रूमी 3:20 - Korwa Bible

²⁰ दो तोनोंगीग होड़ नियम मनाः लगा कुरनिसगे अते भगवानराः ओंगोलरे बेगर गारबारीग होड़ ओरोय बड़ाँवनेना मनदो नियमते अबू सुदीगोडता, अबू कसूर होड़कू इदानबुःआ, माःआन।

रूमी 3:20 ပူးပေါင်းရင်းမြစ်များ

मूक चेलाकू 13:39

अरू ईसू एचेरेकू बिसवासगेतना हँकुःआ होड़कू भगवान अनँयग ओंगोलरे बेगर गारबार होड़कूय बड़ाँवगोडकूता। मनदो मोसेस एमेतेरा हना नियम मनाःता अते तोनोंगीग होड़ बेगर गारबारीग होड़ हवे माःआन भगवान ओरोय ओंगोलतिरिया।

रूमी 2:13

नियमकून एकलाय अयुमेता हाँयग होड़ भगवानराः ओंगोलरे बेगर गारबारीग होड़ मेरेय बड़ाँःता। मनदो हना नियम इयाय सलाःता, हनाँयग होड़ भगवान बेगर गारबार होड़ माःआने कतावायता।

रूमी 3:28

अबू नियम मनाः अते कोवान, मनदो ईसू मसी एचेरे बिसवासकेडखन भगवानराः ओंगोल इया फड़ियावतो होड़कूबू बड़ाँःता।

रूमी 4:13

भगवान इबराहीम अरू हाँयरिकुःआ नइड़-बाँस होड़कू एचेरेय जबानतेरा, अपे नाःआ चउंदीसरिकुःआ इताडदारकूपे बड़ाँःता, माःआन। दो इबराहीम भगवानराः नियमकूने मनाः अते कोवान, मनदो हाँय भगवान एचेरे बिसवासतेडखन बेगर गारबाररीग होड़े बड़ाँवनेना, अरू हनानाः अते भगवानराः जबाने पवावकिया।

रूमी 4:15

होड़कू भगवानराः नियमकून जमालेःआ मेरकू मनाव अवेनतान अते भगवान डंडियावकूताय। मनदो नियमकून मेर दोहोन दो नियमकून टड़ावराः कता करा इया दोहोकुःआ?

रूमी 5:13

भगवान नियम एमे अते मड़ंग होड़कू कसूरगोड ञवना। मनदो नियम मेर दोहोगान हना वरी कसूर बदीरे तोनोंगीग मेरकू ओंगोलबाःकाःआ।

रूमी 5:20

होड़कू अँननकूराः कसूरकूनकू सुदी अवे लगा भगवान नियमकूने एमेतेरा। मनदो होड़कूराः कसूर बनागरायान, हनामिन भगवान हँकुःआ होड़कू अरू बनागराय मयावातेडकुःआ,

रूमी 7:11

मोसेसराः नियम कतायतना, अलोपे एचे, माःआन। मनदो ईंग हनानाःयिंग एचेयता। अरू हनानाः कसूरते ईंग अडिगयना अरूयिंग गोएगनेना।

रूमी 9:32

चिला लगा नाःआ इया होयायना? इसराएल होड़कू भगवान एचेरे बिसवासकेडखन बेगर गारबार होड़कू बड़ाँः लगा मेरकू ओंगोलगाड, मनदो नियम मनाः लगाकू कुरनिसगे अते बेगर गारबार होड़कू बड़ाँः लगाकू ओंगोलतेड। हनालगा हँकुःआ इसराएल होड़कू, होड़कू एचे तामकूता हनानाः खुंटातेकू तोहोडयना,

1 कुरिंती 15:56

नियम अते अबू सुदी अवेयता, अबू करा इयाबू कसूरगेता अरू कसूरगेतान अते गुजुःराः हनी अबूके होया जुवाःता, माःआन।

गलातिया 2:16

तोनोंगीग होड़ एहूदाकूराः नियमकून मनाः अते भगवान हाँय कसूर अते फड़ियावतो होड़ मेरेय बड़ाँवगेयता। मनदो हाँय ईसू मसी एचेरेय बिसवासगेता दो, हनानाः अते भगवान हाँय कसूरते फड़ियावतो होड़े बड़ाँवगेयता, माःआनले सुनुदीयतना। हनालगा अले एहूदाकू हों नियमकूनले मनाःता हना अते कोवान, मनदो ईसू मसी एचेरेले बिसवासगेता हना अते भगवान अले कसूर फड़ियावतो होड़कूय बड़ाँवकेडलेःआ।

गलातिया 2:19

ईंग मेरिंग मनाव अवेगान हनानाः नियमते ईंग कसूर बदीयना। दो ईंग हना नियम मनाव पुरावगे लगायिंग अड़ाःगोतेडा, जेमहा ईंग भगवान लगायिंग जियाव अवेन। ईंग मसी सुदा कुरूसरे गोएगतो इदानिंगा,

गलातिया 5:4

मोसेसराः नियमकून मनावकेडखन भगवानराः ओंगोलरे बेगर गारबार होड़ बड़ाँः लगाय ओंगलेतना, हाँयग होड़ ईसू मसी अतेय हिगारयना अरू भगवानराः मयाय आड-बेकारवारा।

इबरानी 7:19

हना अते, हना नियमकू चलाः एंडागोतेड। मनदो नुँहू हना नियम बदलारे मीटोंग अरू नाय नपाय असरा रेःएयना, जेमहा अबू भगवान एचेरेबू सेने अवेन।