1 कुरिन्थियों 10:17 - बिलासपुरी नौआं नियम

¹⁷ काँह्भई इक रोटी ये दस्सां इ भई अहें सै जे बौहत ये मसीह च इक शरीर ये, काँह्भई अहें सारे तिसा रोटिया च भागी हुआं ये।

1 कुरिन्थियों 10:17 ပူးပေါင်းရင်းမြစ်များ

रोमियो 12:5

तियां इ हलाँकि अहें बौहत सारे, पर मसीह च अहें इक जिस्मा रे रुपा च हुई जायें, इस तरिके ने अहें सारे मसीह विश्वासी इक दुज्जे सौगी जिस्मा रे अंगा साई जुड़ी जायें।

1 कुरिन्थियों 10:21

तुहें प्रभुये रे कटोरे कने बुरीआत्मा रे कटोरे दुईं चते नीं पी सकदे। तुहें प्रभुये री मेज बुरीआत्मां री मेज दुईं रे सहभागी नीं हुई सकदे।

1 कुरिन्थियों 12:12

काँह्भई तियां जे देह त इक इ कने तिसरे अंग बौहत ये, कने तिसा इक्की देहा रे बौहत अंग हुणे पर बी सब मिलीने इक इ देह इ, तियां इ मसीह बी आ।

1 कुरिन्थियों 12:27

इयां इ तुहें सब मिलीने मसीह री देह ये, कने लग-लग तिसरे अंग ये;

इफिसियां 3:6

कने भेत येआ भई मसीह यीशुये च खुशखबरिया रे जरिये यहूदियां साई अन्यजाति लोकां बी आशीष पाणी, कने अन्यजाति कने यहूदी इक शरीरा साई हुणे कने परमेशरा रे कित्तिरे वायदे रे साझी हुणे।

इफिसियां 4:16

अहें सारे जितने मसीह पर विश्वास कराँ ये, तिसरे जिस्मा रे अंगाँ साई ये। तियां जे इक्की माहणुये रा जिस्म सारे जोड़ा रे जरिये जुड़ीरा कने ताहली जे जिस्मा रे सारे अंग ठीक-ढ़ंगा ने काम्म कराँ ये, तां शरीर बधां कने मजबूत हुआं; इस तरिके ने ताहली जे अहें सारे मसीह रे दित्तिरे कम्मा जो कराँ ए अहां मजबूत कने परिपक्व हुणे कने इक्की दूये जो जादा प्यार करना।

इफिसियां 4:25

इस खातर तुहें झूट्ठ बोलणा छड्डिने, हरेक अपणे पड़ोसिये ने सच्च बोल्लो, काँह्भई अहें सारे इक्की शरीरा रे अंग ये।

इफिसियां 4:4

जिस्म इक आ कने पवित्र आत्मा बी इक आ, इयां इ ताहली जे तुहांजो बी सद्दया गया तां इक इ आस्सा च हिस्सेदार हुणे रे खातर सद्दया गया।

कुलुस्सियां 3:11

तिसच नांत यूनानी रैया, नां यहूदी, नां खतना, नां खतने ते बगैर, नां विदेशी कने नां असभ्य, नां दास कने इक अजाद माहणुये च कोई फर्क आ: सिर्फ मसीह सब किछ आ कने सारे विश्वासियां च तिसरा इ वास आ।

कुलुस्सियां 3:15

तुहांरे दिलां पर मसीह री शान्ति राज करो, काँह्भई तुहें सारे इक्की शरीरा रा हिस्सा ये; इस खातर इक्की दूये सौगी तुहें शाँतिया ने रैहणे रे खातर सद्दीरे। कने सदा परमेशरा रा धन्यवाद करदे रौआ।