रूमी 2:27 - Korwa Bible

²⁷ आम नियममे पवावनेना अरू खतनाकियानखन नियम इया मेरेम सलाःतना। मनदो तोनोंगीग होड़ बेगर खतनात इदानिया अरू नियम इयाय सलाः दो, हाँयग होड़ आम बदीकेडखन ओरोय फड़ियावतेडमेःआ जा?

रूमी 2:27 ပူးပေါင်းရင်းမြစ်များ

मती ओजाःतेरा भगवानराः नपाय सरवन 3:15

मनदो ईसू हाँय एचेरेय कतातेड, “नुँहू नाःआ इया होनोयाः ओवामे। भगवान एचे लगाय ओंगलेतना, हना होयाः लगा नाःआ इयालंग एचेय दो नपाय दोहोनता।” हनते एहुना ईसूराः कताय मनावयान।

मूक चेलाकू 13:22

हना तयोमरे हाँय साहूल बदलारे इसराएल होड़कूरीग राजा, दाऊदे तुलातिरिया। हाँयग दाऊद बदीरे भगवान नाःआ हिदइत होंय एमेतेरा, ईंग ईंगराः ओंगोल इयायीग होड़ एसेरीग बेटात दाऊद सुदायिंग जुमावनेना। हाँय ईंगराः जमा ओंगोल इयाय एचेयता।

रूमी 13:10

एटाः होड़कूय अलार-दुलारता हाँयग होड़ आँयग परुसी एचेरे तोनोंगाः मेरेय गारबारगेता। हनालगा तोनोंगीग एटाः होड़कूय अलार-दुलार, हाँय भगवानराः जमा नियमकूने पुरावगोडता।

रूमी 2:15

हँकू उदुःगेता, मोसेसराः नियम अलेराः जीवरे दोहोत इदा अरू अलेराः इंदरी अरू ओंगोल हिदइत उदुःगेता, अले नपाय सहे बेलूर बुताकूनले एचेयता जा, माःआन।

रूमी 2:20

अरू बोया होड़कूरीग अरू लइंकूरीग चेडदार इनिंग हवे। मोसेसराः नियममे पवावकिया अरूम ओंगोलबाःकता, हना नियमराः कनहून अरू सताय ईंग जमालेःआयिंग सुदीतना, माःआन।

रूमी 2:25

आम मी होड़ एहूदा होड़ मोसेसराः नियम इयाम सलाः दो, खतनाराः रिती-बिधीते आमके नफा इदा। मनदो आम नियम इया मेरेम सलाः दो, आम मेरेय खतनागना हनाँयग बेगर एहूदा होड़ अते नपाय कोनोवामेःआ।

रूमी 2:26

मनदो मी होड़ बेगर एहूदा होड़ भगवानराः नियम इयाय सलाः दो, हाँय बेगर खतनात होड़ होयाकियान अते हों, भगवान हाँयग होड़ बेगर गारबार होड़ माःआने ओंगोल दोहोबाःकायता।

रूमी 2:29

मनदो भगवानराः ओंगोल इया नपाय जीव इदा, हनाँयग होड़ सतायते एहूदा होड़े दोहोनता। ओजाःतो सरवन इया जीव-धार गेड अते सताय खतना मेर होयाःता, मनदो जीव अते बेलूर कताकून भगवानराः सुद बिरुवा चलाः एंडागोडता दो, हनानाः हवे सताय खतना। नाःआ इयायीग होड़ होड़कू अगीते कोवान, मनदो भगवान अगीते मान मरजइते पवाःता।

रूमी 3:30

मिनीटोंग भगवान इदानिया। अरू ईसू एचेरेकू बिसवासगेयता हँकुःआ जमा होड़कू, एहूदाकू सहे बेगर एहूदाकू अनँयग ओंगोलरे फड़ियावतो होड़कूय बड़ाँवकूता।

रूमी 8:4

दो नुँहू अबू कसूर जीवराः ओंगोल इया मेरबू सलाःतना। मनदो सुद बिरुवाराः ओंगोल इयाबू सलाःतना। ननानाः लगा नुँहू अबू जमालेःआते नियमकूनबू मनाव अवेनता।

1 कुरिंती 7:19

खतनान सहे मेरेय खतनान, बनरते तोनोंगाः मतलोब कोवानेःआ। मनदो भगवानराः हुकुम मनानाः मइद हवे।

2 कुरिंती 3:6

अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

गलातिया 5:14

नाःआ मिनीटोंग नियमरे जमा नियमकून पुराव जुवाःता, “अपे अपेरिकुःआ परुसीकू अँननपे इयापे अलार-दुलारकू।”

इपीसी 2:11

अपेराः जनम एहूदा जइतरे मेर होयागान अते, अपे बेगर एहूदाकू हवे। नाःआ कता अपे अहापे लिड़िंगे। होड़कूराः तिःईते खतनात होड़कू, अपे बेगर खतनात होड़कू हवे, माःआनकू कतावातेडपेःआ।

2 तिमुतियूस 3:15

लनँइग वरीते नपायतेम सुदी अगूयतना हना सरवन भगवानराः कागदरे ओजाःतो इदा। हनानाः सरवन ईसू मसी एचेरे बिसवासकेडखन सडाः लगा कनहून एमेवामता।

इबरानी 11:3

बिनिसवासते अबू सुदीयता, जमा राइजबड़ी भगवानराः हुकुमते बड़ाँवयना, अरू नाःआ जमाकून ञिलुःतना हना जिनिसकून अते मेर बड़ाँवगना।