1 कुरिन्थियों 1:5 - बिलासपुरी नौआं नियम

⁵ काँह्भई तुहें मसीह च हुईने परमेशरा ते हर गल्लां च बौहत आशीषां पाई रियां यनि बोलणे रे खातर कने तिसरा वचन समझणे रे खातर कई खास योग्यतां पाई रियां,

1 कुरिन्थियों 1:5 ပူးပေါင်းရင်းမြစ်များ

प्रेरितां 2:4

सै सब पवित्र आत्मा ने भरीगे, कने तियां जे आत्मा तिन्हांजो बोलणे री सामर्थ देयां था, सै लग-लग भाषा बोलणे लगे।

रोमियो 11:12

जे तिन्हांरे अविश्वासा रिया वजह ने अन्यजातियां रा भला हुया, तां हकीकत च अन्यजातियां रे प्रति बौहत इ अच्छा हूणा ताहली जे इस्राएली लोक परमेशरा ले वापस औणे।

रोमियो 15:14

मेरे साथी विश्वासियो, मिन्जो खुद तुहांरे ऊपर भरोसा भई तुहें भलाईयां कने परमेशरा रे ज्ञाना च पूरे भरीरे, कने इक्की दूये जो सखाई सक्कां ये।

रोमियो 15:4

हर गल्ल सै जे पवित्रशास्त्रा च पैहले ते लिखिरी, सै अहांजो शिक्षा देणे खातर थी भई सै तसल्ली कने हिम्मत जे अहांजो पवित्रशास्त्रा ते मिलाँ इ, अहें तिसते आशा पाई सक्को।

1 कुरिन्थियों 12:10

फेरी किसी जो सामर्था रे काम्म करने री ताकत, किसी जो भविष्यवाणी, किसी जो आत्मां री परख, किसी जो कई प्रकारा रियां भाषां बोलणे जो, कने किसी जो भाषां रा मतलब दसणा।

1 कुरिन्थियों 12:8

काँह्भई इक्की जो आत्मा ते बुद्धिया रियां गल्लां मिलां इयां, कने किसी दुज्जे जो तिसा इ आत्मा रे मुतावक ज्ञाना रियां गल्लां।

1 कुरिन्थियों 13:2

कने जे हऊँ भविष्यवाणी करी सक्कूँ, कने सब्बीं भेतां कने सब प्रकारा रे ज्ञाना जो समझूं, कने मिन्जो येत्थी तका पूरा विश्वास हो भई हऊँ पहाड़ां जो हटाई सक्कां, पर प्यार नीं रखूं, तां हऊँ किछ निआं।

1 कुरिन्थियों 13:8

प्यार कदीं टलदा निआं; भविष्यवाणियां हो, तां खत्म हुई जाणियां; भाषां मौन हुई जाणियां; ज्ञान हुंगा, तां मिटी जाणा।

1 कुरिन्थियों 14:26

अरे साथी विश्वासियो क्या करना चहिन्दा? ताहली जे तुहें कट्ठे हुआं ये, तां हरेक रे दिला च भजन, उपदेश, होरीं भाषां, प्रकाशन या होरीं भाषा रा मतलब दसणा रैया। सब किछ कलीसिया री आत्मिक तरक्किया खातर हूणा चहिन्दा।

1 कुरिन्थियों 8:11

इस तरिके ने तेरे ज्ञाना रिया वजह ते तिस कमजोर विश्वासिये रा विनाश हुई जाणा तिसरे खातर जे मसीह मरया।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

2 कुरिन्थियों 6:10

अहें दुखां रे वगता च बी, हमेशा खुश ये; हलाँकि अहें गरीब ये, फेरी बी बौहत लोकां जो आत्मिकता च अमीर बणाई दें। लोक समझां ये अहांले किछ निआं, जबकि अहांले त सब किछ आ।

2 कुरिन्थियों 8:7

कने तियां जे भई तुहें हर गल्ला च यनिके विश्वासा च, बाणिया च, ज्ञाना च, कने मदद करने रिया इच्छा च, कने तिस प्यारा च सै जे तुहें अहांने रक्खां ये, बधदे जांये, तियां इ इस दान्ना रिया सेवा च बी बधदे जावा।

2 कुरिन्थियों 9:11

तुहें हर तरफा ते धनी हुणे ताकि तुहें हर मौके पर दान्नी बणी सक्को, कने ताहली जे अहें तुहांरिया उदारता रा दान जरूरत मन्द लोकां जो देन्गे, तां सै लोक परमेशरा रा धन्यवाद करगे।

इफिसियां 1:17

हऊँ प्राथना कराँ भई अहांरे प्रभु यीशु मसीह रा परमेशर सै जे महिमा रा पिता, तुहांजो ज्ञान कने प्रकाशा रा आत्मा देओ तिसते जे तुहें परमेशरा जो अच्छे तरिके ने जाणी सक्को।

इफिसियां 2:7

तिने मसीह यीशुये रे जरिये इस तरिके ने अपणी दया अहां पर दिखाई ताकि औणे औल़े वगता च संसारा रे लोकां देखणा भई तिसरा अनुग्रह कितना महान आ। ये अनुग्रह सब्बीं ते महान आ।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

इफिसियां 6:19

कने तुहें मेरे खातर बी प्राथना करा, भई मिन्जो बोलणे रा मौका मिलणे पर परमेशर मिन्जो सही शब्दां जो देओ ताकि हऊँ खुशखबरिया रे भेता जो हिम्मता ने लोकां जो दस्सी सक्कूं।

फिलिप्पियां 1:9

कने हऊँ येई प्राथना करदा रैयां भई तुहांरा प्यार, कने सुध-बुध हर तरह रे ज्ञाना सौगी हमेशा बधदी रौ।

कुलुस्सियां 2:3

तिसच जे बुद्धि कने ज्ञाना रे सारे भण्डार छुपीरे।

कुलुस्सियां 3:10

कने तुहें नया माहणु बणी चुक्कीरे। तुहें अपणे रचणे औल़े साई जादा ते जादा बणी राँये कने तुहें तिस्सो अच्छे तरिके ने समझगे।

याकूब 3:13

भला तुहां च ज्ञानी कने समझदार कुण आ? सै जे हाया, तिस्सो अपणे व्यवहारा ने ये दसणा चाहिन्दा भई तिसरे काम्म तिसा नम्रता ने कित्ते गईरे सै जे ज्ञाना ने जुड़ीरे।

2 पतरस 3:18

बल्कि अहांरे प्रभु कने छुटकारा करने औल़े यीशु मसीह रे अनुग्रह कने ज्ञाना च तुहें अग्गे बधदे जावा। तिसरी महिमा हुण बी कने हमेशा हुन्दी रौ।