रूमी 16:3 - Korwa Bible

³ ईंग सुदा ईसू मसीकिन सेवाता हँकिनाः पिरिसकी अरू अकिला ईंग अगीतेपे सलामगोडकिन।

रूमी 16:3 ပူးပေါင်းရင်းမြစ်များ

मूक चेलाकू 18:26

हाँय बेगर बोरते अरजी ओड़ाःरेय कतागोड ञवना। दो हाँयराः बदीरे पिरिसकी अरू अकिला अयूमतेरा दो हँकिन हाँय अँकिन ओड़ाःरेकिन राःतिरिया अरू भगवानराः दूर अनउर नपायतेकिन कता उदुःवातेडिया।

रूमी 16:10

ईसू मसी जुकूर इदानिया हाँयग अपिलेसपे सलामगोड। अरिसतोबुलुस ओड़ाःरिकुःआ जमा बिसवासी होड़कूपे सलामगोड।

रूमी 16:4

हँकिन ईंग लगा गुजुः लगा हों सपड़ावतकिन दोहोना। हनालगा ईंग, अरू जमा बेगर एहूदा बिसवासी होड़कू हँकिनले धनियाबादतना।

रूमी 16:7

अंदरुनिकूस अरू उनियास ईंग अगीतेपे सलामगोडकिन। हँकिन ईंगरिकिनाः जइत सगा होड़किन हवे अरू ईंग सुदा जेहेलरेकिन दोहोना। ईसूरिकुःआ मूक चेलाकूतेनते हँकिन मान मरजइतगे इया होड़किन दोहोना अरू हँकिन ईंग अते मड़ंग ईसू मसी एचेरेकिन बिसवासकेरा।

रूमी 16:9

उरबानूस अलेरीग सेवा देंगवा होड़ हवे अरू इसताकूस ईंगरीग दुलार होड़ हवे। ईंग अगीते हँकिनपे सलामगोड।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

रूमी 8:11

भगवानराः बिरुवा, ईसू मसी गोएगतो होड़कू अतेय जियाव रेमकिरिया। अरू हनाँयग सुद बिरुवा अपे जीवरे होंय दोहोनता। भगवान ईसू मसी गोएगतो होड़कू अतेय जियाव रेमकिरिया। हनन इया हाँय हनाँयग सुद बिरुवाते अपेराः गुजुः इयाःआ देहकूने जियाव रेमता।

रूमी 8:2

अबू ईसू मसीरिकुःआ होड़कू हवे। हनालगा भगवानराः बिरुवा नँवा जीवे एमेकेरा अरू हाँय अबू कनासूर जीवते एचे अड़ाःकेडबूखन गुनुजुःतेय सडावकेडबुःआ।

1 कुरिंती 16:16

नाःआ इयाकुःआ होड़कूराः कतापे मनाः। अरू ननन इया मिहनइत घड़ीन ईसूराः सेवाकू सेवातना हँकुःआ होड़कूराः कता होँपे मनाः।

1 कुरिंती 16:19

आसिया राइजराः कलसियाकूनरिकुःआ होड़कू अपेकू सलामतना। अपे परबू एचेरेपे बिसवासगेतना। हनालगा अकवीला अरू हाँयरीग अइमी पिरिसकीराः ओड़ाःरेकू दुड़ुःता हँकुःआ बिसवासी होड़कू सुदा अपे हिया घड़ीनकू सलामपेतना।

2 कुरिंती 12:2

ईसू मसी एचेरेय बिसवासगेतना मी होड़ होड़ इदानिया। चउदाह बरिस मड़ंगरे भगवान हाँयग होड़ सेनेरमो सेरमो देसे रेम गोःयडिया। हाँय देनेह देहरे जा बेगर देहरे भगवान रेमयडिया हना ईंग मेरिंग सुसुदीतना, मनदो भनगवान एकला नाःआ बदीरेय सुसुदीतना।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

गलातिया 1:22

हनामिन दिन वरी एहूदिया छतरराः कलसियारिकुःआ बिसवासी होड़कू अते तोनोंगीग ईंग मेरकू सुदीगडिंगा।

पिलिपी 2:25

इपापुरूदितूस, ईंगरीग बोहोयिंग इया इदानिया। हाँय ईंग सुदा भगवानरीग सिपाही इया इदानिया अरू ईंगरीग सेवा देंगवा होड़ हवे। अपे हाँय ईंग एचेरेपे वारकिरिया, अरू हाँय ईंग जमालेःआय संघरावारिंगा। हनते हों, हाँय अपे एचेरे वार कुदागेय लगायिंग ओंगलेतना।

कुलूसी 4:11

एसतूस माःआनकू कतावायता, हाँयग एहोसू अपेय सलामतना। ईंगकू सेवा देंगवातेरा हँकुःआ एहूदाकू अते नननकुःआ पेनेय होड़ ईंगराः जीवकू हड़ियाड़केरा।

2 तिमुतियूस 4:19

दो ईंग अगीते अकिला अरू हाँयगरीग अइमी पिरिसकी, अरू उनेसिपुरुसराः ओड़ाःरिकुःआ होड़कू सलामकूमे।