रूमी 2:29 - Korwa Bible

²⁹ मनदो भगवानराः ओंगोल इया नपाय जीव इदा, हनाँयग होड़ सतायते एहूदा होड़े दोहोनता। ओजाःतो सरवन इया जीव-धार गेड अते सताय खतना मेर होयाःता, मनदो जीव अते बेलूर कताकून भगवानराः सुद बिरुवा चलाः एंडागोडता दो, हनानाः हवे सताय खतना। नाःआ इयायीग होड़ होड़कू अगीते कोवान, मनदो भगवान अगीते मान मरजइते पवाःता।

रूमी 2:29 ပူးပေါင်းရင်းမြစ်များ

लूका 11:39

दो परबू ईसू हाँय एचेरेय कताया, “अपे फरीसी होड़कू डुभा अरू छिपी सेरमो सेरमो एकलापे मंजवेता। मनदो अपेराः इंदरीरे मुरुक ललची अरू बेलूर ओंगोल इदा।

लूका 17:21

भगवान आँयगराः राइज अपे तलारेय बुँहड़ीकेरा। हनालगा तोनोंगीग होड़कू नाःआ इया ओरोपे कता अवेतेरा, भगवानराः राइज नंडा इदा सहे भगवानराः राइज हंडा इदा, माःआन।”

एहुना 12:43

नाःआ इया हँकू भगवानराः मान मरजइत अते होड़कूराः मान मरजइतकू मनेवातेरा।

एहुना 4:23

मी बेला दरवाःआ अरू हनानाः बेला नुँहू बुँहड़ीयना। सतायते अपांग भगवानकू जागता, हँकुःआ होड़कू बिरुवा अरू सतायते हाँयकू जागता। अरू ननन इयाकू जागगेता हँकुःआ होड़कू भगवान ञामकूता।

एहुना 5:44

अपे अँननपे अपे जाग होड़ेंगता अरू मिनीटोंग इदानिया हाँयग भगवान अगीते मान मरजइत पवाः लगा अपे मेरपे चहाःतना। दो अपे करा उड़ी ईंगपे बिसवास अवे?”

रूमी 14:17

भगवानराः राइज जोम ञूय बदीरे कोवानेःआ। मनदो हन भगवानराः ओंगोल इयाःआ सताय कता बदीरे अरू सुद बिरुवा एमेयता हना सलसत अरू बहाल बदीरे इदा।

रूमी 2:27

आम नियममे पवावनेना अरू खतनाकियानखन नियम इया मेरेम सलाःतना। मनदो तोनोंगीग होड़ बेगर खतनात इदानिया अरू नियम इयाय सलाः दो, हाँयग होड़ आम बदीकेडखन ओरोय फड़ियावतेडमेःआ जा?

रूमी 3:1

दो अपे अते तोनोंगीग एहूदा होड़ होंबरेता, “ईंग एहूदा होड़ हवे दो हनारे तोनोंगाः नफा इदा जा कोवान अरू खतनाकियायिंग अते तोनोंग मतलोब कोवानेःआ जा?”

रूमी 7:6

मनदो ईसू मसी गोएगनेनते अबू एएचे पराःआ हना नियमराः बोझा अते भगवान अबूय सडावकेडबुःआ। हनाते अबूराः कसूर जीव टुटीगयना, जेमहा अबू ओजाःतो नियम इया कोवान, मनदो सुद बिरुवाराः ओंगोलते नँवा जीवते भगवानबू सेवा अवेय।

1 कुरिंती 4:5

दो परबू अरीने कुदा वेग वरी, अपे तोनोंगीग अलोपे फड़ियावगेय। हनाँय अंदरारे ओकोत इदा हना कताकून मरसलरेय एचे उदुःगोडता अरू होड़कूराः ओंगोलकूने एचे उदुःगोडता। हना तयोमते भगवान मेमेड होड़ अँननकूराः बुता इयाय भल-भलायकूता।

1 कुरिंती 7:19

खतनान सहे मेरेय खतनान, बनरते तोनोंगाः मतलोब कोवानेःआ। मनदो भगवानराः हुकुम मनानाः मइद हवे।

2 कुरिंती 10:18

मी होड़ अनँयग बदीरेय भल-भलायगुः दो भगवान हाँय ओरोय मनेवातिरिया, मनदो परबू भल-भलायगुःता हनाँयग होड़ भगवान मनेवायता।

2 कुरिंती 3:6

अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

पिलिपी 3:3

मनदो अबू भगवानराः बिरुवाते हाँय जाग घड़ीन ईसू मसीबू मान मरजइतता। अरू होड़कूराः खतना इयाःआ रिती-बिधीरे मेरबू भरसाता। हनालगा सताय खतनात होड़कू अँननबू हवे।

1 तिसलूनिका 2:4

मनदो भगवान लुंबाड़ दोहोकेडकूखन नपाय सरवन कता उदुःगे लगाय जिमावाडकुःआ हँकुःआ होड़कू इयाले कतातेरा। हनालगा होड़कू एचे ननायकू लगा कोवान, मनदो अबूराः ओंगोले जासता हाँयग भगवान ननायगेय लगाले कतायतना।

1 पतरस 3:4

मनदो अपेराः इंदरी सुधा अरू सलसतिया जीवतेपे सिंगारगे। अरू ननानाः सिंगार कहियो ओरो ओहरावनेना अरू भगवानराः ओंगोलरे मुरुक किमइताः इदा।