1 कुरिन्थियों 1:29 - बिलासपुरी नौआं नियम

²⁹ परमेशरे ये कित्या ताकि कोई बी माहणु परमेशरा रे सामणे घमण्ड नीं करी सक्को।

1 कुरिन्थियों 1:29 ပူးပေါင်းရင်းမြစ်များ

रोमियो 15:17

इस खातर यीशु मसीह रिया वजह ने हऊँ परमेशरा खातर सै जे सेवा कराँ तिस पर मिन्जो गर्व आ।

रोमियो 3:19

हुण अहें ये जाणाँ ये भई व्यवस्था सै जे किछ बोलां इ सै तिन्हांने इ बोलां इ, सै जे व्यवस्था रे मुतावक चलां ये; इस खातर भई हर इक मुँह बन्द कित्या जाओ कने सारे संसारा रे लोक परमेशरा री सजा रे लायक ठैहरो;

रोमियो 3:27

तां फेरी येढ़ि कोई गल्ल इ तिसरे बारे च जे अहें घमण्ड करी सक्कां ये? किछ बी नींआ! कने इसरी वजह क्या इ? क्या ये इसरी वजह इ भई अहें व्यवस्था रा पालन कराँ ये? नां, पर ये यीशु मसीह पर विश्वास करने रिया बजह नेआ।

रोमियो 4:2

जे अब्राहमा जो तिसरे कम्मां रिया वजह ने धर्मी बणाया हुन्दा, तां ये तिसरे खातर घमण्डा री गल्ल थी; पर परमेशरा रे सामणे सै घमण्ड नीं करी सकदा।

1 कुरिन्थियों 1:31

इस खातर तियां जे पवित्रशास्त्रा च लिखिरा, “जे कोई घमण्ड करना चाओ, तां सै प्रभुये पर घमण्ड करो।”

1 कुरिन्थियों 4:7

काँह्भई किसी माहणुये तुहौं दुज्यां ते जादा खास नीं बणाया कने सै किछ जे तेरले आ सै तिज्जो परमेशरे दित्तिरा। कने तंजे तिज्जो मिलीरा, तां अपणे बारे च घमण्ड करना तेरे खातर ठीक नींआ।

1 कुरिन्थियों 5:6

तुहांरा घमण्ड करना ठीक निआं; क्या तुहें नीं जाणदे, भई थोड़ा जेआ खमीर पूरे गुन्हीरे आट्टे जो खमीर करी देआं? तियां इ ये पाप खमीरा साई दुज्या लोकां च बी फैल्ली सक्कां।

इफिसियां 2:9

कने ये अहांरे कित्तिरे कर्मां रा फल़ निआं तिसरा जे कोई घमण्ड करी सक्को।