रूमी 15:32 - Korwa Bible

³² नाःआते ईंग भगवानराः ओंगोल इया अपे सुदा बहालतेयिंग जुमाव अवेन अरू अबू जमाकूराः जीव हड़ियड़ जुवाः।

रूमी 15:32 ပူးပေါင်းရင်းမြစ်များ

मूक चेलाकू 18:21

मनदो हाँय सेन मेला हँकू एचेरे नाःआ इयाय कतातेरा, “भगवानराः ओंगोल इदान दोयिंग कुदा वेगता।” हनते हाँय इपीसी सहर अते जहाजते तोराय।

मूक चेलाकू 27:1

अले जहाजते इटली देस सेन लगा पिसतूस ओंगोल दोहोतेरा, दो पउलूस अरू एटाः तोलतो होड़कू अगुसतूस ञावराः सइना होड़कूराः गउदारीग हातपात होड़ उलियूस एचेरेकू जिमागोतेडकू।

रूमी 15:29

अरू ईंग सुसुदीतना, ईंग अपे एचेरेयिंग सेन दो ईसू मसी अबूराः जीव-जहन जमालेःआय नाय नपायगोडता।

1 कुरिंती 16:18

हँकुःआ होड़कू अपेराः जीवकू हड़ियाड़केरा हनन इया ईंगराः जीव होंकू हड़ियाड़गोतेरा। नाःआ इयाकुःआ होड़कूपे मान मरजइत।

1 कुरिंती 4:19

मनदो परबूराः ओंगोल इदान दो, अपे एचेरे ओनोहेनिंग सेनता। हनते हँकू बड़वारता हना कता सताय हवे जा कोवान, अरू भगवानराः जंगर हँकू एचेरे इदा जा कोवान, हना ईंग अता-पतागोडता।

2 कुरिंती 7:13

नाःआ अते अलेराः जीव अपे बदीरे मुरुक हड़ियाड़यना। अलेराः जीव हड़ियाड़यना अरू तितूसराः जीव हों अपे अते अहाल-बहालयान अते अलेराः जीव अनउर हड़ियाड़यान।

2 तिमुतियूस 1:16

उनेसिपुरुस कइन तुरहा ईंग जीवे कता बहालकेरा। ईंग जेहेलरेयिंग दोहोना हनारे हों हाँय ईंग बदीरे मेरेय गियूगान। हनालगा हाँय ओड़ाःरिकुःआ होड़कू भगवान सोगावाकू लगायिंग अरजीतना।

पिलेमोन 1:20

ने ईंगरीग मसी बोहोयिंग पिलेमोन, ईंग असेयतना हनाम एचेगोड। ईंगराः जीव परबू ईसूरेम हड़ियाड़गोड।

पिलेमोन 1:7

ने ईंगरीग मसी बोहोयिंग, आम भगवानरिकुःआ सुद होड़कूम दुलारता अरू हँकुःआ होड़कूराः जीव मुरुकमे एचे हड़ियड़गोतेडकुःआ। हनाते आम ईंगराः जीवमे बहालगोतेडा अरू ईंगराः जीवमे सलसतगोतेडा।

एकूब 4:15

ननदो अपेके नाःआ इया ककाता लगा इदा, परबू चाहाःतान दो, अले जीयतले दोहोनता अरू नाःआ सहे हना बुता होंले बुताता, माःआन।