रूमी 4:9 - Korwa Bible

⁹ अपे ईंगपे अयूम। इयेराः जीव-जहन नपाय दोहोनता? खतनात इदानकुःआ हँकुःआ एहूदाकूराः जीव-जहन एकला जा बेगर एहूदाकूराः हों नपाय दोहोनता? ईंग मड़ंगरेयिंग कतातेरा, इबराहीम भगवान एचेरेय बिसवासतेरा, हनालगा हाँय बेगर गारबार होड़े बड़ाँवनेना।

रूमी 4:9 ပူးပေါင်းရင်းမြစ်များ

लूका 2:32

नाँय बेगर एहूदाकू एचेरे भगवानराः दूर उदुःवाकू लगा मरसल इयाय होयाःता, अरू नाँय अते इसराएल होड़कूके मान मरजइत होयाःता।”

रूमी 4:10

दो नाँय बेगर गारबारीग होड़ तुमिसे बड़ाँवनेना, खतनानेनाय हनाते मड़ंग जा तयोमरे? हाँय खतनानेना हनाते मनाड़ंग बेगर गारबारीग होड़े बड़ाँवनेना।

रूमी 4:3

भगवानराः कागदरे नाःआ इया ओजाःतो इदा; “इबराहीम भगवान एचेरेय बिसवासतेरा, हनालगा भगवान अनँयग ओंगोलरे हाँय बेगर गारबार होड़े ओंगोलबाःकातेरिया।”

गलातिया 3:14

ईसू मसी अबूय सडावकेड अते, भगवान इबराहीमराः जीव-जहने नपायतेरा। हनन इया हाँय बेगर एहूदाकूराः जीव-जहन होंय नपायकेरा, जेमहा भगवान जबानतेरा हाँयग सुद बिरुवा अबू बिसवासकेड अतेबू पवाः।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

कुलूसी 3:11

नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।