जे तेरे साथी विश्वासिये जो तेरे खाणे रिया वजह ने नराजगी हुआं इ, तां तू तिसने प्यार नीं करदा काँह्भई तेरा काम्म ये दस्सां। तिसरे खातर जे मसीह मरया, तू अपणे खाणे रिया वजह ने तिसरे विश्वासा जो नीं तोड़।
पर सारे लोक ये नीं जाणदे। किछ लोक येढ़े सै जे हुण तक मूर्तियां ने जुड़ीरे कने सै ताहली जे येढ़ा खाणा खांये तां सै हुण बी ये समझां ये भई ये मूर्तियां रे सामणे बल़ि कित्तिरा खाणा, इस खातर सै ये समझां ये भई सै अशुद्ध हुईगरे, काँह्भई तिन्हांरी अन्तरात्मा कमजोर इ।