रूमी 6:21 - Korwa Bible

²¹ मनदो हनारे अपे जीवरे चिला नफापे पवाःआ? कही कोवान। अपे मड़ंगरेपे एचेया, अरू अपेराः जीव लाय एंडागोडता, हनानाः कताकूनपे उहियारगेतान दो, अपेके गियुः लगाःता।

रूमी 6:21 ပူးပေါင်းရင်းမြစ်များ

रूमी 1:32

हँकू भगवानराः नियम नपायतेकू सुदीयता, नाःआ इया बेलूर बुताकू एचेयता हँकुःआ होड़कू गुजुःराः डंड पनावाः जुकूर इदानकुःआ। हनते हों हँकू हनानाः कसूरकूनकू एचेगोड ञवनता अरू हनानाः कसूरकून एचे ञवन लगा होड़कूकू लहराव ञवनता।

रूमी 5:12

अपे ईंगपे अयूम! मड़ंगीग होड़ आदम कसूरतेरा अरू हनानाः कसूरतेय गोएगनेना। हनन इया चउंदीसरिकुःआ जमा होड़कू कसूरकेरा अरू गुजुः हों हँकू एचेरे सेड़यावयना।

रूमी 6:16

अपे मेरपे सुदीयतना जा, तोनोंगीग होड़ मी होड़रीग बेगारी होड़े बड़ाँव जुवाःता, दो हाँय आँयगरीग मालिकराः जमा कताकून मनाः पराःता? हनन इया कसूर बदीरे हों होयाःता। अपे कसूरगे लगा अँननपेराः जीवपे जिमागोड, दो अपे गोएग जुवाःता। मनदो भगवानराः ओंगोल इया सलाः लगा अँननपेराः जीवपे जिमागोड दो, अपे बेगर गारबार होड़कूपे बड़ाँव जुवाःता।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

रूमी 7:5

मड़ंगरे अबू कसूर लूर-नेवनतेबू जियाःआ। नियम अहाबू एचे लगा उदुःवाबुःआ, हनानाः एचेगोड ञवन लगाबू चहाःआ। नाःआ अते अबू अरू बगराबू कसूरतेडखन गुजुःबू पवाःता।

रूमी 8:13

अपे हनन इयापे सलाः दो गोएग एंडा जुवाःतापे। मनदो अपे सुद बिरुवाराः जंगरते कसूर लूर-नेवनाः ओंगोलकूनपे अड़ाः एंडागोड दो, अपे जिनियावगोड ञवनता।

रूमी 8:6

कसूर लूर-नेवन इयाकुःआ होड़कू भगवान अते एटाःकियानखनकू गोएग जुवाःता। मनदो सुद बिरुवाराः ओंगोल इयाकुःआ होड़कू सलसत जीव अरू ओरो टुटीगनेना हना जीवकू पनावाःता।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 7:11

ईंगराः चिठी बछावनेनखन भगवान अगीते अपेराः जीव हुडिंगनेना दो ओंगलेपे अपेराः जीवरे चिला नफा होयाकिया? अपे बेगर गारबारते इदानकुःआ माःआन उदुःगुः लगापे कुरनिसगेःआ, अपे रीसनेना अरूपे बयावयना, अपे मुरुक ईंग ञेल लगापे उसाडनेना, अपे ओसताजपे दोहोना अरू कसूर होड़कू डंडियावकू लगा सपड़ावतोपे दोहोना। अपे जमा बेला नाःआ कतारे बेगर गारबार होड़कू इदानलेःआ माःआनपे उदुःबाःगोतेडा।

पिलिपी 3:19

हँकुःआ होड़कू भगवान लाय एंडाकू लगाय ओंगोल दोहोकेरा। हँकू अँननकूराः नफा लगा अंदू घड़ीनकू दोहोनता अरू गियुः इयाःआ कताकूनरेकू बड़वारता। हँकूराः ओंगोल चउंदीसराः जिनिसकूनरे टक-टकित दोहोनता।

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

इबरानी 6:8

मनदो ओत, जनुम अरू रटंग-पटंग ओमोनगेता दो, हना ओत बेलूर अरू एचे सती-सरापगुः लगा इदा। अरू हना जमाकून एचे बाल लो एंडान लगा इदा।

एकूब 1:15

नाःआ इयाःआ ओंगोलरेकू सेनतान दो हँकू कसूरगेता। अरू हना कसूर बगरा जुवाःतान दो हँकुःआ होड़कू गोएग जुवाःता।

एकूब 5:20

हाँय सुदीगे लगा इदा, तोनोंगीग बहकावतो कसूर होड़े कुदा अगूयता हाँय, गुजुः अते मी होड़े बनसावगेयता अरू हाँयराः मुरुक कसूरकून भगवानतेय एचे बराव एंडागोडता।

1 पतरस 4:17

भगवानरिकुःआ होड़कू भगवान फड़ियावकूराः बेला सोदोरकिया। अरू फड़ियावगे लगा अँननबू अतेय बुँहड़ीगेता दो, भगवानराः नपाय सरवन मेरकू बिसवासगेता हँकुःआ होड़कूराः जीव करा इया होयाःता?

1 एहुना 2:28

ने ईंगरिकुःआ लइंकू इया होड़कू, ईंग अपे एचेरेयिंग कतायतना, मसी सुदापे सनालाव ञवन, दो हाँय सेरमो देस अते कुदा वेग मेला, अपे डीड़तेपे दोहोनता अरू ओरोपे गियूनेना।

उदुःतो कताकून 16:6

मुदइ होड़कू आमराः बड़रा कता होड़कू अरू आमरिकुःआ सुद होड़कूराः बलंगीकू एचे तूतेरा, हनालगा आम, हँकूके पवाः लगा दोहोना हनन इया हँकू बलंगीम एचे ञूतेडकुःआ।”

उदुःतो कताकून 20:14

हनते हाँय गुजुः अरू पतालपूर सेंगेलराः हुडिंग समुंदररेय सोलोंगगोतेड। नाःआ सेंगेलराः हुडिंग समुंदर बार नमार गुजुः हवे।