रूमी 8:28 - Korwa Bible

²⁸ दो अबू सुनुदीबाःगोतेरा, अबू भगवानबू दुलारता अरू भगवानराः ओंगोल इया राः अगूतो इदानबुःआ। दो अबूराः जीवरे होयाःता हना जमाकून अते अबू जीवरे नफा होनोया जुवाःता।

रूमी 8:28 ပူးပေါင်းရင်းမြစ်များ

मरकूस 12:30

अरू अपे अपेरीग परबू भगवान, जमा ओंगोलते, जमा जीवते, जमा इंदरीते अरू जमा जंगरतेपे दुलारगेय,

मूक चेलाकू 13:48

नाःआ कता बेगर एहूदाकू अयूमतेरा दो हँकू मुरुककू बहालयान अरू परबूराः सरवनकू मान मरजइतकेरा। भगवान ओरो टुटीगनेना हना जीव पवाः लगाय ओंगोल दोहोतेरा, हँकुःआ जमा होड़कू हना सरवनकू बिसवासतेरा।

रूमी 11:29

भगवान होड़कू एमेवाकूता हना दहिन हाँय मेरेय गोः कुदागेता अरू भगवान सुनावकेडकुःआ हँकुःआ होड़कू हाँय मेरेय लिड़िंगकूता।

रूमी 8:30

भगवान मनाड़ंगतेय सुनाव दोहोकेडकुःआ हँकुःआ होड़कू अनँयग एचेरेय राः अगुकेडकुःआ अरू फड़ियावतो होड़कूय बड़ाँवगोतेडकुःआ। हनते हाँय हँकू होंय मान मरजइतकेडकुःआ।

रूमी 9:11

हँकिन जनमावगुः अते मनाड़ंग इसराएल होड़कूराः रिती-बिधी अते एनेटाः इया भगवान रिबका एचेरेय कतातेरा, “मरंगीग हेरेल होन हुडिंगीग हेरेल होनरीग सेवकिया होड़े बड़ाँःता।” नाःआ कताते अबू सुदीयता, भगवान तोनोंगीग होड़ नपाय सहे बेलूर बुताय बुताता, हनाते हाँय मेरेय सुनावगेयता। मनदो हाँय अनँयग ओंगोल इया होड़कूय सुनावकूता।

1 कुरिंती 1:2

कुरिंती सहररे इदानकुःआ भगवानराः कलसियारिकुःआ होड़कू अपे लगा, नाःआ चिठी ईंग ओओजाःतना। ईसू मसी एचेरेपे बिसवासकेड अते, भगवान अनँयग लगा अपेय एटाःकेडपेःआ अरू परबू ईसू मसीराः ञावतेकू अरजीता हँकुःआ जमा ततेररिकुःआ होड़कू सुदा अनँयगरिकुःआ सुद होड़कूय बड़ाँवकेडपेःआ। हाँयग ईसू मसी हँकूरीग अरू अबूरीग परबू हवे।

1 कुरिंती 1:24

मनदो भगवान सुनावतेडकुःआ हँकुःआ एहूदाकू लगा अरू बेगर एहूदाकू लगा ईसू मसीराः सरवन भगवानराः जंगर अरू कनहून उदुःगेता।

1 कुरिंती 1:9

भगवान बिसवासगेयीग इदानिया अरू हाँय अपे अनँयगरीग बेटात अबूरीग परबू ईसू मसी सुदा मिनी जुवाः लगाय राःकेडपेःआ।

1 कुरिंती 2:9

भगवानराः कागदरे ओजाःतो इदा हनाराः मतलोब ननानाः हवे, “तोनोंगीग मेरेय ञेलगाड, अरू मेरेय अयूमगाड, अरू तोनोंगीग होड़ मेरेय ओंगोल तजाः अवेगाड, हनानाः कता भगवानकू दुलारता हँकुःआ होड़कू लगाय संजोड़ दोहोकेरा।”

