1 कुरिन्थियों 1:8 - बिलासपुरी नौआं नियम

⁸ तिस तुहांजो आखिर तक मजबूत रखणा ताकि तुहें अहांरे प्रभु यीशु मसीह रे दिन निर्दोष हुन्गे।

1 कुरिन्थियों 1:8 ပူးပေါင်းရင်းမြစ်များ

लूका 17:24

काँह्भई तियां जे बिज्जल़ चमकीने इक कोणे ते दुज्जे कोणे तक अम्बरा जो चमकाई देईं, तियां इ ताहली जे माहणुये रे पुत्रा यनि मांह वापस औणा, सब्बीं मिन्जो देखणा।

लूका 17:30

तियां इ तिस बगत जे माहणुये रे पुत्रा यनि मांह वापस औणा, तिस वगत बी इयां इ हूणा कने लोकां जो अपणे कम्मां ते बेहल नीं हूणी।”

रोमियो 14:4

तू किसी दुज्जे घरा रे सेवका पर इल्जाम लाणे औल़ा कुण हुआं? ये सिर्फ तिसरा इ स्वामी तैह कराँ भई तिने खरा कित्या या खरा नीं कित्या। पर सै सफल हूणा, काँह्भई प्रभुये तिस्सो खड़ा हुणे रे लायक बनाणा।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

रोमियो 8:19

काँह्भई ये सृष्टि बड़िया आशा ने तिसा घड़िया रा इन्तजार करी राईं ताहली जे परमेशरा अपणयां बच्चयां जो परगट करना।

1 कुरिन्थियों 3:13

तां परमेशरा रे न्याय रे दिन अग्गी हर किसी रे कम्मा रा गुण परगट करना, जे माहणुये रे कम्मा रा कोई गुण आ तां आग्ग तिसजो दिखांगी।

1 कुरिन्थियों 5:5

येढ़े माहणुये जो शैतान्ना जो सौंपया जाओ, ताकि तिसरा शरीर नाश हुईजो कने तिसरी आत्मा प्रभु यीशुये रे वापस औणे रे दिना च छुटकारा पाई सक्को।

2 कुरिन्थियों 1:13

अहें तुहौं होर किछ नीं लिखदे, सिर्फ सैई लिखां ये सै जे तुहें पढ़ी सक्कां ये या समझी बी सक्कां ये, कने मिन्जो आशा इ भई

2 कुरिन्थियों 1:14

तुहां अन्त च अहौं पूरी तरह समझी लेणा हलाँकि हल्तियें तुहें अहांजो बौहत इ कम समझी पाये। ताकि तुहें अहांरे खातर तियां इ गर्व करी सक्कां ये तियां जे अहां तुहांरे खातर तिस दिन गर्व करना ताहली जे अहांरे प्रभु यीशु फेरी भीं औंगे।

2 कुरिन्थियों 1:21

परमेशर इ हाया, सै जे तुहां सौगी मसीह च अहांजो मजबूत कराँ, कने परमेशरे अहां पर अपणी मोहर लाईने बयाने रे रुपा च अपणा आत्मा अहांरे दिला च रखीने अहांरा अभिषेक कित्तिरा।

इफिसियां 5:27

इस तरिके ने सै कलीसिया जो इक येढ़ि चमचमाती दुलहना रे रुपा च अपणे खातर प्रस्तुत करी सक्कां सै जे निष्कलंक हो, झुरियां ते बगैर हो, या तिसच येढ़ि होर कोई कमी नीं हो, बल्कि सै पवित्र कने निर्दोष हो।

फिलिप्पियां 1:10

ताकि तुहें उत्तम ते उत्तम गल्लां जो प्रिय जाणो, कने तुहें मसीह रे औणे रे दिना तक पवित्र, कने निर्दोष बणीने रौआ।

फिलिप्पियां 1:6

मिन्जो इसा गल्ला रा पूरा भरोसा भई परमेशरे तुहां लोकां च इक येढ़ा बधिया काम्म शुरु कित्या, सैई तिस्सो यीशु मसीह रे वापस औणे रे दिना तक पूरा करदे रैंहगे।

कुलुस्सियां 1:22

पर तां जे मसीह अपणे संसारिक शरीरा च था, तां मसीह रिया मौती रे जरिये हुण परमेशरे तुहांरा बी मेल करी लरा, ताकि तुहांजो अपणे सामणे पवित्र, निष्कलंक, कने निर्दोष बणाईने हाजर करो।

कुलुस्सियां 2:7

कने तिस ची मजबूत हुन्दे जावा तियां जे इक पेड़ धरतिया च जड़ पकड़ां; कने लगातार तिस ची अपणे विश्वासा जो बधान्दे जावा, कने परमेशरा रा जादा ते जादा धन्यवाद करदे रौआ।

1 थिस्सलुनीकियां 3:13

ताकि सै तुहांरयां मनां जो मजबूत करो भई ताहली जे अहांरे प्रभु यीशु मसीह फेरी अपणे पवित्र लोकां सौगी आओ तां तुहें अहांरे परमेशर कने पिता रे सामणे पवित्र कने निर्दोष हुणे।

1 थिस्सलुनीकियां 5:2

काँह्भई तुहें खुद जाणाँ ये भई तियां जे राति जो चोर औआं, तियां इ प्रभु यीशुये रे वापस औणे रा दिन औणे औल़ा।

2 थिस्सलुनीकियां 2:2

तुहें सानिया ने किसी भविष्यवाणी, किसी उपदेश यनि किसी येढ़िया चिट्ठिया ते अपणे मना च दुखी नीं हुयां कने मत डरयां तिसाजो जे अहांरे जरिये लिखिरा समझया जान्दा हो कने तिसच जे इस तरिके ने दस्या गया हो भई प्रभुये रे औणे रा दिन आई चुक्कीरा।

2 थिस्सलुनीकियां 3:3

पर प्रभु बफादार आ; तिस तुहांजो मजबूत करना कने तिस शैतान्ना ते बचाणे।

2 तिमुथियुस 1:12

कने इसा वजह ने हऊँ इन्हां गल्लां रा दुख सैया राँ, फेरी बी हऊँ शर्मान्दा निआं, काँह्भई तिस पर जे मैं विश्वास कित्तिरा, हऊँ तिस्सो जाणाँ कने मिन्जो ये निश्चा भई तिने मिन्जो जो किछ दित्तिरा, सै तिसरिया रक्षा करने च तिस दिना तक समर्थी आ।

2 तिमुथियुस 1:18

प्रभु न्याय रे दिन तिस पर अपणी दया करो, तू ठीक-ढंगा ने जाणाँ भई तिने इफिसुस नगरा च मेरी लग-लग तरिके ने सेवा कित्तिरी।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

2 पतरस 3:10

पर प्रभुये रा दिन चोरा साई औणा, तिस दिन इक खतरनाक गर्जना सौगी अकाश खत्म हुई जाणा कने अम्बरा रा सारा किछ फुक्खीने नाश हुई जाणा कने तिस दिन धरती कने तिस पर कित्तिरे सारे काम्म प्रगट हुई जाणे।

2 पतरस 3:14

इस खातर मेरे प्यारे मित्रो, तियां जे तुहें तिस दिना रा इन्तजार करया राँये पूरी कोशिश करा भई तुहें शान्तिया ने परमेशरा रिया नज़राँ च निष्कलंक कने निर्दोष पाये जाओ।