रूमी 3:19 - Korwa Bible

¹⁹ मनदो अबू सुसुदीतना, नियमराः आड़रे इदानकुःआ हँकुःआ होड़कू हनानाः नियम इया सनालाः पराःता। दो चउंदीसरिकुःआ होड़कूय फड़ियावकूता हाँयग भगवानराः ओंगोलरे जमा होड़कू गारबारकेरा। हनालगा तोनोंगीग भगवान एचेरे ओरोकू कता अवेतेरा, ईंग तोनोंगाः कसूर मेरिंग कसूरगरा, माःआन।

रूमी 3:19 ပူးပေါင်းရင်းမြစ်များ

एहुना 15:25

भगवानराः कागदरे ओजाःतो इदा हना सरवन होनोयाः लगा नाःआ इया होयाकिया; हँकू ईंग बे अहवइरकू हिनइस-बिनइसवातेडिंगा।

एहुना 8:9

नाःआ अयूमतेडखन मरंगीग अते हुडिंगीग वरी जमा होड़कू मेमेड होड़ मेमेड होड़कू बोसोरयान। ईसू हंडा एकलाय बनसावनेना अरू हाँयग अइमी हंडा चनाड़ाँतेय दोहोयान।

रूमी 1:20

भगवानराः लूर तोनोंगीग कहियो मेरकू ञेलगडा। मनदो भगवान चउंदीसे तुलाकेरा हना वरीते होड़कू हाँय तुलाकेरा हना जमाकूनकू ञेञेलतना। नाःआ ञेलकेडखन होड़कू सुदी अवेयता भगवानराः जंगर कहियो ओरो ओहरावनेना। हनालगा तोनोंगीग ओरोकू कता अवेतेरा, भगवान ईंग मेरिंग सुदीयतना, माःआन।

रूमी 3:2

मनदो ईंग कतायतना, सतायरे एहूदा होड़ बड़ाँः अते मुरुक नफा इदा। मइद कता नाःआ हवे, भगवानराः सरवन मनाड़ंगरे अपे अयूमतेरा।

रूमी 3:23

जनामा होड़कू कसूरकेरा, अरू भगवानराः ओंगोल इयाःआ मान मरजइत जीव, मेरकू जियाव अवेनता।

रूमी 3:4

नाःआ इया कहियो ओरो होयानेना। जमा होड़कू लबराकू बड़ाँव जुवाःता हों, भगवानराः कागदरे ओजाःतो इदा हनन इया, हाँय सनाताये दोहोनता। “ने परबू, आमराः जमा कताकून सनाताय इदा, अरू होड़कू आमकू फड़ियाव हों आम जितावबाः जुवाःताम।”

रूमी 3:9

दो नाःआ बदीरे चेले माःआनबू कता अवेयता? अले एहूदाकू एटाः होड़कू अते ननपाय इदानलेःआ जा? बुरी, कोनोवालेःआ। ईंग मड़ंगरेयिंग कता उदुःकेरा, एहूदाकू अरू बेगर एहूदाकू जमाकू कसूररे इदानबुःआ।

1 कुरिंती 1:29

भगवान नाःआ जमाकूने एचेकेरा। हना अते हाँय मड़ंगरे तोनोंगीग ओरोकू बड़वार अवेनेना।

गलातिया 3:10

भगवानराः कागदरे नाःआ इया ओजाःतो इदा; “जनामा नियमकून मेरकू मनाःता, हँकुःआ होड़कूराः जीव सती-सरापतो इदा।” हनालगा तोनोंगीग होड़ ओंगलेता, ईंग नियमिंग मनाः दो भगवान ईंग लगाय ननाय जुवाःता। हनते हों हाँय सती-सरापतो इदानिया।

गलातिया 4:21

अपे मोसेसराः नियमकून मनाः घड़ीन दोहोन लगापे चहाःतना दो, अपे ईंगपे उदुःवा। अपेराः नियमकून चेले माःआन कतायता, हना अपे मेरपे सुदीयतना जा?

गलातिया 4:5

अरू हाँय नियमराः आड़रेकू दोहोना हँकुःआ होड़कू सडावकेडकूखन अनँयग लइंकू इयाय समुटावकेडकुःआ।

गलातिया 5:18

सुद बिरुवा अपे अगुवाइवापेता, दो अपे मोसेसराः नियमराः आड़रे कोवापेःआ।