रूमी 16:7 - Korwa Bible

⁷ अंदरुनिकूस अरू उनियास ईंग अगीतेपे सलामगोडकिन। हँकिन ईंगरिकिनाः जइत सगा होड़किन हवे अरू ईंग सुदा जेहेलरेकिन दोहोना। ईसूरिकुःआ मूक चेलाकूतेनते हँकिन मान मरजइतगे इया होड़किन दोहोना अरू हँकिन ईंग अते मड़ंग ईसू मसी एचेरेकिन बिसवासकेरा।

रूमी 16:7 ပူးပေါင်းရင်းမြစ်များ

एहुना 14:20

हना दिन अपे सुनुदीगोडता ईंग अपांग भगवान सुदा मिनी इदानिंगा अरू अपे ईंग सुदा मिनी इदानपेःआ अरू ईंग अपे सुदा हों।

एहुना 15:2

ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

एहुना 6:56

ईंगराः देहे जोमगोडता अरू ईंगराः बलंगीय ञूयता हाँयग होड़ ईंग सुदा मिनीय दोहोनता अरू ईंग हों हाँय सुदा।

रूमी 16:10

ईसू मसी जुकूर इदानिया हाँयग अपिलेसपे सलामगोड। अरिसतोबुलुस ओड़ाःरिकुःआ जमा बिसवासी होड़कूपे सलामगोड।

रूमी 16:11

ईंगरीग जइत सगा हेरोदियोन ईंग अगीतेपे सलामगोडेय। नरकिसूस ओड़ाःरिकुःआ जमा बिसवासी होड़कूपे सलामगोड।

रूमी 16:21

ईंगरीग सेवा देंगवा होड़ तिमुतियूस अपेय सलामवातना। हनन इया ईंगरिकुःआ जइत सगा होड़कू लुकियूस अरू एसोन अरू सोसिपतरूस अपेकू सलामवातना।

रूमी 16:3

ईंग सुदा ईसू मसीकिन सेवाता हँकिनाः पिरिसकी अरू अकिला ईंग अगीतेपे सलामगोडकिन।

रूमी 16:6

अपे लगा मुरुक मिहनइत घड़ीने सेवाकेरा, हाँयग मरियमपे सलामगोड।

रूमी 16:8

अंपलियातूस ईसू मसी एचेरेय बिसवासगेतना। अरू हाँय ईंगरीग दुलार सउंगता हवे। अपे ईंग अगीतेपे सलामगोडेय।

रूमी 16:9

उरबानूस अलेरीग सेवा देंगवा होड़ हवे अरू इसताकूस ईंगरीग दुलार होड़ हवे। ईंग अगीते हँकिनपे सलामगोड।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

रूमी 8:11

भगवानराः बिरुवा, ईसू मसी गोएगतो होड़कू अतेय जियाव रेमकिरिया। अरू हनाँयग सुद बिरुवा अपे जीवरे होंय दोहोनता। भगवान ईसू मसी गोएगतो होड़कू अतेय जियाव रेमकिरिया। हनन इया हाँय हनाँयग सुद बिरुवाते अपेराः गुजुः इयाःआ देहकूने जियाव रेमता।

रूमी 9:3

होया अवेन दो भगवान ईंग सती-सरापतिरिंगखन ईसू मसीतेयिंग एटाः जुवाः, जेमहा हँकुःआ होड़कू हों ईसू मसीराः दुलारकू सुदी अवे।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

2 कुरिंती 11:23

हँकू मसीरिकुःआ सेवकियाकू हवे दो, ईंग हँकू अते बइड़के इदानिंगा। नाःआ ईंग बउड़ाहा होड़ इयायिंग कतायता। ईंग मुरुकिंग मिहनइतकेरा, घड़ी घड़ी जेहेलरेकू सींगतिरिंगा, कइन तुरहा गुरुंदतेकू ञेडतिरिंगा अरू कइन तुरहा गुजुःतेयिंग बनसावकिया।

2 कुरिंती 12:2

ईसू मसी एचेरेय बिसवासगेतना मी होड़ होड़ इदानिया। चउदाह बरिस मड़ंगरे भगवान हाँयग होड़ सेनेरमो सेरमो देसे रेम गोःयडिया। हाँय देनेह देहरे जा बेगर देहरे भगवान रेमयडिया हना ईंग मेरिंग सुसुदीतना, मनदो भनगवान एकला नाःआ बदीरेय सुसुदीतना।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

गलातिया 1:22

हनामिन दिन वरी एहूदिया छतरराः कलसियारिकुःआ बिसवासी होड़कू अते तोनोंगीग ईंग मेरकू सुदीगडिंगा।

गलातिया 2:2

भगवान ईंगे कतावातेरा, आम एरुसलेममे सलाव जुवाः, माःआन। हनालगा ईंग हंडा तोरायिंग। हंडाले सोदोरनेनखन, बिसवासी होड़कूरिकुःआ मरंग मरंग मूक होड़कू सुदा, एटाःरेले जुमावनेना। बेगर एहूदाकू एचेरे नपाय सरवन कता उदुःगे लगा ईंगराः मड़ंगःआ अरू नुँहुःआ सेसा-दुरात, सदाःआ अहा होयाः लगा, हना सरवन बदीरे हँकुःआ मूक होड़कू एचेरे एकलायिंग कतातेरा।

गलातिया 2:6

होड़कू अदोम मूक होड़कू बदीरे मरंग होड़कू माःआनकू ओंगोलकूता। मनदो भगवान तोनोंगीग मेरेय पाचपटीगेयता। हनालगा नाःआ अते ईंगके कही आँच ओरो लगावनेना, अरू ईंग परसारतेरा हना सरवनरे तोनोंग इया मेरकू बदलाव अवेगाड।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

गलातिया 6:15

अपे खतनात होड़कू सहे बेगर खतनात होड़कू इदानपे हों अपे बदीरे भगवान एचेरे एटाः इयाःआ ओंगोल कोवानेःआ। मनदो मइद कता ननानाः हवे; ईसू मसीते भगवान अपेराः जीवे नँवागोतेडा।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

कुलूसी 4:10

परसार बदीरे ईंग सुदा जेहेलरे इदानिया, हाँयग अरिसतरकूस अपेय सलामतना। अरू बरनाबासरीग नसी-नता बोहोत मरकूस अपेय सलामतना। अपे मनाड़ंगगिंग उदुःवाडपेःआ मरकूस लगा करा इया अपेके एएचे इदा। हाँय वेग दो अपे हाँय नपायतेपे नेत-नेवारगेय।

पिलेमोन 1:23

ईसू मसी बदीरे नुँहू जेहेलरे ईंग सुदा इदानिया हाँयग इपापरास अगीते आम लगा मसी सलाम।

1 एहुना 4:13

भगवान आँयगराः सुद बिरुवा अबू जीवरेय एमेकेरा। नाःआते अबू सुसुदीतना भगवान अबू सुदा मिनी इदानिया अरू अबू हों भगवान सुदा मिनी इदानबुःआ।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।