रूमी 2:4 - Korwa Bible

⁴ भगवान आम सहाव घड़ीने मयावामतना दो हना आम हुनुडिंगमे ओंगलेतना जा? भगवान ईंग मयावाडखन ईंगराः कसूर अते जीव कुदागे लगा दोंगे ओवायिंगतना, माःआन आम मेरेम बुझाःता जा?

रूमी 2:4 ပူးပေါင်းရင်းမြစ်များ

रूमी 10:12

भगवानराः ओंगोलरे एहूदाकू अरू बेगर एहूदाकू जमाकू मिनी इदानकुःआ, अरू तोनोंगीग एटाः कोवाकुःआ। जमाकू लगा मिनीटोंग परबू इदानिया अरू हाँय एचेरेकू अरजीता, हँकुःआ होड़कू मिनी जीवकियानखने सडावकूता।

रूमी 11:22

अपे नाःआ कता बदीरेपे उहियारगोड ञवन। भगवान मया ञवनताय अरू डंडियावकू लगा होंय सुदीयता। हाँय एचेरे मेरकू बिसवासगाड, हँकुःआ होड़कूय डंडियावतेडकुःआ अरू हाँय एचेरेकू बिसवासकेरा अपेय मयावागोड ञवनतना। अपे मेरपे बिसवासगे दो अपे हों हना डइड़ इयाय तपेग एंडागोडपेताय।

रूमी 11:33

अजंग, भगवानराः कनहून अरू मया तुमिन अगम इदा! हाँयराः ओंगोल अरू बुइद तोनोंगीग मेरबू सुदी अवेयता।

रूमी 3:25

भगवान अबूराः कसूर बदलारे ईसूय डंडियावतेरा, अरू ईसू कुरूसरे गोएगनेनखन अबू लगा अनँयग बलंगीय तूतेरा। अरू ईसू एचेरेकू बिसवासगेता, हँकुःआ होड़कू भगवान बेगर गारबार होड़कू हवे माःआने कतावाकूता। होड़कू मड़ंगरेकू एचेतेरा हना कसूरकून सहाव घड़ीन भगवान मेरेय डंडियावगडकू।

रूमी 6:1

भगवान मयावाडबूखन अबूराः कसूरे बराव एंडाकेरा दो, भगवान अबू अरूय मयावाबू लगा अबू कनासूरगोड ञवनता जा?

रूमी 6:15

दो अपे ईंगपे उदुःवा। अबू नियमकून मनाः अते भगवान अबू मेरेय सडावगाडबुःआ, मनदो मयावाडबूखने सडावकेडबुःआ। दो अबू कनासूरगोड ञवन जा? कहियो ओरो।

2 कुरिंती 8:2

हँकू मुरुक कटसियाकू सहाव पारतेरा अरू मुरुक गरीबकू दोहोना। हनारे हों हँकू मुरुक बनाहालते एटाः होड़कूकू संघरावाःआ।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

इपीसी 1:7

भगवानराः अगम मयाते ईसू मसीराः बलंगीते अबू अजइतयना अरू अबूराः कसूरे बराव एंडाकेरा।

इपीसी 2:4

मनदो भगवान अगम मयादार इदानिया अरू अबू कसूरते गोएगतोबू दोहोना।

इपीसी 2:7

जेमहा दरवाःआ हना जूगरिकुःआ होड़कू एचेरे, ईसू मसीते अबू लगा इदा अरू ओरोबू अउल-तउल अवेतेरा भगवानराः हना अलबइद मया बदीरेय एचे उदुःवाकू।

इपीसी 3:16

भगवान एचेरे अगम नपाय मरंग धन इदा। अरू हाँय हना धन अते सुद बिरुवाते अपेराः इंदरीरे अनँयगराः जंगर एमेकेडखन अपेराः जीवे बनड़ियाड़ ञवन लगायिंग अरजीतना।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

