रूमी 9:4 - Korwa Bible

⁴ हँकुःआ इसराएल होड़कू भगवानरिकुःआ समुटावतो होड़कू हवे। हँकू एचेरे भगवान तुमिन मरंग इदानिया हना अनँयग एचे उदुःवातेडकुःआ। हाँय हँकू सुदा कता-जमकावतेडखन नियमकूने एमेवातेडकुःआ। हाँय हँकू करा इयाकू जागगेय हना बदीरेय चेडतेडकुःआ अरू हँकू मुरुक बगराय जबानवातेडकुःआ।

रूमी 9:4 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:33

“अपे अरू एटाः मीटोंग अउल-तउल कहड़ीपे अयूम। मी होड़ अंगूरराः बगइचाय लगावतेरा अरू हनाराः चइरो गतर दिरिराः घोरनाय तुलातेरा अरू अंगूरराः रस लेन लगा मीटोंग चटइन कोटेग कोटेगे लाः बोलोतेरा अरू मीटोंग उनुसूल अगुरा मसाय तुलातेरा। हनते हाँय अधियादारकू एचेरे अधिया एमे अटूवाडखन एटाः देस तोराय।

एहुना 1:17

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।

एहुना 1:47

हना तयोमते ईसू नतनएल आँयग अगी वेगतो ञेलतिडिगखने हाँय बदीरेय कताया, “ञेलेयपे, नाँय सनातायते इसराएल होड़ हवे अरू नाँय मुरुक सुधिया होड़ इदानिया।”

मूक चेलाकू 2:39

नाःआ जबान अपे लगा अरू अपेरिकुःआ लइंकू लगा अरू लंकारे इदानकुःआ हँकुःआ होड़कू लगा, अबूरीग परबू भगवान राःकूता हँकुःआ जमा होड़कू लगा इदा।”

रूमी 3:2

मनदो ईंग कतायतना, सतायरे एहूदा होड़ बड़ाँः अते मुरुक नफा इदा। मइद कता नाःआ हवे, भगवानराः सरवन मनाड़ंगरे अपे अयूमतेरा।

रूमी 8:15

अपे सुद बिरुवापे पवावकियानते पोंकाहा बेगारी होड़कू इया दोहोन लगा कोवानेःआ, मनदो भगवान आँयगराः बिरुवाते अनँयग लइंकू इयाय समुटावकेडपेःआ। नाःआते अबू हाँय, ने अबबा, ने अपांग, माःआन चइड़ घड़ीनबू राःगेयता।

रूमी 9:6

दो अपे ओंगलेतना, इसराएल होड़कू बदीरे भगवान अनँयग जबाने टड़ाव एंडागोतेडा जा? बुरी। इसराएल होड़कू अते मुरुक होड़कू सतायरे भगवानरिकुःआ होड़कू कोवाकुःआ।

2 कुरिंती 11:22

हँकू इबरानी होड़कू हवे दो, ईंग हों हवे। हँकू इसराएल होड़कू हवे दो, ईंग हों हवे। हँकू इबराहीमरिकुःआ नइड़-बाँस होड़कू हवे दो, ईंग हों हवे।

गलातिया 3:16

अपे ईंगपे अयूम, इबराहीम एचेरे अरू हाँयरिकुःआ नइड़-बाँस होड़कू अते मी होड़ एचेरे भगवान जबानतेरा। दो भगवानराः कागदरे हना जबान इबराहीमरिकुःआ मुरुक नइड़-बाँस होड़कू एचेरे मेरेय जबानगाड, मनदो मिनी होड़ एचेरेय जबानतेरा, अरू हनाँय हवे सडावदार मसी।

इपीसी 2:12

अपे मसी अते हिगारतोपे दोहोना अरू इसराएल होड़कू सुदा अपेराः तोनोंगाः इताड मेर दोहोगान। भगवानराः जबानरे तोनोंगाः बंटा अपे लगा मेर दोहोगान अरू अपे भगवान मेनेरपे सुदीया अते, बेगर असराते नाःआ चउंदीसरेपे दोहोना।

इबरानी 9:1

दो मड़ंगाः कता-जमकावतोरे होड़कू भगवानकू जाग लगा चउंदीसरे मीटोंग सुद ततेर अरू नियमकून हों दोहोना।

इबरानी 9:10

नाःआ जमा नियमकून जोम ञूय अरू एटाः एटाः रिती-बिधी इयाःआ बुहालगुःराः बदीरे एकला दोहोना। अरू नाःआ नियमकून, नाःआ अते तोनोंगाः नपाय इलम अरीन होयाः वरी लगा एकला दोहोना।

इबरानी 9:3

अरू बार नमारराः परदा मार परोम मुनुरुक सुद ततेर माःआनकू कतावाता।

इबरानी 9:5

हना बकसा सेरमो बारटोंग मरसलतो पंकीत बराहीलकिनराः मुरइत दोहोना अरू कसूर बराव एंडा ततेरराः सेरमो अँकिनराः डेनातेकिन डबावकातेरा। नाःआ जमा कताकूनराः बदीरे नुँहू ओरोले कता उदुः अवेतेरा।

इबरानी 9:6

टपइर ओड़ाःराः जमा जिनिसकून नाःआ इया संजोड़तो दोहोनता। दो हना मड़ंग छिनारे पुजउरीकू सगर दिन अँकूराः सेवा बुता लगाकू बोलता।