रूमी 16:18 - Korwa Bible

¹⁸ नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

रूमी 16:18 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:11

भगवानराः बड़रा लबराकेडखनकू कतायता हँकुःआ मुरुक बगरा होड़कू रेम चड़ाँनता अरू मुरुक बगरा होड़कूकू बहकावगोडकूता।

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मती ओजाःतेरा भगवानराः नपाय सरवन 6:24

तोनोंगीग होड़ बार होड़ मालिककिन ओरोय सेवा अवेतेडकिना। हाँय मी होड़ मालिके हिनइस-बिनइसवायता अरू एटाः होड़ मालिके अलार-दुलारगेयता। हाँय मी होड़ सुदा अकूस मनाः घड़ीने दोहोनता अरू मी होड़े आड-बेकारवायता। अपे भगवान अरू आन-धान बनर ओरोपे सेवा अवेतेरा।

मती ओजाःतेरा भगवानराः नपाय सरवन 7:15

भगवानराः बड़रा लबरातेकू कतायता हँकुःआ होड़कू अते सवासितीपे दोहोन। हँकुःआ होड़कू अपे एचेरे भेड़ाकूराः भेसरेकू वेगता। मनदो हँकू सतायरे रमू बुःआकू इया इदानकुःआ।

एहुना 12:26

तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।

रूमी 14:18

नाःआ इया ईसू मसीय सेवाता हाँयग होड़ भगवानराः ओंगोलरे अरू होड़कूराः ओंगोलरे हों नपाये दोहोनता।

रूमी 16:19

मनदो अपे बदीरे जमा होड़कू सुसुदीतना, हँकू भगवानराः कताकूनकू मनाःता, माःआन। हनालगा ईंग अपे बदीरे मुरुक बहालरे इदानिंगा। मनदो अपे बदीरे नाःआ इयायिंग चहाःतना, अपे नपाय कता बदीरे कनहूनदारकू अरू बेलूर कता बदीरे बेगर गारबार होड़कूपे बड़ाँव जुवाः।

2 कुरिंती 11:3

अपे सुधिया अरू सुद जीवते मसीपे दुलारतना। दो बींग, हववा अडिगतेडखने बहकावतिरिया, हनन इया मसीराः हना दुलार अते लबरा चेडदार होड़कू अपेकू बहकावगोडता माःआनतिंग बोरतना।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

गलातिया 1:10

दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।

पिलिपी 2:21

हँकू जमाकू ईसू मसीराः ओंगोल इया तोनोंगाः एचे लगा मेरकू ओंगलेता, मनदो हँकू अँननकू एकला लगाकू ओंगलेता।

पिलिपी 3:19

हँकुःआ होड़कू भगवान लाय एंडाकू लगाय ओंगोल दोहोकेरा। हँकू अँननकूराः नफा लगा अंदू घड़ीनकू दोहोनता अरू गियुः इयाःआ कताकूनरेकू बड़वारता। हँकूराः ओंगोल चउंदीसराः जिनिसकूनरे टक-टकित दोहोनता।

कुलूसी 2:4

तोनोंगीग अँकूराः मोहाः इयाःआ बड़राते, अपे अहाकू अडिग अवेपे लगा, ईंग नाःआ इयायिंग कतावापेतना।

कुलूसी 3:24

दो अपे परबू ईसूपे सेवातना अरू हनाँय अपेराः सेवा बदलारे इमान इया इताडे एमेवापेता।

2 तिसलूनिका 2:10

हाँय, सडावकेकुःआ हना सताय सरवन मेरकू दुलारगाड हँकुःआ लायतो होड़कू, जमा बरानाः बेलूर बुताकूनतेय अडिगगोडकूता।

1 तिमुतियूस 6:5

नाःआ इया होड़कू अनभनिया कड़ीगकू रेमगोडता। अरू हँकूराः जीव आडतो इदा अरू हँकू मेरकू सुदीयता सताय चिला हवे। हँकू ओंगलेता, धरमराः दूररे मुरुक नफा इदा, माःआन।

एकूब 1:1

ईंग एकूब, भगवानरीग अरू परबू ईसू मसीरीग सेवकिया होड़, नाःआ चिठीयिंग ओजाःगेतना। जमा चउंदीसरे सितिर-बितिरयनाकू हँकुःआ बारहगोटोंग गोतोररिकुःआ होड़कू लगा ईंग अगीते मसी सलाम।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

जूदा 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू एकूबरीग बोहोत इदानीग ईंग जूदा, अपांग भगवान दुलारकेडकूखने राःकेडकुःआ अरू ईसू मसी अनँयग लगाय बनसावकेडकुःआ, हँकुःआ होड़कू लगा नाःआ चिठीयिंग ओजाःगेतना।

जूदा 1:12

अपे बिसवासी होड़कू जोम लगापे जुमाःता हनमेला हँकुःआ लबरा चेडदारकू दाः पेंदारे ओकोत दोहोनता हना दिरिकून इया इदानकुःआ अरू मुरुक डीड़ते अरू बेगर गियुःते अपे सुदाकू जोमता। हँकू अँननकू बदीरेकू ओंगलेता हँकुःआ सरवाहाकू इया इदानकुःआ, अरू भेड़ाकू लगा तोनोंगाः संघरा मेरकू एमेयता। हँकुःआ होड़कू बेगर दाःते दोहोनता अरू होयते सलाःता हना बदरी इयाकू दोहोनता। हँकुःआ होड़कू, बार पुरती गेएगनेना अरू रवीगतो दोहोनता अरू गोसोत जोःओते इदा हना सींग इया इदानकुःआ।

जूदा 1:16

हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

उदुःतो कताकून 1:1

ईसू मसी बदीराः उदुःतो कताकून, भगवान ईसू मसी एचेरेय जिमातेरा, जेमहा हाँय अनँयगरिकुःआ सेवकियाकू हलीते होनोयाः लगा इदा हना कताकूने उदुः अवे। ईंग एहुना, ईसू मसीरीग सेवकिया होड़ हवे। अरू हाँय सेरमो देसरीग बराहील वारतेडखन नाःआ कताकून ईंग एचेरेय एचे उदुःवातेरिंगा।