1 कुरिन्थियों 1:27 - बिलासपुरी नौआं नियम

²⁷ पर परमेशरे संसारा रे मूर्ख लोकां जो चुणया, भई ज्ञान वानां जो शर्मिन्दा करो, कने परमेशरे संसारा रे निर्बलां जो चुणया भई बलवानां जो शर्मिन्दा करो;

1 कुरिन्थियों 1:27 ပူးပေါင်းရင်းမြစ်များ

मत्ती 11:25

तिस इ वगत यीशुये गलाया, “पिता, तू स्वर्गा कने धरतिया रा मालक आ, हऊँ तेरा धन्यवाद कराँ भई तैं इन्हां गल्लां जो ज्ञानियां कने समझदार लोकां ते छुपाई ने रखीरा, कने आम लोकां पर प्रगट कित्या।

मत्ती 21:16

कने तिसते पुच्छया, “तू सुणीराँ ये क्या बोल्ली राँये?” यीशुये तिन्हाने गलाया, “हाँ; सुणीराँ, क्या तुहें लोकें ये कदीं नीं पढ़या : ‘तैं बालकां कने दुध पीन्दे बच्चयां रे मुँआं ते स्तुति कराई?’ ”

मत्ती 9:9

ऊत्थीते अग्गे बधीने यीशुये मत्ती नौंवां रे इक्की माहणुये जो चुंगी लेणे औल़े नाक्के पर बैठिरा देख्या कने तिसजो बोल्या, “मेरे सौगी औ।” इस खातर सै उट्ठया कने तिसरे पिच्छे चलीप्या।

लूका 21:15

काँह्भई मांह तुहांजो अपणे बचावा खातर विचार कने बुद्धि देणी, भई तुहांरे सारे बरोधी तुहांरा सामना करीने येढ़ा नीं बोल्ली सक्को भई तुहें गल़त ये।

प्रेरितां 17:18

फेरी इपिकूरी कने स्तोईकी दार्शनिकां चते किछ तिसने तर्क करने लगे, कने कईयें गलाया, “ये बकवादी क्या बोलणा चाँह?” पर दुज्जेयां गलाया, “ये होरसी रा प्रचारक लगया राँ” काँह्भई सै यीशुये रा कने भीं ते जिऊंदा हुणे री खुशखबरी सुणावां था।

प्रेरितां 7:35

“तिस मूसा जो जे तिने येढ़ा बोलीने नां करी ती थी, ‘तिज्जो किने अहां पर हाकम कने न्यायी बणाईरा?’ तिस्सो इ परमेशरे राजपाल कने छुड़ाणे औल़ा बणाईने, तिस स्वर्गदूता रे जरिये तिने जे झाड़िया च दर्शण दित्या था, भेज्या।

प्रेरितां 7:54

ये गल्लां सुणीने यहूदी अगुवे बड़ा गुस्सा हुईगे कने स्तिफनुसा परा दन्द किरड़ने लगे।

1 कुरिन्थियों 1:20

किति आ ज्ञानी, किति आ शास्त्री कने किति आ इस जुगा रा विवादी? क्या परमेशरे संसारा रे सारे ज्ञान्ना जो मूर्खता साबित नीं कित्या?

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

1 कुरिन्थियों 2:12

पर अहें संसारा रा आत्मा नीं पाया, पर सै आत्मा पाया सै जे परमेशरा रिया तरफा तेआ ताकि अहें तिन्हां गल्लां जो जाणिये सै जे परमेशरे अहांजो मुख्ता त दित्तिरे।

2 कुरिन्थियों 10:10

काँह्भई किछ लोक बोलां ये, “पौलुस रियां चिट्ठियां त गम्भीर कने प्रभावशाली आ; पर सै दिखणे च कमजोर आ कने तिसरी गल्ल बेकार इ।”

2 कुरिन्थियों 4:7

पर अहें चिक्का रे भाँडयां साई ये तिसच ये दौलत रखीरी। ये असली सामर्थ अहां रिया तरफा ते नीं, बल्कि परमेशरा रिया इ तरफा ते औआं इ।

याकूब 2:5

मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा?