1 कुरिन्थियों 1:17 - बिलासपुरी नौआं नियम

¹⁷ काँह्भई मसीहे मिन्जो बपतिस्मा देणे जो नीं, पर खुशखबरी सुनाणे जो भेजीरा, कने ये बी माहणुआं रे शब्दां रे ज्ञाना रे मुतावक नीं, येढ़ा नीं हो भई मसीह रा क्रूस बेकार ठैहरो।

1 कुरिन्थियों 1:17 ပူးပေါင်းရင်းမြစ်များ

यूहन्ना 4:1

फेरी ताहली जे यीशुये जो पता लगया भई फरीसियें सुणया भई यीशु यूहन्ने ते जादा लोकां जो चेले बणाईराँ कने तिन्हांजो बपतिस्मा देई कराँ।

यूहन्ना 4:2

यीशु खुद बपतिस्मा नीं देई करां था बल्कि ये काम्म तिसरे चेले करी रां थे,

प्रेरितां 10:48

कने पतरसे हुक्म दित्या भई तिन्हांजो यीशु मसीह रे नौआं ते बपतिस्मा देओ। तां तिन्हें पतरसा ने विनती किति भई सै किछ दिन होर अहां सौगी रौ।

1 कुरिन्थियों 2:1

अरे विश्वासियो, ताहली जे हऊँ परमेशरा रा सन्देश सुणांदा हुआ तुहांले आया, तां मैं बड्डे शब्द इस्तेमाल नीं कित्ते कने अपणी शिक्षा रा प्रदर्शन नीं कित्या।

1 कुरिन्थियों 2:13

येई अहें माहणुये रे ज्ञाना ते सखाई रियां गल्लां च नीं, पर पवित्र आत्मा रियां सखाई रियां गल्लां च, आत्मिक गल्लां जो अहें आत्मिक शब्दां च सुणवांये।

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

2 कुरिन्थियों 10:10

काँह्भई किछ लोक बोलां ये, “पौलुस रियां चिट्ठियां त गम्भीर कने प्रभावशाली आ; पर सै दिखणे च कमजोर आ कने तिसरी गल्ल बेकार इ।”

2 कुरिन्थियों 11:6

हुई सक्कां हऊँ बोलणे च निपुण नींआ, पर ज्ञाना च हऊँ घट नींआ। अहें इसजो तुहौ हर गल्ला च साफ रुपा च दस्सीरा।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।

2 पतरस 1:16

ताहली जे अहें तुहांजो अहांरे प्रभु यीशु मसीह री सामर्थ कने तिसरे दोवारा औणे रे बारे च दस्या था, तां अहें तुहांजो चलाकिया ने बणाईरी किछ कहाणियां नीं दस्यारां थे, पर अहें त तिसरिया महिमा रे चश्मदीद गवाह थे।