रूमी 9:33 - Korwa Bible

³³ ईसू बदीरे भगवानराः कागदरे ओजाःतो इदा, “ईंगपे अयूम, होड़कू एचे तोहोडकूता हना खुंटा ईंग सियोनरेयिंग बीडगोडता, अरू हान होड़कू एचे तामगोडकूता। अरू हाँय एचेरेकू बिसवासगेता, हँकुःआ होड़कू कहियो ओरोकू गियूनेना।”

रूमी 9:33 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:42

ईसू हँकू एचेरेय कतातेड, “अपे भगवानराः कागदरे मेरपे बछावगना जा, ओड़ाः तुला मिसतिरीकू ओरो बड़ाँवनेना माःआनकू चलाः एंडातेरा, हनानाः दिरि जमा दिरिकून अते ननपाय दिरि होयानेना। नाःआ दो परबू अगीते होयाकिया अरू अबू बयावयनाबू।

मती ओजाःतेरा भगवानराः नपाय सरवन 21:44

[नाःआ दिरिरेय लुजरुःता हाँयग होड़ लंजाः हटिंग जुवाःताय। मनदो तोनोंगीग होड़ चोटरे नाःआ दिरि लुजरुः दो हाँय गिलाव जुवाःता।”]

रूमी 10:1

दो ईंगरिकुःआ अजी बोपोहकूतिंग, ईंगरिकुःआ जइत सगा इसराएल होड़कू सडाः लगा मुरुक चहाः घड़ीनिंग अरजीतना।

रूमी 10:11

भगवानराः कागदरे ओजाःतो इदा हनन इया, “भगवान एचेरेय बिसवासगेता हाँयग होड़, कहियो ओरोय गियूनेना।”

रूमी 5:5

भगवान अनँयगराः सुद बिरुवा अबू लगाय एमेकेरा अरू हाँयग सुद बिरुवा अबूराः जीवरे भगवानराः दुलारे पेरेगकेरा। हनालगा अबू असरागेता, हनारे अबूराः जीव मेर हुडिंगगुःता।

गलातिया 5:11

ईंगरिकुःआ अजी बोपोहकूतिंग, नुँहू वरी होड़कू खतनान लगायिंग परसारगेता दो एहूदाकूराः संताव बे अहियावते ईंग चिला लगायिंग सहावकेःआ? ईंग ईसूराः कुरूस बदीरे परसारगे अते, होड़कू खतनान लगायिंग परसारगे दो एहूदाकू ईंग एचेरे तोनोंग इयाःआ गारबार ओरोकू ञाम अवेकेःआ।

पिलिपी 1:20

ईंगराः चहाः अरू असरा ननानाःरे टक-टक इदा, ईंग भगवान मड़ंगरे कहियो ओरोयिंग गियूनेना, मनदो ईंग ईसू मसीराः बदीरे डीड़कियानखनिंग जियाव अवेन, जेमहा ईंग गुजुः सहे जीयतिंग दोहोन, ईंगराः जीवते, ईसू मसीराः मान मरजइत नुँहू अरू मड़ंगरे हों होनोयागोड ञवन।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

1 एहुना 2:28

ने ईंगरिकुःआ लइंकू इया होड़कू, ईंग अपे एचेरेयिंग कतायतना, मसी सुदापे सनालाव ञवन, दो हाँय सेरमो देस अते कुदा वेग मेला, अपे डीड़तेपे दोहोनता अरू ओरोपे गियूनेना।