रूमी 7:2 - Korwa Bible

² मीटोंग अउल-तउल कतायिंग कतायतना, तोनोंगीग बियाहतो अइमी अनँयग हेरेल जीयते दोहोन वरी, नियम इया हाँय सुदा जोड़ावतो इदानिया। मनदो हेरेलतो गोएग जुवाःतान दो हाँय एटाः होड़ सुदा सगइगुः लगा नियम अतेय उडुंग जुवाःता।

रूमी 7:2 ပူးပေါင်းရင်းမြစ်များ

रूमी 7:3

हेरेलतो जीयते दोहोन मेला हाँय एटाः होड़ सुदाय सगइगुःतान दो हाँय सनहीता। मनदो हेरेलतो गोएग जुवाःतान दो हाँय एटाः होड़ सुदा सगइगुः अते मेरेय सनहीता।

रूमी 7:6

मनदो ईसू मसी गोएगनेनते अबू एएचे पराःआ हना नियमराः बोझा अते भगवान अबूय सडावकेडबुःआ। हनाते अबूराः कसूर जीव टुटीगयना, जेमहा अबू ओजाःतो नियम इया कोवान, मनदो सुद बिरुवाराः ओंगोलते नँवा जीवते भगवानबू सेवा अवेय।

1 कुरिंती 7:39

हेरेलतो जीयत दोहोन वरी एंगातुकू हेरेलतो सुदा हटकावतो दोहोन इदा। हेरेलतो गोएग जुवाः दो हाँय अनँयग हिछा इयाय सगइ अवेनता। मनदो हाँय बिनिसवासी होड़ सुदा एकला सगइगुः लगा इदा।

1 कुरिंती 7:4

तोनोंगीग अइमीराः देह दगली अनँयग लगा कोवानेःआ, मनदो अनँयगरीग मरद लगा इदा। हनन इया तोनोंगीग मरदराः देह दगली अनँयग लगा कोवानेःआ, मनदो अनँयगरीग अइमी लगा इदा।