पिलिपी 4:19

ईसू मसी अबू लगाय एचेकेरा हना अते भगवान अपेराः जनामालेःआ हुडिंग बगरा, अनँयगराः आन-धान अतेय एमे पुरावगोडता।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

कुलूसी 2:2

हँकूराः जीव हड़ियाड़कियानखन अलार-दुलारते मिनी जुमूटगे लगायिंग चहाःतना, जेमहा भगवानराः ओकोत बुइद, ईसू मसी बदीरे, नपायते बुझावकियानखनकू सुनुदीबाःगे।

1 तिमुतियूस 1:16

हनारे हों ईसू मसी ईंग मयावाडखन ईंग मुरुके सहावकिरिंगा, जेमहा ओरो टुटीगनेना हना जीव लगा हाँय एचेरेकू बिसवासगेता हँकुःआ होड़कू लगा ईंग मीटोंग चिनहा इयायिंग दोहोन।

1 तिमुतियूस 6:17

नाःआ चउंदीसरिकुःआ गिरहत होड़कू एचेरे नाःआ कताम हुकुमवाकू, अहापे बड़वार अरू चबा जुवाःता हना ढिबुवारे अहापे असरा। मनदो अबू बहालरे दोहोन लगा जमा जिनिसकून मिनी जीवकेडखने एमेवाबूता हाँयग भगवान एचेरेपे असरा।

1 पतरस 3:20

तोलतोकू दोहोना हँकुःआ गोएगतो होड़कू नूहराः जूग परियारे भगवानराः कता मेरकू मनावगान हँकुःआ होड़कू हवे। हनमेला नूह मरंग दाः जहाजे तुलाःआ अरू होड़कू भगवान एचेरे बिसवासगे लगा, भगवान सहाव घड़ीने तंगी ञवना। मनदो आठगोटोंग होड़कू एकला हना दाःतेकू बनसावनेना।

2 पतरस 1:11

अरू अपे ईंग कताकेरा हनन इयापे जियाः दो अबूरीग परबू अरू सडावदार ईसू मसीराः ओरो लुलिगनेना हना देसरे मुरुक मान मरजइततेपे बोलो अवेनता।

2 पतरस 3:15

अबूरीग परबू अबू सुदा सहाव घड़ीने दोहोना दो, हना अबू सडावगुःराः बेलाबू बुझाः। ननानाः कता बदीरे अबूरीग बिसवासी वगाबू पउलूस हों हाँय पवावनेना हना कनहून इया अपे लगाय ओजाःकेरा।

2 पतरस 3:3

मड़ंगरे नाःआपे सुदीका, चउंदीस टुटीगगुःता हना अते मड़ंग दिनरे अँननकूराः कसूर ओंगोल इयाकू सलाःता हँकुःआ लंदा-एरंग होड़कू वेगता।

2 पतरस 3:9

अदोम होड़कू ओंगलेता, परबू अनँयगराः जबान एचे पुरावगे लगा कुबेरगेताय, माःआन। मनदो हाँय मेरेय कुबेरगेतना। हाँय मेरेय चहाःता तोनोंगीग लाय एंडा जुवाः, मनदो जमा होड़कू कसूर अते जीवकू कुदा लगा बेलाकू पवाः लगाय चहाःतना। हनालगा हाँय अपे सुदा सहाव घड़ीन इदानिया।

उदुःतो कताकून 2:21

हाँय कसूर अते जीवे कुदा लगा दोंगिंग ओवातिरिंगा। मनदो हाँय बेलूर बुता अड़ाःगे लगा मेरेय चहाःतना।

उदुःतो कताकून 3:20

ञेलपे, ईंग अपेराः इंदरीराः दुवाररे चड़ाँकियानखनिंग टोकोःगोड ञवनता। तोनोंगीग ईंगराः अरो अयूमकेडखन दुवारे गीग, दो ईंग हाँय एचेरे बोलोकियानखन हाँय सुदालिंग जोम ञूयता।