रूमी 8:29 - Korwa Bible

²⁹ भगवान मनाड़ंगतेय सुनावकेडकुःआ हँकुःआ होड़कू आँयगरीग बेटा ईसू मसी इया होनोयाः लगा जूग परियातेय ओंगोल दोहोकातेरा, जेमहा ईसू मसी जमा बिसवासी होड़कूरीग वगातुकूय बड़ाँव जुवाः।

रूमी 8:29 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:50

सेरमो देसरे इदानिया ईंगरीग अपांगराः ओंगोल इयाकू जियाःता हँकुःआ होड़कू ईंग अया अरू बोपोकूतिंग अरू मेमेसकूतिंग हवे।”

मती ओजाःतेरा भगवानराः नपाय सरवन 25:40

हनमेला मरंग राजा कता कुदायता, अपे ईंगपे अयूम। अपे ईंगरिकुःआ तोनोंगीग हुडिंगीग अजी बोपोहकू सुदा जे हों सकालाःपे एचेकेरा हना ईंग लगापे एचेकेरा।

मती ओजाःतेरा भगवानराः नपाय सरवन 28:10

हनते ईसू हँकिन एचेरेय कतातेड, “अबा अहाबा बोर। ईंगरिकुःआ अजी बोपोहकूतिंग एचेरेबा सेन अरूबा उदुःवाकू, अपे गलील अगीपे सेन। हंडा ईसूपे ञेलता, माःआन।”

मती ओजाःतेरा भगवानराः नपाय सरवन 7:23

दो ईंग हँकुःआ होड़कू एचेरेयिंग कतायता, “ईंग अपे कहियो मेरिंग सुदीगोडपेःआ। ने बेलूर होड़कू, अपे ईंग मड़ंगतेपे सलाव जुवाः।”

एहुना 17:16

ईंग चउंदीसरीग ना लवे हनन इया हँकू हों चउंदीसरिकुःआ ना लवे।

एहुना 17:19

हँकू लगा ईंग इनिंग सुदगुःता अरू हनाते हँकू सतायतेकू सुद जुवाःता।

एहुना 17:26

ईंग हँकू एचेरे आमिंग एचे उदुःगोतेरा अरू उनुदुःगोड ञवनतिंग। हनाते आम ईंगमे दुलारता, हना दुलार हँकू एचेरे हों दोहोनता अरू ईंग इनिंग हँकू सुदा मिनीयिंग दोहोगोड ञवनता।

एहुना 20:17

हनते ईसू कतातेड, “ईंग अपांग भगवान एचेरे अरीनिंग सेना। हनालगा आम ईंग अहम साब रहावकायिंग। मनदो आम ईंगरिकुःआ वपक बोपोहकूतिंग एचेरे सेनेकियानखन हँकू एचेरेम कता उदुःगोड, ईंगरीग अरू अपेरीग अपांग अरू ईंगरीग अरू अपेरीग भगवान एचेरे सेरमोयिंग सलाःतना, माःआन।”

रूमी 11:2

भगवान मनाड़ंगतेय ओंगोल दोहोकेडकुःआ हँकुःआ होड़कू मेरेय अड़ाःगाडकुःआ। भगवानराः कागदरे इलियाह बदीरे चेले माःआन कतायता? हाँय इसराएल होड़कू बदीरे भगवान एचेरेय लालिसगेतना,

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

रूमी 9:23

जेमहा हाँय मान मरजइतकू लगा मनाड़ंगतेय सपड़ाव दोहोतेडकुःआ हँकुःआ होड़कू हाँय तुमिन मरंग इदानिया, हनाय एचे सुदी अवेकू।

1 कुरिंती 15:49

नुँहू अबू हासते तुलात मनुवा इया इदानबुःआ। तयोमरे अबू सेरमो देसरीग भगवान अगीतेय वेगनेना हनाँय इयाबू होया जुवाःता।

1 कुरिंती 2:7

मनदो अले, चउंदीस बुँहड़ीन अते मनाड़ंग अबूराः मान मरजइत होयाः लगा, भगवान ओंगोल दोहोकेरा हनानाः ओकोत कनहूनले परसार उदुःगेतना।

1 कुरिंती 8:3

मनदो तोनोंगीग भगवाने दुलारता दो, भगवान हाँये सुदीता।

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

इपीसी 1:11

भगवान अनँयग ओंगोल अरू हिछा इया जमाकूने एचेगोड ञवनता। हनन इया हाँय ईसू मसीते अबू सुनावकेडखन इताडदारकू बड़ाँःबू लगा मनाड़ंगतेय ओंगोल दोहोकेरा।

इपीसी 4:24

अरू भगवान इया बेगर गारबार अरू सुद बड़ाँवकेडखन नँवा जीव सतायरेपे जियाः लगा इदा।

पिलिपी 3:21

दो ईसू मसी कुदा वेग मेला अबूराः अबड़ अरू गुजुः इयाःआ देह बदलाकेडखन आँयगराः देह इयाय अगम नपाये तुलागोडता। हाँयके जमा जिया-जउतकून एचेरे हातपात इदा अरू हाँय अनँयग जंगरते अबूराः देहे बदलावगोडता।

कुलूसी 3:10

अपेराः लूर-नेवन नँवायना। अरू अपेरीग तुलादार भगवान आँयगराः लूर इया अपेराः लूर-नेवने नँवागोड ञवनता, जेमहा अपे हाँय, अनउर नाय नपायतेपे सुदी अवेय।

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

1 पतरस 1:2

ईसू मसीराः कता मनाः लगा, अरू हाँयराः बलंगीते सुद होयाः लगा, अपांग भगवान ओंगोल दोहोकेडपेखने सुनावकेडपेःआ अरू आँयगराः सुद बिरुवाते अपेय सुदकेडपेःआ। दो भगवान जमालेःआते अपेराः जीव मयावा लगा अरू सलसतगे लगायिंग अरजीतना।

1 पतरस 1:20

भगवान चउंदीस तुला अते मड़ंग, ईसू मसीय सुनाव दोहोतिरिया, मनदो चउंदीस टुटीगगुःता हना अते मड़ंग दिनरे, अपे लगा भगवान हाँये उदुःवातेडपेःआ।

1 एहुना 3:2

ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।

उदुःतो कताकून 13:8

चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।