2 कुरिंती 5:1

ईंगरिकुःआ अजी बोपोहकूतिंग, चउंदीसरे अबूराः देह बडे दिन मेर दोहोनता हना कुंबा इया इदा। मनदो हान लाय एंडा जुवाः दो, भगवान अगीते सेरमो देसरे अबू लगा मीटोंग ओड़ाः इदा। सगर सइट लगा दोहोनता हना ओड़ाः होड़कूराः तुलात ओड़ाः ना लवे।

गलातिया 1:15

मनदो ईंग जनमावगुः अते मनाड़ंग भगवान अनँयग मयाते ईंग एटाःगिंग लगाय ओंगोल दोहोतेरा।

गलातिया 1:6

अपे ईसू मसीराः मयाते नपाय सरवनपे बिसवासगे लगा भगवान अपेय राःकेरा, अरू हना बिसवास अते अपे हनाली कुदाकियानखन एनेटाः एटाः दूरपे साबकेरा। हनालगा अपे बदीरे, ईंग मुरुकिंग बयावयना।

गलातिया 5:8

अरू अपेय सुनावकेरा हाँयग भगवान, रोंकावपेता हाँयग होड़ मेरेय वारगडिया।

इपीसी 3:11

सनागर सइट वरीते बुँहड़ीकिया अरू सगर सइट वरी दोनोहोनता ननानाः कनहून नुँहू अबूरीग परबू ईसू मसीतेय एचे पुरावगोतेडा।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

पिलिपी 3:14

बतकाः होड़कू इमान पवाः लगा तक-तकावकियानखनकू बतकाःता हनन इया ईसू मसीते सेरमो देसराः इमान पवाः लगा भगवान ईंगे राःकेरा।

1 तिसलूनिका 5:9

भगवान अबू डंडियावबू लगा मेरेय सुनावगडबुःआ, मनदो अबू लगाय गोएगनेना अबूरीग परबू ईसू मसीते अबू सडावबू लगा भगवान सुनावकेडबुःआ,

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

इबरानी 9:15

कसूरतेराकू अरू मड़ंगाः कता-जमकावतोकू टड़ावतेरा हँकुःआ होड़कू सडाव लगा मसी गोएगनेना। नुँहू हाँय नँवा कता-जमकावतोरीग बिच-बिचवाई होड़े बड़ाँवकिया, जेमहा भगवान सुनावकेडकुःआ हँकुःआ होड़कू आँयगराः जबान इया ओरो टुटीगनेना हना इताडकू पवाः।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

एकूब 2:5

ईंग अजी बोपोहकूतिंग, अपे ईंगपे अयूम, नाःआ चउंदीसरिकुःआ गरीब होड़कू भगवान आयँगराः बिसवासरे गिरहत होड़कू बड़ाँः लगाय सुनावकेडकुःआ। अरू भगवानकू दुलारता हँकुःआ होड़कू लगा आँयग जबानकेरा हना इया सेरमो देसरिकुःआ इताडदारकू तुला लगा होंय सुनावकेडकुःआ।

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।

1 पतरस 3:9

अपे बेलूर बदलारे बेलूर अपे अहापे कुदागे, अरू तूडपेताकू हना बदलारे अलोपे तुडकू, मनदो हँकुःआ होड़कूराः जीव-जहन भगवान नपायगे लगापे अरजीगोड ञवन। ननन इयाःआ बुताकून एचेय लगा भगवान अपेय राःकेडपेःआ, जेमहा अपेराः जीव-जहन हों भगवान नपायगे।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

1 एहुना 4:10

अबू भगवान मेरबू अलार-दुलारगरिया, मनदो भगवान अबूय अलार-दुलारकेरा अरू अबूराः कसूर बराव एंडाकेडखन एचे मनावगेय लगा अनँयग बेटात अबू लगाय डंडियावतिरिया। नाःआ अते भगवान अबूय दुलारकेरा।

1 एहुना 4:19

मड़ंगरे भगवान अबूय दुलारकेरा। हनालगा भगवान अरू एटाः होड़कूबू दुलार अवेकूता।

उदुःतो कताकून 3:19

ईंग दुलारकूता हँकुःआ जमा होड़कू ईंग सोएग दूररेयिंग नपायकूता अरूयिंग डंटावकूता। हनालगा अपेराः जीवपे होमगोड, अरू कसूर अते भगवान अगी जीवपे कुदा।