रूमी 4:6 - Korwa Bible

⁶ दाऊद राजा हों ननन इयाय कतातेरा, तोनोंगीग होड़ भगवान मनेवा लगा तोनोंगाः नपाय बुता मेरेय एचेता हों भगवान हाँय बेगर गारबारीग होड़े कतावायता, दो हनाँयग होड़राः जीव-जहन ननपाय दोहोनता। हाँय भगवानराः कागदरेय ओजाःतेरा,

रूमी 4:6 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:19

मुरुक दिन तयोमरे हँकुःआ सेवकियाकूरीग मालिक ओड़ाःए कुदा सेनेडा अरू सेवकियाकू अते आभाय गोःतेरा।

रूमी 1:17

भगवानराः कागदरे ओजाःतो इदा, “भगवान बेगर गारबारीग होड़े बनाड़ाँवकिरिया, हाँयग होड़ बिसवासतेय जियावगोड ञवनता।” हनन इया नपाय सरवनरे बुँहड़ीन अते टुटीग वरीय बिनिसवासगोड ञवनता, हनाँयग होड़ भगवान बेगर गारबारीग होड़े बड़ाँवगेयता।

रूमी 3:27

दो भगवान अबूय मनेवा लगा तोनोंगाःबू एचेकेरा, माःआन अबू बड़वार अवेनता जा? तोनोंग इया कोवान। ईसू मसी एचेरेबू बिसवासकेरा, हनालगा हाँय अबूय मनेवाता।

रूमी 4:11

इबराहीम खतनानते मनाड़ंग भगवान एचेरेय बिसवासतेरा। हनालगा हाँय भगवानराः ओंगोलरे बेगर गारबार होड़े बड़ाँवनेना अरू अनँयगराः देहरे मीटोंग चिनहा इयाय खतनानेना। बेगर खतनाते हों भगवान एचेरेकू बिसवासकेडखन भगवानराः ओंगोलरे बेगर गारबार होड़कूकू बड़ाँःता हँकुःआ होड़कूरीग खुटिपरिया होड़ इबराहीम बड़ाँवकिया।

रूमी 4:24

परबू ईसू गोएगतो होड़कू अते भगवान जियाव रेमकिडिया माःआनबू बिसवासगेता दो, भगवान अबू बेगर गारबार होड़कूय ओंगोल दोहोबाःकाबूता।

रूमी 4:5

मनदो अपे तोनोंगाः एचेकेडखन भगवान ओरोपे एचे मने अवेतेडिया। भगवान एचेरे कसूर होड़कू बिसवासगेता, अरू हनानाः एकलाते हाँय हँकूय मनेवाता।

रूमी 4:7

“परबू गारबारे बराव एंडाकेरा अरू कसूरे चलाः एंडागोतेडा, हनाँयग होड़राः जीव-जहन नपाय दोहोनता।

रूमी 4:9

अपे ईंगपे अयूम। इयेराः जीव-जहन नपाय दोहोनता? खतनात इदानकुःआ हँकुःआ एहूदाकूराः जीव-जहन एकला जा बेगर एहूदाकूराः हों नपाय दोहोनता? ईंग मड़ंगरेयिंग कतातेरा, इबराहीम भगवान एचेरेय बिसवासतेरा, हनालगा हाँय बेगर गारबार होड़े बड़ाँवनेना।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

गलातिया 3:14

ईसू मसी अबूय सडावकेड अते, भगवान इबराहीमराः जीव-जहने नपायतेरा। हनन इया हाँय बेगर एहूदाकूराः जीव-जहन होंय नपायकेरा, जेमहा भगवान जबानतेरा हाँयग सुद बिरुवा अबू बिसवासकेड अतेबू पवाः।

गलातिया 4:15

ईंग सुदीयतना, होनोयाःकून करे अपे अँननपेराः मेड हों गुड़तीग उडुंगकेडखन ईंग लगापे एमेगोडकेःआ। हनमेला अपे ईंग बदीरे मुरुक बहालतेपे दोहोना। दो नुँहू नाःआ इया करा उड़ीपे बदलावयना?

इपीसी 1:3

सेरमो देसराः जमा बरानाः कताकून ईसू मसीते अबूराः जीवे भलावाडबुःआ अबूरीग परबू ईसू मसीरीग अपांग भगवानराः जाग होयाः।

पिलिपी 3:9

नुँहू ईंग ईंगराः तोनोंगाः नपाय बुता एचे अते सहे नियम मनाः अते भगवानराः ओंगोलरे बेगर गारबार होड़ मेरिंग बड़ाँवगना, मनदो ईंग ईसू मसी एचेरेयिंग बिसवासकेरा, हना अते ईंग भगवानराः ओंगोलरे बेगर गारबार होड़िंग बड़ाँवकिया। हाव, बिनिसवास एकलाते भगवानराः ओंगोलरे बेगर गारबार होड़िंग बड़ाँवकिया।

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

एकूब 2:18

तोनोंगीग होड़ ईंग एचेरेय कतायता, आम ईसू एचेरेम बिसवासगेता अरू ईंग नपाय नपाय बुतायिंग एचेता, माःआन। दो ईंग हाँय एचेरेयिंग कता कुदायतना, आमराः बिसवास आम बेगर नपाय बुतातेम उदुःगे अरू ईंग नपाय बुता सुदा ईंगराः बिसवास आमिंग उदुःवाता।

2 पतरस 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।