रूमी 15:31 - Korwa Bible

³¹ ईंग एहूदिया छतरिंग सेन मेला हंडाकुःआ बेगर बिसवासी होड़कू अते भगवान ईंगराः जीवे बनसावगे लगापे अरजीगे। अरू एरुसलेम सहररिकुःआ बिसवासी होड़कू ईंग इदीयता हना बिहिरीतेकू ननाय जुवाः लगा होँपे अरजीगोड ञवन।

रूमी 15:31 ပူးပေါင်းရင်းမြစ်များ

मूक चेलाकू 22:24

हाँयग मरंग हातपात होड़ पउलूस गड़हीरे एचे अगूतिडिगखन सइनाकू एचेरेय कतातेड, “नाँय गुरुंदतेपे ञेंडेय अरूपे जासवाय, दो ईंग सुदीगोडता होड़कू नाँय बदीरे चिला लगाकू खिररीतना।”

मूक चेलाकू 25:2

हंडा मरंग पुजउरीकू अरू एहूदा मूक होड़कू हाँय एचेरे वेगकियानखन पउलूसकू बदीतेरा।

मूक चेलाकू 25:24

दो पिसतूस कतातेड, “ने अगरिपा राजा अरू नंडा ईंग सुदा इदानपेःआ अपे जमा होड़कू, नाँयग होड़पे ञेल। जमा एहूदाकू एरुसलेमरे अरू नंडा हों मुरुक सटीते नाँयग होड़ तोनोंग इया ञेड गोजेय लगाकू असेया।

मूक चेलाकू 9:13

दो हनानियाह कता कुदातेरा, “परबू अलोम वारगींग। हाँयग होड़ बदीरे मुरुकिंग अयूमतेरा अरू हाँय एरुसलेमरे आमरिकुःआ सुद होड़कू जमा बरानाः कटसियातेडकुःआ।

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

रूमी 15:25

मनदो नुँहू ईंग एरुसलेम सहररिकुःआ बिसवासी होड़कू सेवाकू लगा हंडायिंग सलाःतना।

1 कुरिंती 16:15

ने ईंगरिकुःआ अजी बोपोहकूतिंग, अपे सुसुदीतना अकाया देसरे इसतपनूसराः ओड़ाःरिकुःआ होड़कू मड़ंग ईसू एचेरेकू बिसवासतेरा। हँकू भगवानरिकुःआ सुद होड़कू संघरावा लगा मुरुक सपड़ावतोकू दोहोनता।

2 कुरिंती 1:10

हाँय गुजुः इयाःआ कटसियातेय बनसावकेडलिंगा अरूय बनसावलिंगता। अपे मिनी जीवते अलिंग लगा अरजीकेडखनपे संघरावालिंगता।

2 कुरिंती 8:4

एरुसलेम सहररे इदानकुःआ भगवानरिकुःआ सुद होड़कूराः सेवारे बिहिरी एमेवाडखन मेसान लगा दोंगकू पवाः लगा अले एचेरे घड़ी घड़ीकू गोड़न-पइयना।

2 कुरिंती 9:1

भगवानरिकुःआ सुद होड़कू लगा बिहिरी उतराव बदीरे अपे एचेरे ईंग ओओजाः लगा कोवानेःआ।

2 कुरिंती 9:13

नाःआ सेवाते होड़कू सुदीगोडता अपे मसीराः नपाय सरवन बिसवास घड़ीनपे मनावगोड ञवनतना अरू अपे गरीब होड़कू अरू एटाः बिसवासी होड़कू संघरावाकू लगा ओसताज इदानपेःआ, माःआन। अरू हना अते हँकू भगवानकू जागता।

1 तिसलूनिका 2:15

हँननकुःआ एहूदाकू भगवानरिकुःआ बड़रा कता होड़कू अरू परबू ईसू मसीकू ञेड एंडातेरा। अरू हँनकुःआ होड़कू अले होंकू एचे ञीरगोतेडले। अरू हँननकुःआ एहूदाकू जमा होड़कूकू घंटावता अरू भगवान हँकू सुदा बहाल कोवाया।

2 तिसलूनिका 3:2

जमा होड़कू ईसू मसी एचेरे मेरकू बिसवासगेता। हनालगा बेलूर अरू कसूर होड़कू अते भगवान अले बनसावले लगा होँपे अरजीगे।

2 तिमुतियूस 3:11

अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।