1 कुरिन्थियों 10:23 - बिलासपुरी नौआं नियम

²³ “मिन्जो सब किछ करने री अनुमति हाई,” पर सब किछ फायदे रा निआं; “मिन्जो सब किछ करने री अनुमति हाई,” पर सब किछ उपयोगी नींआ।

1 कुरिन्थियों 10:23 ပူးပေါင်းရင်းမြစ်များ

रोमियो 14:15

जे तेरे साथी विश्वासिये जो तेरे खाणे रिया वजह ने नराजगी हुआं इ, तां तू तिसने प्यार नीं करदा काँह्भई तेरा काम्म ये दस्सां। तिसरे खातर जे मसीह मरया, तू अपणे खाणे रिया वजह ने तिसरे विश्वासा जो नीं तोड़।

1 कुरिन्थियों 14:12

इस खातर तुहें बी ताहली जे आत्मिक वरदान्नां रिया धुन्ना च हो, तां येढ़ि कोशिश करा भई तुहांरे वरदान्नां रिया तरक्किया ते कलीसिया री तरक्की हो।

1 कुरिन्थियों 14:17

तू त अच्छे तरिके ने परमेशरा रा धन्यवाद करदा हूणा, पर दुज्जे री तरक्की नीं हुंदी।

1 कुरिन्थियों 14:26

अरे साथी विश्वासियो क्या करना चहिन्दा? ताहली जे तुहें कट्ठे हुआं ये, तां हरेक रे दिला च भजन, उपदेश, होरीं भाषां, प्रकाशन या होरीं भाषा रा मतलब दसणा रैया। सब किछ कलीसिया री आत्मिक तरक्किया खातर हूणा चहिन्दा।

1 कुरिन्थियों 6:12

तुहां चते किछ लोक ये बोलां ये, “मिन्जो सब किछ करने री अनुमति हाई,” पर सब किछ फायदे रा निआं; “मिन्जो सब किछ करने री अनुमति हाई,” पर मांह किसी चीजा रा गुलाम नीं हूणा।

1 कुरिन्थियों 8:1

हुण हऊँ मूर्तियां रे सामणे बल़ि कित्तिरे माँसा रे बारे च दसणा चांह सै जे तुहें मेरते पुच्छया था : अहें जाणाँ ये भई अहां सब्बीं जो इसरा ज्ञान आ कने ज्ञान माहणुये जो घमण्डी बणां, पर प्यार अहांजो मजबूत कराँ।

1 कुरिन्थियों 8:9

पर सावधान रौआ! येढ़ा नीं हो भई तुहांरी ये अजादी किति कमजोराँ खातर पापां री वजह नीं बणी जाओ।

2 कुरिन्थियों 12:19

हुण तुहें क्या सोच्ची रायें भई इक्की लम्मे बगता ते अहें तुहांरे सामणे अपणा बचाव करी रायें? पर अहें त परमेशरा रे सामणे मसीह रे चेले रे रुपा च बोल्ली राँये। मेरे प्यारे मित्रो, अहें सै जे किछ बोल्ली राँये, तुहौं विश्वासा च मजबूत करने खातर इ बोल्ली राँये।

इफिसियां 4:29

तुहांरे मुँआं ते कोई बुरी गल्ल नीं निकल़णी चाहिन्दी, पर जरूरता रे मुतावक सैई निकल़ो सै जे दुज्यां रिया तरक्किया खातर मददगार हो, ताकि तिसते जे सुणने औल़े रा भला हो।

1 थिस्सलुनीकियां 5:11

इस वजह ते इक्की दूये जो हौंसला देओ कने इक्की दूये जो परमेशरा पर विश्वास करने रे खातर मदद करो, तेढ़ा जे तुहें कराँ बी ये।”

1 तिमुथियुस 1:4

कने तिन्हांने बोल भई येढ़ि मन घड़न्त कहाणियां कने पूर्वजां रियां खत्म नीं हुणे औल़ियां कहाणियां पर मन नीं लगाओ, तिन्हांते जे सिर्फ विवाद इ पैदा हुआं ये। कने सै विवाद परमेशरा रिया योजना जो रोकां ये, सै जे तिन्हां लोकां रे जरिये इ हुई सक्कां सै जे परमेशरा पर विश्वास कराँ ये।