सै जे तिन्हां पर हुईयां, उदाहरणां रे तौरा पर थिआं; कने सै जे अहांरे खातर चेतावनिया रे रुपा च लिखी रियां, काँह्भई अहें तिस जुगा चे सै जे अन्त रे करीव आ।

इब्रानियों 4:11

इस खातर आओ अहें तिस विस्राम रिया जगह च जाणे री कोशिश करिये, ताकि येढ़ा नीं हो भई कोई माहणु इस्राएली लोकां साई हुक्म नीं मन्नीने विस्राम च जाई नीं पाओ।

इब्रानियों 9:24

मसीहे माहणुआं रे बणाईरे तिस परमपवित्र स्थाना च प्रवेश नीं कित्या, सै जे सच्चे परमपवित्र स्थाना री सिर्फ इक नकल थी। पर तिने त खुद स्वर्गा ची प्रवेश कित्तिरा ताकि हुण सै अहांरे खातर अप्पूँजो परमेशरा रे सामणे मौजूद करो।

1 पतरस 3:21

ये पाणी बपतिस्मे रा प्रतीक आ सै जे हुण तुहांजो बचां। तिस पाणिये ते जे तुहें बपतिस्मा लेईरा सै पाणी शरीरा रा मैल नीं दूर करदा, पर ये इक निशाण आ भई तुहें साफ अन्तरात्मा ने परमेशरा ते माफी मंगीरी। यीशु मसीह रे मूईरयां चते जिऊंदा हुणे रिया वजह ने तुहांजो माफी मिली सक्कां इ,

2 पतरस 2:6

परमेशरे सदोम कने अमोरा रे नगराँ जो विनाश री येढ़ि सजा दित्ति भई तिन्हांजो भस्म करीने स्वाह करित्या ताकि परमेशरा रा हुक्म नीं मनणे औल़यां रे खातर ये इक चेतावनी दित्ति भई तिन्हां सौगी क्या हूणा।

यहूदा 1:7

ये इस्राएली कने स्वर्गदूतां साई सदोम, अमोरा कने तिसरे आसे-पासे रे नगरा रे लोकां जो बी याद करा, सै जे व्यभिचारी हुईगरे थे कने पराये शरीरा रे पिछे लगीरे थे, तां परमेशरे तिन्हांजो अग्गी ने नाश करित्या। ये तिन्हां झूट्ठे शिक्षकां रे खातर चेतावनी हुआं इ भई तिन्हां बी अनन्त काल रिया अग्गी ते सजा पाणी।