रूमी 4:14 - Korwa Bible

¹⁴ दो होड़कू नियमकून मनावकेडखन इताडदारकू बड़ाँःता दो, भगवान एचेरे बिसवासगेय लगा कोवानेःआ, अरू भगवानराः जबान हों सदाःआ होयाःता।

रूमी 4:14 ပူးပေါင်းရင်းမြစ်များ

रूमी 3:31

दो अबूराः बिसवास अते नियम सदाःआ होया जुवाःता जा? कोनोवानेःआ। बिनिसवासते अबू जमालेःआ नियमकूनबू एचे पुराव अवेता।

रूमी 4:16

दो नियम इया सलाः लगाकू कुरनिसगेता हँकुःआ होड़कू कोवान, मनदो इबराहीम इया भगवान एचेरेकू बिसवासगेता हँकुःआ होड़कू भगवानराः जबानकू पवाःता। नाःआ जबान भगवान एचेरे बिसवासगे अते इमान इया इबराहीमरिकुःआ जमा नइड़-बाँस होड़कू होंकू पवाःता।

1 कुरिंती 1:13

दो चेले माःआनपे ओंगलेता? ईसू मसी एटाः एटाः गउदारेपे हटिंगगोतेडिया जा? पउलूस अपे लगा कुरूसरेय गोएगनेना जा? अपे पउलूसराः ञावते बतिसमापे गोःतेरा जा?

गलातिया 2:21

नियम मनावकेडखन कसूर अते फड़ियावतो होड़कूबू बनाड़ाँव अवेकुः दो, ईसू मसी अबू लगा गुनुजुः बेगर मतलोब होयाकुःआ। हनालगा भगवानराः मया सदाःआ हवे माःआन, मेरिंग ओंगलेतना।

गलातिया 5:4

मोसेसराः नियमकून मनावकेडखन भगवानराः ओंगोलरे बेगर गारबार होड़ बड़ाँः लगाय ओंगलेतना, हाँयग होड़ ईसू मसी अतेय हिगारयना अरू भगवानराः मयाय आड-बेकारवारा।

पिलिपी 3:9

नुँहू ईंग ईंगराः तोनोंगाः नपाय बुता एचे अते सहे नियम मनाः अते भगवानराः ओंगोलरे बेगर गारबार होड़ मेरिंग बड़ाँवगना, मनदो ईंग ईसू मसी एचेरेयिंग बिसवासकेरा, हना अते ईंग भगवानराः ओंगोलरे बेगर गारबार होड़िंग बड़ाँवकिया। हाव, बिनिसवास एकलाते भगवानराः ओंगोलरे बेगर गारबार होड़िंग बड़ाँवकिया।

इबरानी 7:19

हना अते, हना नियमकू चलाः एंडागोतेड। मनदो नुँहू हना नियम बदलारे मीटोंग अरू नाय नपाय असरा रेःएयना, जेमहा अबू भगवान एचेरेबू सेने अवेन।

इबरानी 7:28

मोसेसराः नियमते अबड़ होड़कू पुजउरीकू बड़ाँवकूता। मनदो किरिया जोमतो जबान, नियम अते तयोमते बड़ाँवनेना। मनदो हनानाः किरियाते भगवान अनँयग बेटात ईसू सगर सइट लगा उडु-बुडूत पुजउरी बड़ाँवगे लगाय सुनावकिरिया।