रूमी 5:21 - Korwa Bible

²¹ जेमहा कसूरते जमा होड़कू एचेरे गुजुः सेड़यावयना हनन इया अबूरीग परबू ईसू मसीते बेगर गारबार होड़कूय बड़ाँवकेडबुःआ अरू ओरो टुटीगनेना हना जीवबू पवाः।

रूमी 5:21 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

एहुना 10:28

ईंग हँकू लगा ओरो टुटीगनेना हना जीविंग एमेवाकूता। हँकू कहियो ओरोकू लायनेना अरू तोनोंगीग हँकू ईंग तिःई अते ओरोकू गोः अवेतेडकुःआ।

रूमी 4:13

भगवान इबराहीम अरू हाँयरिकुःआ नइड़-बाँस होड़कू एचेरेय जबानतेरा, अपे नाःआ चउंदीसरिकुःआ इताडदारकूपे बड़ाँःता, माःआन। दो इबराहीम भगवानराः नियमकूने मनाः अते कोवान, मनदो हाँय भगवान एचेरे बिसवासतेडखन बेगर गारबाररीग होड़े बड़ाँवनेना, अरू हनानाः अते भगवानराः जबाने पवावकिया।

रूमी 5:12

अपे ईंगपे अयूम! मड़ंगीग होड़ आदम कसूरतेरा अरू हनानाः कसूरतेय गोएगनेना। हनन इया चउंदीसरिकुःआ जमा होड़कू कसूरकेरा अरू गुजुः हों हँकू एचेरे सेड़यावयना।

रूमी 5:14

अदमराः जूग अते मोसेसराः जूगवरीरिकुःआ जमा होड़कू आदम इया जइनके मेरकू कसूरगतेरा। हनते हों हँकुःआ जमा होड़कू गोएगयान। अपे ईंगपे अयूम! आदम अरू तयोमरे वेग लगाय दोहोना हाँयग ईसू मसी सुदा तोनोंगाः अउल-तउल कता इदा जा?

रूमी 5:17

दो मिनी होड़, अदमराः कसूरते, अबू जमा होड़कू एचेरे गुजुः सेड़यावयना। अरू एटाः होड़, ईसू मसीते भगवान मुनुरुके मयावाडबूखन बेगर गारबार होड़कूय बड़ाँवकेडबुःआ। नाःआते अबू कसूर अरू गुजुःतेबू जीताव जुवाःता।

रूमी 6:12

दो अपे नाःआ चउंदीसरेपे दोहोन मेला अपेराः लूर-नेवन बेलूराः कसूर ओंगोल इया सलाः लगा अहापे एमेय।

रूमी 6:14

अपे नियम इयापे सलाःआ हना अते भगवान अपे मेरेय सडावगाडपेःआ, मनदो हाँय अपेय मयावाडपेखने सडावकेडपेःआ। हनालगा अपे अँननपेराः जीव, बेलूराः कसूर ओंगोल इया अलोपे सलाव ओवा।

रूमी 6:16

अपे मेरपे सुदीयतना जा, तोनोंगीग होड़ मी होड़रीग बेगारी होड़े बड़ाँव जुवाःता, दो हाँय आँयगरीग मालिकराः जमा कताकून मनाः पराःता? हनन इया कसूर बदीरे हों होयाःता। अपे कसूरगे लगा अँननपेराः जीवपे जिमागोड, दो अपे गोएग जुवाःता। मनदो भगवानराः ओंगोल इया सलाः लगा अँननपेराः जीवपे जिमागोड दो, अपे बेगर गारबार होड़कूपे बड़ाँव जुवाःता।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

रूमी 8:10

नुँहू ईसू मसी अपे जीवरे इदानिया दो, अपेराः देह कसूर बदीरे गोएगतो इया इदा। मनदो भगवान अपे बेगर गारबार होड़कूय बड़ाँवकेडपे अते, अपेराः बिरुवा जिनियत इदा।

तितूस 2:11

भगवान जमा होड़कू सडावकू लगाय मयावातेडकुःआ। हनालगा नाःआ इयाम चेडगोड ञवन,

इबरानी 4:16

अरू डीड़ घड़ीन मयादार भगवानराः गदी अगीबू सेन, जेमहा हाँय अबू मयावा घड़ीन अबूराः जरूरइत मेलाय संघरावाबू।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

2 पतरस 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।

1 एहुना 2:25

अरू ननानाः ओरो टुटीगनेना जीव एमे लगा भगवान अबूय जबानवारा।