रूमी 4:13 - Korwa Bible

¹³ भगवान इबराहीम अरू हाँयरिकुःआ नइड़-बाँस होड़कू एचेरेय जबानतेरा, अपे नाःआ चउंदीसरिकुःआ इताडदारकूपे बड़ाँःता, माःआन। दो इबराहीम भगवानराः नियमकूने मनाः अते कोवान, मनदो हाँय भगवान एचेरे बिसवासतेडखन बेगर गारबाररीग होड़े बड़ाँवनेना, अरू हनानाः अते भगवानराः जबाने पवावकिया।

रूमी 4:13 ပူးပေါင်းရင်းမြစ်များ

मूक चेलाकू 13:32

भगवान अबूरिकुःआ खुटिपरिया होड़कू एचेरेय जबानतेरा हना जबान, हाँय ईसू गोएगतो होड़कू अतेय जियाव रेमकिरिगखन, अबू जूगरेय पुरावगोतेडा।

रूमी 4:12

अरू खतनानेन अते मड़ंग इबराहीम भगवान एचेरेय बिसवासतेरा। हनन इया खतनात होड़कू होंकू भगवान एचेरेकू बिसवासगेता दो हँकू हों हाँयरिकुःआ नइड़-बाँस होड़कूकू बड़ाँव जुवाःता।

रूमी 9:8

दो अबू नाःआबू सुदीयतना, इबराहीमरिकुःआ नइड़-बाँस होड़कू अते मुरुक होड़कू भगवानरिकुःआ लइंकू ना लवे। मनदो भगवानराः जबान इयाकू जनमावकिया हँकुःआ लइंकू सतायरे भगवानरिकुःआ लइंकू हवे।

गलातिया 3:29

अरू अपे ईसू मसीरिकुःआ होड़कू इदानपेःआ दो इबराहीमरिकुःआ नइड़-बाँस होड़कूपे बड़ाँवकिया अरू जबान इया इताडदारकूपे बड़ाँवकिया।

इबरानी 11:7

बिनिसवासते नूह, कहियो तोनोंगीग मेरकू ञेलगातेरा हना कताकून बदीरे भगवान सेतावतिरिया दो हाँय हना कताकूने मनावबाःयान। अरू आँयग अरू आँयगरिकुःआ मइछुवाकू बनसाः लगा भगवानराः अकूस मनाः घड़ीन मरंग दाः जहाजे तुलातेरा। नाःआते हाँय होड़कूराः कसूरे फड़ियावगोतेड अरू नूह भगवान एचेरेय बिसवासतेड अते भगवान हाँय बेगर गारबार होड़ हवे माःआने मनेवातिरिया।

इबरानी 7:6

मलकिसिदिक लेवी गोतोररीग होड़ मेरेय दोहोगान। हनारे हों हाँय इबराहीमराः आन-धान अते दस बंटारे मी बंटाय गोःतेरा। अरू हाँय जबान पवावतो इबराहीम भलावातेडखने कताया, आमराः जीव-जहनकून नपाय जुवाः, माःआन।