रूमी 6:9 - Korwa Bible

⁹ अबू नाःआ हों सुसुदीतनाबू, ईसू मसी गोएगतो होड़कू अतेय जियाव रेमकिया अरू कहियो ओरोय गोएगनेना। हाँय अरू गोजेय लगा तोनोंगाः जंगर कोवानेःआ।

रूमी 6:9 ပူးပေါင်းရင်းမြစ်များ

रूमी 5:14

अदमराः जूग अते मोसेसराः जूगवरीरिकुःआ जमा होड़कू आदम इया जइनके मेरकू कसूरगतेरा। हनते हों हँकुःआ जमा होड़कू गोएगयान। अपे ईंगपे अयूम! आदम अरू तयोमरे वेग लगाय दोहोना हाँयग ईसू मसी सुदा तोनोंगाः अउल-तउल कता इदा जा?

रूमी 6:10

हाँय मिनी तुरहा गोएगनेनखन कसूर अतेय एटाःयना अरू हाँय नुँहूय जियाःतना हना जीव हाँय भगवान लगाय जियाःतना।

रूमी 6:14

अपे नियम इयापे सलाःआ हना अते भगवान अपे मेरेय सडावगाडपेःआ, मनदो हाँय अपेय मयावाडपेखने सडावकेडपेःआ। हनालगा अपे अँननपेराः जीव, बेलूराः कसूर ओंगोल इया अलोपे सलाव ओवा।

रूमी 6:4

अबू बतिसमाबू गोःतेड मेला हाँय सुदाबू गोएगनेना दो अबू हों हाँय सुदा तीलतो इया इदानबुःआ। अरू अपांग भगवान ईसू मसी गोएगतो होड़कू अते अनँयगराः अगामाः जंगरतेय जियाव रेमकिरिया, हनन इया अबू हों नँवा जीवबू जियाव अवेनता।

इबरानी 7:16

दो ईसू, लेवी गोतोररीग हारूनराः खुटिपहार वरीते सलाव वेगतना हना इया पुजउरी मेरेय बड़ाँवगना, मनदो ओरो टुटीगनेना हना जीवराः जंगरते पुजउरीय बड़ाँवकिया।

इबरानी 7:25

हाँयते भगवान एचेरेकू सेनता हँकुःआ होड़कू लगा अरजी घड़ीन सगर बेला जीयते दोनोहोनता। हनालगा हाँय हँकुःआ होड़कू जमालेःआतेय सडाव अवेकूता।

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”