रूमी 7:7 - Korwa Bible

⁷ नुँहू अबू कता अवेयता जा नियमकून बेलूर इदा, माःआन? ओरोबू कता अवेतेरा। नियमकून अलो दोहोकुः दो, अबू कसूर बदीरे ओरोबू सुदीकेःआ। नियमकूनरे अलोपे ललचीःआ, माःआन मेर कताकेः दो अबू जीवराः ललची ओंगोलराः बदीरे अबू ओरोबू सुदी अवेकेःआ।

रूमी 7:7 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:28

मनदो अपे ईंगपे अयूम, तोनोंगीग होड़ बेलूर ओंगोलते तोनोंगीग अइमीय ञेल दो, हाँय हाँयग अइमी सुदा अनँयग इंदरीरे सनहा बुताय एचेगोतेरा।

लूका 12:15

अरू ईसू हँकुःआ होड़कू एचेरेय कताया, “सवासितीपे दोहोन। जमा इयाःआ ललची अते अपेराः जीवपे बनसाव। तोनोंगीग जमा जइतकूने किजा जुमावगोड हों हाँयराः जीव नपाय ओरो दोहोनेना।”

लूका 20:16

हाँय वेगवाडखन हँकुःआ अधियादारकूय ञेड एंडाकूता अरू अंगूर बगइचा एटाः होड़कूय जिमागोडवाता।” नाःआ कहड़ी अयूमवाडखन होड़कू कताया, “नाःआ इया कहियो अलो होयाः।”

मूक चेलाकू 20:33

ईंग तोनोंगीग होड़राः चाँदी, सोना सहे सोनहे लगा मेरिंग अंदूगान।

रूमी 13:9

भगवानराः नियमकून कतायता, “अलोपे सनहा-सनही, तोनोंगीग अलोपे ञेड एंडाय, अलोपे इनिग, अलोपे ललचीःआ।” नाःआ जमा नियमकून मिनीटोंग नियमरे मिनी जुवाःता, “अपे अँननपेरिकुःआ परुसीकू अँननपे इयापे अलार-दुलारकू।”

रूमी 3:20

दो तोनोंगीग होड़ नियम मनाः लगा कुरनिसगे अते भगवानराः ओंगोलरे बेगर गारबारीग होड़ ओरोय बड़ाँवनेना मनदो नियमते अबू सुदीगोडता, अबू कसूर होड़कू इदानबुःआ, माःआन।

रूमी 3:5

मनदो अदोम होड़कू कतायता, अलेराः कसूरते होड़कू सुदीगोडता भगवान तुमिन नपाय इदानिया, माःआन। दो नाःआ कता बदीरे चेले माःआनबू कताय? होड़कू अँनकूराः ओंगोल इयाकू कता अवेयता, हाँय अलेराः कसूर बदलारेय डंडियावले दो हाँयराः फड़ियाव सताय कोवानेःआ, माःआन। (ईंग होड़कूराः ओंगोल इयायिंग कतायतना।)

रूमी 4:1

ननन इया हवे दो अबूरीग खुटिपरिया होड़ इबराहीमराः बिसवास बदीरे अबू चेले माःआनबू कताय?

रूमी 4:15

होड़कू भगवानराः नियमकून जमालेःआ मेरकू मनाव अवेनतान अते भगवान डंडियावकूताय। मनदो नियमकून मेर दोहोन दो नियमकून टड़ावराः कता करा इया दोहोकुःआ?

रूमी 5:20

होड़कू अँननकूराः कसूरकूनकू सुदी अवे लगा भगवान नियमकूने एमेतेरा। मनदो होड़कूराः कसूर बनागरायान, हनामिन भगवान हँकुःआ होड़कू अरू बनागराय मयावातेडकुःआ,

रूमी 6:15

दो अपे ईंगपे उदुःवा। अबू नियमकून मनाः अते भगवान अबू मेरेय सडावगाडबुःआ, मनदो मयावाडबूखने सडावकेडबुःआ। दो अबू कनासूरगोड ञवन जा? कहियो ओरो।

रूमी 7:11

मोसेसराः नियम कतायतना, अलोपे एचे, माःआन। मनदो ईंग हनानाःयिंग एचेयता। अरू हनानाः कसूरते ईंग अडिगयना अरूयिंग गोएगनेना।

रूमी 7:13

नाःआ इया इदान दो, नपाय नियमते ईंग गोएगतो इयायिंग बड़ाँवयना जा? बुरी! ईंग जीवराः कसूर लूर-नेवनते नपाय नियम उपयोत घड़ीन गोएगतो होड़िंग बड़ाँवगोतेडा। हनानाः अते कसूर कनासूर हवे माःआन उदुःवाडबुःआ। अरू नियमतेबू सुदीगोतेड, अबूराः कसूर लूर-नेवन तुमिनाः बेनेलूर हवे, माःआन।

रूमी 7:5

मड़ंगरे अबू कसूर लूर-नेवनतेबू जियाःआ। नियम अहाबू एचे लगा उदुःवाबुःआ, हनानाः एचेगोड ञवन लगाबू चहाःआ। नाःआ अते अबू अरू बगराबू कसूरतेडखन गुजुःबू पवाःता।

रूमी 7:8

मोसेसराः नियम मेर दोहोकुः दो अबू कसूरराः बोझा ओरोबू सुदी अवेतेरा। ईंग मी होड़ कसूर होड़ हवे। हनालगा नियमकून कतायता, अलोपे ललचीःआ, हिनिनमिन ईंग जीवरे जमालेःआ ललचीते पेरेगयना।

1 कुरिंती 15:56

नियम अते अबू सुदी अवेयता, अबू करा इयाबू कसूरगेता अरू कसूरगेतान अते गुजुःराः हनी अबूके होया जुवाःता, माःआन।

इपीसी 5:3

अपे भगवानरिकुःआ सुद होड़कू हवे। हनालगा अपे तलारे तोनोंग इयाःआ सनहा-सनही, बेलूर बुता सहे ललचीराः गुनमिनाः ओंगोल हों अहापे दोहो ओवागे।

कुलूसी 3:5

चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।

1 तिसलूनिका 4:5

अरू भगवान मेरकू सुदीयतना अरू मुहावकियानखन बेलूर ओंगोलरेकू दोहोनता हँकुःआ होड़कू इया अपे अहापे होयाः।

इबरानी 7:19

हना अते, हना नियमकू चलाः एंडागोतेड। मनदो नुँहू हना नियम बदलारे मीटोंग अरू नाय नपाय असरा रेःएयना, जेमहा अबू भगवान एचेरेबू सेने अवेन।