रूमी 7:1 - Korwa Bible

¹ दो ईंगरिकुःआ अजी बोपोहकूतिंग, अपे मोसेसराः नियमकूनपे सुसुदीतना। हनालगा अपे एचेरेयिंग कतायतना, तोनोंगीग होड़ जीयते दोहोन, हना वरी हाँय नियमकून इया सलाः पराःता।

रूमी 7:1 ပူးပေါင်းရင်းမြစ်များ

रूमी 1:13

ने अजी बोपोहकूतिंग, नाःआ कता बदीरे अपे अनसिनहार अहापे दोहोन। एटाः जइत होड़कू बिसवासी होड़कूयिंग बड़ाँवकेरा। हनन इया अपे तलारे हों एचेय लगा ईंग अपे एचेरे घड़ी घड़ी सेन लगायिंग चहाःआ। मनदो नुँहू वरी मेरिंग सेने अवेगना।

रूमी 10:1

दो ईंगरिकुःआ अजी बोपोहकूतिंग, ईंगरिकुःआ जइत सगा इसराएल होड़कू सडाः लगा मुरुक चहाः घड़ीनिंग अरजीतना।

रूमी 10:4

ईसू मसी मोसेसराः जनामा नियमकूने पुराव एंडागोतेडा। हनालगा हाँय एचेरेकू बिसवासगेता हँकुःआ होड़कू भगवानराः ओंगोलरे बेगर गारबार होड़कूकू बड़ाँव जुवाःता।

रूमी 6:14

अपे नियम इयापे सलाःआ हना अते भगवान अपे मेरेय सडावगाडपेःआ, मनदो हाँय अपेय मयावाडपेखने सडावकेडपेःआ। हनालगा अपे अँननपेराः जीव, बेलूराः कसूर ओंगोल इया अलोपे सलाव ओवा।

रूमी 6:3

नाःआ कता अपे लिड़िंगोतेडापे जा, अबू बतिसमा गोःतेडखन ईसू मसी सुदाबू मिनीयना, दो अउल-तउल इया अबू हों हाँय सुदाबू गोएगयना।

रूमी 7:6

मनदो ईसू मसी गोएगनेनते अबू एएचे पराःआ हना नियमराः बोझा अते भगवान अबूय सडावकेडबुःआ। हनाते अबूराः कसूर जीव टुटीगयना, जेमहा अबू ओजाःतो नियम इया कोवान, मनदो सुद बिरुवाराः ओंगोलते नँवा जीवते भगवानबू सेवा अवेय।

रूमी 9:3

होया अवेन दो भगवान ईंग सती-सरापतिरिंगखन ईसू मसीतेयिंग एटाः जुवाः, जेमहा हँकुःआ होड़कू हों ईसू मसीराः दुलारकू सुदी अवे।

1 कुरिंती 9:8

नाःआ कता ईंग इनिंगराः ओंगोलते मेरिंग कतायतना अरू भगवानराः कागदरे हों ननन इया कतायता।

गलातिया 4:21

अपे मोसेसराः नियमकून मनाः घड़ीन दोहोन लगापे चहाःतना दो, अपे ईंगपे उदुःवा। अपेराः नियमकून चेले माःआन कतायता, हना अपे मेरपे सुदीयतना जा?